အမေရိကန် နိုင်ငံခြားရေးဝန်ကြီး Antony Blinken ရဲ့ ၉ ကြိမ်မြောက် အရှေ့အလယ်ပိုင်းခရီးစဉ် အင်္ဂါနေ့နှောင်းပိုင်းမှာ အဆုံးသတ်ခဲ့ပြီး အစ္စရေးနဲ့ ဟားမတ်စ်ကြား အပစ်အခတ်ရပ်စဲရေး အမြန်ဆုံး သဘောတူညီချက်ရရှိဖို့ လိုအပ်ကြောင်း ပြောလိုက်ပါတယ်။
ဒီမိုကရက်တစ်ပါတီညီလာခံ ဒုတိယနေ့ညမှာ သမ္မတဟောင်း Obama တို့ ဇနီးမောင်နှံက ဒုသမ္မတ Kamala Harris ကို ထောက်ခံ အားပေးတဲ့စကားတွေ ပြောကြားခဲ့ကြတဲ့ တချိန်ထဲမှာဘဲ ပြိုင်ဘက် Donald Trump ကိုလည်း ထိုးနှက် တိုက်ခိုက်ခဲ့ကြပါတယ်။
ရှီကာဂိုမြို့မှာ ကျင်းပနေတဲ့ ဒီမိုကရက်တစ်ပါတီ နိုင်ငံလုံးဆိုင်ရာညီလာခံ ဒုတိယ နေ့မှာတော့ အမေရိကန် သမ္မတဟောင်း Barack Obama က မိန့်ခွန်း ပြောကြားပြီး ဒုသမ္မတ Kamala Harris ဟာ လာမယ့် နိုဝင်ဘာ သမ္မတရွေးကောက်ပွဲမှာ Donald Trump ကို ယှဉ်ပြိုင်ဖို့ မှန်ကန်တဲ့ ရွေးချယ်မှုပဲ ဆိုတာ ပြောခဲ့ပါတယ်။
ရှီကာဂိုမြို့မှာ ၄ ရက်ကြာ ကျင်းပနေတဲ့ နိုင်ငံလုံးဆိုင်ရာ ဒီမိုကရက်တစ် ပါတီညီလာခံ ပထမနေ့မှာပဲ မြို့ပေါ်ဆန္ဒပြပွဲတွေနဲ့ အဖမ်းအဆီးတွေ ရှိခဲ့သလို၊ ရှီကာဂိုမြို့ အဓိကကျတဲ့နေရာတွေမှာ လုံခြုံရေး အထူး တင်းကြပ်ထားတယ်လို့ မြို့ခံတွေက ပြောပါတယ်။ ကိုဉာဏ်ဝင်းအောင် စုစည်း တင်ပြထားပါတယ်။
အမေရိကန် သမ္မတ ဂျိုးဘိုင်ဒန် အနေနဲ့ ရွေးကောက်ပွဲ ထပ်မပြိုင်တော့ဘူးလို့ ကြေညာအပြီး ဒီမိုကရက်တစ်ပါတီနိုင်ငံလုံးဆိုင်ရာ ညီလာခံ ပထမနေ့ မှာ မိန့်ခွန်းပြောပါတယ်။ သူ့သမိုင်းကို မြှင့်တင်ပြောကြားပြီး ဒုသမ္မတ Kamala Harris ကို ပါတီရဲ့ သမ္မတလောင်းအဖြစ် ချီးကျုး ပြောဆိုခဲ့ပါတယ်။ ကိုငြိမ်းချမ်းက တင်ပြမှာပါ။
ဂါဇာဒေသ အပစ်ရပ်စဲရေး သဘောတူညီချက်အတွက် အမေရိကန်က ညှိနှိုင်းပေးထားတဲ့အဆိုပြုချက်ကို အစ္စရေးဝန်ကြီးချုပ် Benjamin Netanyahu က သဘောတူ လက်ခံခဲ့ကြောင်း အမေရိကန် နိုင်ငံခြားရေးဝန်ကြီး Antony Blinken ကပြောလိုက်ပါတယ်။
ဒီမိုကရက်တစ်ပါတီ သမ္မတလောင်း ဒုသမ္မတ Kamala Harris အနေနဲ့ ရီပတ်ဘလစ်ကန်သမ္မတလောင်း Donald Trump ကို အသာစီးရလာနေတဲ့အပေါ် သမ္မတ Joe Biden က မနေ့က စတင်တဲ့နိုင်ငံလုံးဆိုင်ရာ ဒီမိုကရက်တစ်ပါတီ DNC ညီလာခံမှာ ချီးကျူးပြောဆိုပါတယ်။
