အမေရိကန်ပြည်ထောင်စု အနောက်အလယ်ပိုင်းက Wisconsin ပြည်နယ်ဟာ သမ္မတရွေးကောက်ပွဲအတွက် အရေးကြီးတဲ့ ပြည်နယ် ၃ ခုထဲက တခုဖြစ်ပါတယ်။ မဲဆွယ်စည်းရုံးမှုတွေ တိုးလာနဲ့အမျှ ဒီပြည်နယ်မှာ ဘယ်လို အချက်တွေက မဲဆန္ဒရှင်တွေကို မဲပေးဖို့ တက်ကြွစေသလဲဆိုတာ Kane Farabaugh သတင်းပေးပို့ထားပါတယ်။ ကိုငြိမ်းချမ်းက တင်ပြမှာပါ။
အစ္စရေးနဲ့ဟာမတ်ကြား အပစ်အခတ်ရပ်စဲရေးသဘောတူညီချက်ရဖို့ အမေရိကန်၊ အီဂျစ်နဲ့၊ ကာတာတို့ အပြင်းအထန်ကြိုးပမ်းနေပေမဲ့ ဂါဇာ ငြိမ်းချမ်းရေးရည်မှန်းချက်ဟာ ပိုပြိးတော့ ခက်ခဲလာပုံရတယ်လို့ အမေရိကန်သမ္မတ Joe Biden က ပြောပါတယ်။
ဂျက်တိုက်လေယာဉ်တွေနဲ့ အဆင့်မြင့် ဝေဟင်ကနေ ဝေဟင်ပစ် ဒုံးကျည်တွေအပါအဝင် ဒေါ်လာ ဘီလီယံ ၂၀ တန်ဖိုးရှိတဲ့ စစ်လက်နက်ပစ္စည်းတွေ အစ္စရေးကို ရောင်းချဖို့ အတည်ပြုလိုက်ပြီဖြစ်ကြောင်း အမေရိကန်နိုင်ငံခြားရေးဌာနက မနေ့ ဩဂုတ်လ ၁၃ ရက်နေ့မှာ ပြောပါတယ်။
အမေရိကန် ဒုသမ္မတ Kamala Harris ကို ဝေဖန်သူတွေက သူအမျိုးသမီးဖြစ်တာကို ထောက်ပြပြီး မသိမသာရော သိသိသာသာရော အမျိုးသမီးတွေအနေနဲ့ ကမ္ဘာမှာ အာဏာအရှိဆုံးအလုပ်ကို မလုပ်နိုင်ဘူးလို့ ဝေဖန်ပါတယ်။ နောက်တခုကတော့ သူ့ရဲ့ လူမျိုးရေးပေါ် အခြေခံပြီးလည်း တိုက်ခိုက်နေတဲ့အကြောင်း ကျား/မရေးရာ လေ့လာသူတွေက ထောက်ပြနေပါတယ်။
အမေရိကန်ကုမ္ပဏီ Boeing ဆီက အပါချီ တိုက်ရဟတ်ယာဥ် ၉၆ စီး ဝယ်ယူမယ့် ဒေါ်လာ ၁၀ ဘီလီယံ တန်ဖိုးရှိ စာချုပ်ကို ပိုလန်က အင်္ဂါနေ့က လက်မှတ်ထိုးလိုက်ပါတယ်။ ၂၀၂၂ ခုနှစ် အိမ်နီးချင်း ယူကရိန်းကို ရုရှားက ကျူးကျော်ခဲ့ပြီးကတည်းက ပိုလန်နိုင်ငံဟာ သူ့ရဲ့လက်နက်ကိုင်တပ်တွေ ခေတ်မီဖို့ အရှိန်မြှင့် လုပ်ဆောင်နေခဲ့တာပါ။
ဒုသမ္မတ Kamala Harris က သူ အစိုးရရှေ့နေ ဘဝကစလို့ လူဝင်မှုကြီးကြပ်ရေးဆိုင်ရာ ကိစ္စတွေ ဆောင်ရွက်ခဲ့တာကို ထောက်ပြ မဲဆွယ်နေချိန်မှာ Donald Trump ကတော့ လက်ရှိအစိုးရ လက်ထက်မှာ နိုင်ငံထဲ ရွှေ့ပြောင်း ဝင်ရောက်သူဦးရေ စံချိန်တင် အများဆုံး ဖြစ်လာတယ်လို့ ဝေဖန်ပြီး နေရပ် ပြန်ပို့မယ်လို့ ကတိပြု ပြောဆိုနေပါတယ်။
