အမေရိကန် သမ္မတ ဂျိုးဘိုင်ဒန် အနေနဲ့ ရွေးကောက်ပွဲ ထပ်မပြိုင်တော့ဘူးလို့ ကြေညာအပြီး တလအကြာ Kamala Harris ဟာ ဒီမိုကရက်တစ်ပါတီရဲ့ သမ္မတလောင်းအဖြစ်လက်ခံမိန့်ခွန်းပြောပါတယ်။ သူ့ရဲ့ သမိုင်းမှတ်တမ်းနဲ့ နိုင်ငံအတွက် ရည်မှန်းချက်တွေကို ပြိုင်ဘက် ဖြစ်သူ သမ္မတဟောင်း Donald Trump နဲ့ နှိုင်းယှဉ်ပြောသွားပါတယ်။
နိုဝင်ဘာရွေးကောက်ပွဲမှာ ဝင်ပြိုင်ရမယ့်သမ္မတလောင်းအဖြစ် ပါတီရဲ့ ရွေးချယ်မှုကို လက်ခံကြောင်း Chicago မြို့မှာကျင်းပတဲ့ ပါတီညီလာခံနောက်ဆုံးနေ့ ကြာသပတေးနေ့ညက မိန့်ခွန်းပြောခဲ့တာဖြစ်ပါတယ်။
အမေရိကန်ပြည်ထောင်စု အီလီနွိုင်းပြည်နယ် ချီကာဂိုမြို့တော်မှာ ကျင်းပနေတဲ့ ဒီမိုကရက်ပါတီညီလာခံရဲ့ နောက်ဆုံးနေ့ဖြစ်တဲ့ ဒီကနေ့မှာ ဒုသမ္မတ Kamala Harris က ပါတီသမ္မတလောင်းအဖြစ် တရားဝင်လက်ခံမိန့်ခွန်းပြောဆိုဖို့ရှိပြီး၊ အဲဒီ တပြိုင်တည်းမှာပဲ ဗွီအိုအေ မြန်မာပိုင်းအစီအစဉ်ကနေ ရွေးကောက်ပွဲအထူးအစီအစဉ်အဖြစ် တိုက်ရိုက်ထုတ်လွှင့်တင်ဆက်ပေးနေတာဖြစ်ပါတယ်။ ဒီအထူးအစီအစဉ်မှာ DNC ဒီမိုကရက်ပါတီညီလာခံ ပါတီသမ္မတလောင်းလက်ခံမိန့်ခွန်း တိုက်ရိုက်ထုတ်လွှင့်ချက်နဲ့အတူ၊ သုံးသပ်ချက်အစီအစဉ် ရွေးကောက်ပွဲသတင်းဆောင်းပါးတွေကိုပါ ထုတ်လွှင့်သွားပေးသွားမှာပါ။ ဒီအစီအစဉ်ကို ဗွီအိုအေ မြန်မာပိုင်းရဲ့ လူထုမိတ်ဆွေရုပ်သံချာနယ်နဲ့ ဗွီအိုအေ ဝက်ဆိုဒ်အပြင် ဗွီအိုအေမြန်မာပိုင်း Facebook နဲ့ Youtube လူမှုမီဒီယာတွေမှာလည်း တိုက်ရိုက်ကြည့်ရှုနိုင်ပါတယ်။
ဒီမိုကရက်တစ်ပါတီရဲ့ နိုင်ငံလုံးဆိုင်ရာ ညီလာခံ နောက်ဆုံးနေ့ဖြစ်တဲ့ ကြာသပတေးနေ့ညပိုင်းမှာ လက်ရှိ ဒုသမ္မတ ကမ်မလာဟဲရစ်က သမ္မတလောင်းအဖြစ် အဆိုပြုချက်ကို တရားဝင် လက်ခံကြောင်း မိန့်ခွန်းပြောကြားမှာ ဖြစ်ပါတယ်။ ဟဲရစ်ပြောကြားမယ့် မိန့်ခွန်းမှာ အဓိက အကြောင်းအရာ ၃ ခု ပါဝင်မှာဖြစ်ကြောင်း တာဝန်ခံတဦးက ပြောပါတယ်။
တတိယမြောက်နေ့မှာတော့ သားဆက်ခြားခြင်းနဲ့ ဆိုင်တဲ့အခွင့်အရေး၊ သဘာဝ ပတ်ဝန်းကျင်အရေးနဲ့ နယ်စပ် လုံခြုံရေးဆိုင်ရာ ကိစ္စတွေကို အဓိက ပြောဆိုခဲ့ကြတဲ့ တချိန်တည်းမှာ မိန့်ခွန်းပြောကြားခဲ့သူ အားလုံးရဲ့ အဓိက သတင်းစကားကတော့ နိုဝင်ဘာ ရွေးကောက်ပွဲမှာ အကောင်းဆုံးကို ရွေးချယ်နိုင်ကြဖို့ အဓိက တိုက်တွန်းခဲ့ကြပါတယ်။
