ရုရှားနိုင်ငံနဲ့ သမိုင်းဝင် အကျဉ်းသား လဲလှယ်ရေး အစီအစဉ်အရ အမေရိကန် နိုင်ငံသား ၃ ယောက် မနေ့က အမေရိကန်ပြည်ထောင်စုပိုင် နယ်မြေကို ပြန်ရောက်လာတဲ့အပေါ် ကြည်နူးဝမ်းသာ ဖြစ်ရတဲ့အကြောင်း သမ္မတ Joe Biden က မနေ့ကညနေ ဝါရှင်တန်မြို့တော်အနီး Andrews လေတပ်စခန်းမှာ ပြောဆိုပါတယ်။
တရားလိုရှေ့နေတွေ၊ တရားရုံးဝန်ထမ်းတွေနဲ့ သူ့တို့ မိသားစုတွေအပေါ် မဝေဖန်ရ တားမြစ်ချက်ရုပ်သိမ်းပေးဖို့ သမ္မတဟောင်းထရမ့်ရဲ့ လျှောက်ထားချက်ကို နယူးယောက် အယူခံတရားရုံးက ကြာသပတေးနေ့မှာ ပယ်ချလိုက်ပါတယ်။
အမေရိကန်ပြည်ထောင်စုရဲ့ အမျိုးသားတန်ပြန်ထောက်လှမ်းရေး မဟာဗျူဟာကို သမ္မတဂျိုးဘိုင်ဒန်က ကြာသပတေးနေ့မှာ လက်မှတ်ထိုး ထုတ်ပြန်လိုက်ပါတယ်။ ရုရှား၊ တရုတ်၊ အီရန် နဲ့ မြောက်ကိုရီးယားတို့ဟာ ပြဿနာနိုင်ငံတွေဖြစ်ကြတယ်လို့ ဒီမဟာဗျူဟာက ပြောပါတယ်။
ရုရှားကအကျဥ်းချထားတဲ့ အကျဥ်းသား ၁၆ ဦးနဲ့ အနောက်နိုင်ငံတွေမှာအကျဥ်းချထားတဲ့ အကျဥ်းသား ၈ ဦး လဲတာကို အမေရိကန်က ကြာသပတေးနေ့မှာ အတည်ပြုလိုက်ပါတယ်။ သူတို့တွေ လွတ်မြောက်လာဖို့ သဘောတူညီချက်ရရှိတာဟာ အတိုင်းထက်အလွန် သံတမန်ရေးဆောင်ရွက်ချက် ဖြစ်တယ်လို့လည်း သမ္မတဂျိုးဘိုင်ဒန်က သတင်းစာရှင်းလင်းပွဲမှာ ပြောပါတယ်။
အမေရိကန်နဲ့ ရုရှား ၂ နိုင်ငံကြာမှာ သမိုင်းဝင် အကျဉ်းသားလဲလှယ်ရေး အစီအစဉ်တရပ်ကို လုပ်ဆောင်နိုင်ခဲ့တယ်လို့ အမေရိကန်က ဒီနေ့ အတည်ပြုပြောကြားလိုက်ပါတယ်။ စုစုပေါင်း ၁၆ ယောက် ပြန်လည်လွတ်မြောက်လာခဲ့ပြီး၊ အပြန်အလှန်အားဖြင့် နိုင်ငံအသီးသီးမှာ ဖမ်းဆီးထားတဲ့ ရုရှား ၈ ယောက်ကို ပြန်လွှတ်ပေးခဲ့ပါတယ်။
အမေရိကန်သမ္မတရွေးကောက်ပွဲကျင်းပဖို့ ရက်ပေါင်း ၁၀၀ တောင် မလိုတော့တဲ့ အချိန်မှာ ကိုယ်စားလှယ်လောင်းတွေရဲ့ အနေအထား၊ မဲဆန္ဒရှင်တွေရဲ့ လိုလားချက် စတာတွေနဲ့ ပတ်သက်ပြီး Scott Sterns ပေးပို့ထားတဲ့ သတင်းကို ကိုအောင်အောင် တင်ပြပေးထားပါတယ်။
အမေရိကန် ဒုသမ္မတကမ်မလာဟဲရစ်က သူ့အပေါ် သမ္မတဟောင်းဒေါ်နယ်ထရမ့်ရဲ့ လူမျိုးရေးအရ စွပ်စွဲတိုက်ခိုက်မှုဟာ အရင်က လုပ်နေကျ စွပ်စွဲချက်တွေသာ ဖြစ်တယ်လို့ တက္ကဆက်ပြည်နယ် Houston မြို့က အာဖရိကန်-အမေရိကန် တက္ကသိုလ် ကျောင်းသူ ကျောင်းသားတွေရဲ့ အစည်းအရုံးတခုမှာ မနေ့က တုံ့ပြန်ပြောဆိုပါတယ်။