"‘တင်သွင်းခွင့်တားမြစ်ထားတဲ့ပစ္စည်းများ’ ဆိုပြီး ဘယ် brand ကိုမှ target မထားဘဲနဲ့ ingredient ထဲမှာကိုက ငါးခူတို့၊ ငါးတန်တို့၊ ငါးကျည်းတို့အသားတွေပါတဲ့အခါကျရင် အမေရိကန်နိုင်ငံကို တင်သွင်းခွင့်မပေးပါဘူးဆိုပြီးတော့ ထုတ်ပြန်ညွှန်ကြားထားတာဖြစ်ပါတယ်ရှင့်။" (မပြည့်ဖြိုးသန္တာ- ဟင်္သာကုမ္ပဏီအရောင်းမန်နေဂျာ)
အမေရိကန် USDA နဲ့ စစ်ဆေးမှုဌာန ( FSIS) ထုတ်ပြန်ချက်အတိုင်း မြန်မာပြည်ထွက် အသား၊ ငါး ပစ္စည်းတွေကို ပြန်လည်သိမ်းဆည်းနေပြီး အမေရိကန် အစိုးရ စုံစမ်းစစ်ဆေးမှုတွေ နဲ့ ပူးပေါင်းဆောင်ရွက်ခဲ့တဲ့အကြောင်း ဟင်္သာကုမ္ပဏီက အရောင်းမန်နေဂျာ မပြည့်ဖြိုး သန္တာက ပြောပါတယ်။ ကိုငြိမ်းချမ်းက မေးမြန်းထားပါတယ်။
ဒေသတွင်းကို ရောက်နေတဲ့ အမေရိကန်နိုင်ငံခြားရေးဝန်ကြီး Antony Blinken က “ဝန်ကြီးချုပ် နေတန်ယာဟုနဲ့ အလွန်အပြုသဘောဆောင်တဲ့ အစည်းအဝေးမှာ အပစ်ရပ်တင်ပြချက်ကို အစ္စရေးလ်ဘက်က လက်ခံပါတယ်လို့ ဒီကနေ့ပဲ အတည်ပြုလိုက်ပါတယ်” ဆိုပြီး ဂျေရုဆလင်မ်မှာ သတင်းထောက်တွေကို တနင်္လာနေ့မှာ ပြောသွားပါတယ်။
၂၀၂၄ အမေရိကန်သမ္မတရွေးကောက်ပွဲအတွက် ဒီမိုကရက်တစ်ပါတီကိုယ်စားပြုသမ္မတလောင်းတွေဖြစ်တဲ့ ဒုသမ္မတ Kamala Harris နဲ့ ဒုသမ္မတလောင်း Tim Walz တို့ကို တရားဝင် ကိုယ်စားလှယ်လောင်းတွေအဖြစ် အတည်ပြုပေးဖို့အတွက် သမ္မတလောင်းရွေးချယ်ရေးဆိုင်ရာ ပါတီကိုယ်စားလှယ်တွေက အီလီနွိုက်ပြည်နယ် ချီကာဂိုမှာ ရောက်ရှိနေကြပါပြီ။
အမေရိကန် ပြည်ထောင်စု Chicago မြို့မှာ ဒီကနေ့ ကျင်းပမယ့် ဒီမိုကရက်တစ်ပါတီရဲ့ နိုင်ငံလုံးဆိုင်ရာ ညီလာခံကို တက်ရောက်ဖို့ ကိုယ်စားလှယ်တွေ မနေ့ကစရောက်လာနေကြပါပြီ။ ဂါဇာဒေသမှာ အစ္စရေး စစ်ဆင်နေတာကို သမ္မတ Joe Biden နဲ့ ဒုသမ္မတ Kamala Harris က ထောက်ခံနေတဲ့အပေါ် ကန့်ကွက် ဆန္ဒပြသူတွေလည်း ရှိနေပါတယ်။
နောက်ထပ်ကြည့်ရှုရန်
တရုတ်နိုင်ငံ၏ ကမ္ဘာတဝန်း ဖွံ့ဖြိုးမှုစီမံကိန်းများအတွက် အသုံးစရိတ်သည် ဒီရာစုနှစ် စတင်ကတည်းက ဒေါ်လာ ၁ ထရီလီယံခန့် တိုးလာခဲ့ပြီး ကမ္ဘာမှာ ဘဏ္ဍာငွေအများဆုံး ထောက်ပံ့တဲ့ နိုင်ငံဖြစ်လာပါသည်။