ဒီမိုကရက်တစ်ပါတီ နိုင်ငံလုံးဆိုင်ရာညီလာခံ တတိယနေ့ညမှာတော့ ပါတီရဲ့ ဒုသမ္မတလောင်း အဖြစ်အဆိုပြုခံရသူ မင်နီဆိုးတားပြည်နယ် အုပ်ချုပ်ရေးမှူး Tin Waltz က လက်ခံမိန့်ခွန်း ပြောကြားခဲ့ပါတယ်။ ရှီကာဂိုမြို့ကနေ Kane Farabaugh သတင်းပေးပို့ထားတာကို မခင်ဖြူထွေးက ပြောပြမှာပါ။
အမေရိကန်ပြည်ထောင်စု Chicago မြို့မှာကျင်းပနေတဲ့ Democratic ပါတီညီလာခံမှာ ပါတီဒုသမ္မတလောင်းအဖြစ် Minnesota ပြည်နယ်အုပ်ချုပ်ရေးမှူး Tim Walz ကို ဗုဒ္ဓဟူးနေ့ညက တရားဝင် ရွေးချယ်လိုက်ပါပြီ။
အမေရိကန် နိုင်ငံခြားရေးဝန်ကြီး Antony Blinken ရဲ့ ၉ ကြိမ်မြောက် အရှေ့အလယ်ပိုင်းခရီးစဉ် အင်္ဂါနေ့နှောင်းပိုင်းမှာ အဆုံးသတ်ခဲ့ပြီး အစ္စရေးနဲ့ ဟားမတ်စ်ကြား အပစ်အခတ်ရပ်စဲရေး အမြန်ဆုံး သဘောတူညီချက်ရရှိဖို့ လိုအပ်ကြောင်း ပြောလိုက်ပါတယ်။
ဒီမိုကရက်တစ်ပါတီညီလာခံ ဒုတိယနေ့ညမှာ သမ္မတဟောင်း Obama တို့ ဇနီးမောင်နှံက ဒုသမ္မတ Kamala Harris ကို ထောက်ခံ အားပေးတဲ့စကားတွေ ပြောကြားခဲ့ကြတဲ့ တချိန်ထဲမှာဘဲ ပြိုင်ဘက် Donald Trump ကိုလည်း ထိုးနှက် တိုက်ခိုက်ခဲ့ကြပါတယ်။
ရှီကာဂိုမြို့မှာ ကျင်းပနေတဲ့ ဒီမိုကရက်တစ်ပါတီ နိုင်ငံလုံးဆိုင်ရာညီလာခံ ဒုတိယ နေ့မှာတော့ အမေရိကန် သမ္မတဟောင်း Barack Obama က မိန့်ခွန်း ပြောကြားပြီး ဒုသမ္မတ Kamala Harris ဟာ လာမယ့် နိုဝင်ဘာ သမ္မတရွေးကောက်ပွဲမှာ Donald Trump ကို ယှဉ်ပြိုင်ဖို့ မှန်ကန်တဲ့ ရွေးချယ်မှုပဲ ဆိုတာ ပြောခဲ့ပါတယ်။
ရှီကာဂိုမြို့မှာ ၄ ရက်ကြာ ကျင်းပနေတဲ့ နိုင်ငံလုံးဆိုင်ရာ ဒီမိုကရက်တစ် ပါတီညီလာခံ ပထမနေ့မှာပဲ မြို့ပေါ်ဆန္ဒပြပွဲတွေနဲ့ အဖမ်းအဆီးတွေ ရှိခဲ့သလို၊ ရှီကာဂိုမြို့ အဓိကကျတဲ့နေရာတွေမှာ လုံခြုံရေး အထူး တင်းကြပ်ထားတယ်လို့ မြို့ခံတွေက ပြောပါတယ်။ ကိုဉာဏ်ဝင်းအောင် စုစည်း တင်ပြထားပါတယ်။
အမေရိကန် သမ္မတ ဂျိုးဘိုင်ဒန် အနေနဲ့ ရွေးကောက်ပွဲ ထပ်မပြိုင်တော့ဘူးလို့ ကြေညာအပြီး ဒီမိုကရက်တစ်ပါတီနိုင်ငံလုံးဆိုင်ရာ ညီလာခံ ပထမနေ့ မှာ မိန့်ခွန်းပြောပါတယ်။ သူ့သမိုင်းကို မြှင့်တင်ပြောကြားပြီး ဒုသမ္မတ Kamala Harris ကို ပါတီရဲ့ သမ္မတလောင်းအဖြစ် ချီးကျုး ပြောဆိုခဲ့ပါတယ်။ ကိုငြိမ်းချမ်းက တင်ပြမှာပါ။
နောက်ထပ်ကြည့်ရှုရန်
တရုတ်နိုင်ငံ၏ ကမ္ဘာတဝန်း ဖွံ့ဖြိုးမှုစီမံကိန်းများအတွက် အသုံးစရိတ်သည် ဒီရာစုနှစ် စတင်ကတည်းက ဒေါ်လာ ၁ ထရီလီယံခန့် တိုးလာခဲ့ပြီး ကမ္ဘာမှာ ဘဏ္ဍာငွေအများဆုံး ထောက်ပံ့တဲ့ နိုင်ငံဖြစ်လာပါသည်။