အကျိုးအမြတ်မယူတဲ့ NGO အဖွဲ့အစည်းတခုက အမေရိကန်၊ နယူးယောက်မြို့ Brooklyn အရပ်မှာမှာရှိတဲ့ ငွေကြေးချို့တဲ့တဲ့ လူမှုအသိုင်းအဝိုင်းထဲက လူငယ်တွေကို ရေကူးသင်တန်းနဲ့ ရေဘေးအန္တရာယ်ကင်းရှင်းရေးသင်တန်းတွေ အခမဲ့ပို့ချပေးနေပါတယ်။ ဒီအကြောင်း June Hsu နဲ့ Rendy Wicaksana တို့ရဲ့သတင်းကို မမြသဇင်အောင်ပြောပြပေးပါမယ်။
အမေရိကန်သမ္မတဟောင်းထရမ့်ရဲ့ ရီပတ်ဘလစ်ကန်ပါတီက ဒုသမ္မတ ကမ်မလာဟဲရစ်ရဲ့ လူဝင်မှုကြီးကြပ်ရေးဆိုင်ရာ ကိစ္စရပ်တွေအပေါ်မှာ တိုက်ခိုက်နေပြီး သူ့မကို လည်း “နယ်စပ်အုပ်ချုပ်သူ ဇာဘုရင်မ” ဆိုပြီး ခေါ်ဝေါ်ပြောဆိုနေကြပါတယ်။ VOA လူဝင်မှုကြီးကြပ်ရေးသတင်းထောက် Aline Barros ပေးပို့လာတဲ့သတင်းကို ကိုစံကျော်ပြောပြပါမယ်။
ဒီမိုကရက်ပါတီ သမ္မတလောင်း ဖြစ်လာနိုင်သူ ဒုသမ္မတ Kamala Harris ကာလီဖိုးနီးယားပြည်နယ် ရှေ့နေချုပ်အဖြစ် တာဝန် ထမ်းဆောင်စဉ်အတွင်း နယ်စပ်လုံခြုံရေးနဲ့ ပတ်သတ်ပြီး အတွေ့အကြုံတွေ အများကြီး ရှိခဲ့ကြောင်း ချေပ ပြောဆိုပါတယ်။
တောင်နဲ့ အရှေ့တရုတ်ပင်လယ်တွေမှာ တရုတ်နိုင်ငံက တိုးမြှင့်လုပ်ဆောင်မှုတွေအပေါ် ဒေသတွင်းနိုင်ငံတွေနဲ့အတူ စိုးရိမ်ကြောင်းနဲ့ ဖိလစ်ပိုင်နဲ့ အမေရိကန်တို့ ပူးပေါင်းဆောင်ရွက်မှုတွေရဲ့ အရေးကြီးမှုတွေကိုလည်း ဖိလစ်ပိုင်သမ္မတ Ferdinand Marcos Jr နဲ့ တွေ့ဆုံရာမှာ ဝန်ကြီးဘလင်ကန်က အလေးထား ပြောကြားခဲ့တာပါ။
ဒီမိုကရက်ပါတီသမ္မတလောင်း ဖြစ်နိုင်ခြေရှိတဲ့ Kamala Harris နဲ့အတူ ရွေးကောက်ပွဲမှာ ဒုသမ္မတလောင်းအဖြစ် ယှဉ်ပြိုင်ဖို့ လျာထားခံရသူတွေ စာရင်းထဲကနေ မြောက် Carolina ပြည်နယ် အုပ်ချုပ်ရေးမှူး Roy Cooper နဲ့ Michigan ပြည်နယ် အုပ်ချုပ်ရေးမှူး Gretchen Whitmer တို့၂ ဦး မနေ့ကပဲ နုတ်ထွက်သွားပါတယ်။
နောက်ထပ်ကြည့်ရှုရန်
တရုတ်နိုင်ငံ၏ ကမ္ဘာတဝန်း ဖွံ့ဖြိုးမှုစီမံကိန်းများအတွက် အသုံးစရိတ်သည် ဒီရာစုနှစ် စတင်ကတည်းက ဒေါ်လာ ၁ ထရီလီယံခန့် တိုးလာခဲ့ပြီး ကမ္ဘာမှာ ဘဏ္ဍာငွေအများဆုံး ထောက်ပံ့တဲ့ နိုင်ငံဖြစ်လာပါသည်။