၂၀၂၈ ခုနှစ် နွေရာသီ အိုလံပစ်ပြိုင်ပွဲတွေကို အိမ်ရှင်အဖြစ်လက်ခံကျင်းပမယ့် အမေရိကန်ပြည်ထောင်စု Los Angeles မြို့ကို မနေ့က အိုလံပစ် အလံ ဆိုက်ရောက်လာပါတယ်။ အမေရိကန် အားကစားအသင်း Tracksuit ဝတ်ထားတဲ့ Los Angeles မြို့တော်ဝန် Karen Bass က ပြင်သစ်နိုင်ငံကနေ ဂျက်လေယာဉ်နဲ့ အလံကို သယ်လာခဲ့တာပါ။
တနင်္လာနေ့က ရီပတ်ဘလီကန်သမ္မတလောင်း Donald Trump နဲ့ စီးပွါးရေးလုပ်ငန်းရှင် ကုဋေကြွယ်သူဋ္ဌေး Elon Musk တို့နှစ်ဦး တွေ့ဆုံမေးမြန်းခန်းကို Elon Musk ရဲ့ X လူမှုကွန်ယက်က တိုက်ရိုက်ထုတ်လွှင့်မှုအစီအစဉ် နည်းပညာပိုင်းချို့ယွင်းမှုတွေကြောင့် ထုတ်လွှင့်မှု ကြန့်ကြာခဲ့ပါတယ်။
အမေရိကန် လူငယ်မဲတွေ နဲ့ ထရမ့် သို့မဟုတ် ဟဲရစ် သမ္မတ ဖြစ်လာနိုင်မလား၊ လူငယ်မဲဆန္ဒရှင်တွေ အကြား ထောက်ခံမှုတွေ၊ စိတ်အားတက်ကြွတာတွေ တိုးလာတာကို နှစ်ဘက်စလုံးက စီစဉ်သူတွေကတော့ မြင်ကြရပါတယ်။ ဒါပေမဲ့လည်း သမိုင်းမှတ်တမ်းတွေ အရတော့ လူငယ်တွေဟာ ရွေးကောက်ပွဲမှာ မဲလာပေးတာ နည်းပါတယ်။
ပဲ့ထိန်းဒုံးကျည်တပ်ဆင်ထားတဲ့ ရေငုပ်သင်္ဘောတစင်းနဲ့ တိုက်ခိုက်ရေးလေယာဉ်တွေကို တင်ဆောင်ထားတဲ့ USS Abraham Lincoln လေယာဉ်တင် သင်္ဘောကို အရှေ့အလယ်ပိုင်းဒေသကို အမြန်ဆုံးစေလွှတ်သွားမယ်လို့ အမေရိကန် ကာကွယ်ရေးဝန်ကြီး Lloyd Austin က တနင်္ဂနွေနေ့က ပြောပါတယ်။
ရီပတ်ဘလစ်ကန်သမ္မတလောင်း Donald Trump က သူ့ရဲ့ အင်တာနက်စာမျက်နှာ ဖေါက်ထွင်းခိုးယူခံရကြောင်း ပြောပါတယ်။ ဒုသမ္မတ Kamala Harris နဲ့ ဒီမိုကရက် ဒုသမ္မတလောင်း အဖြစ် ရွေးချယ်ထားသူ Tim Walz တို့ဟာ ခုအခါ လှည့်လည် မဲဆွယ်စည်းရုံးနေပြီး စီးပွားရေးမူဝါဒနဲ့ ပတ်သတ်လို့ အဓိကထား ပြောဆိုရှင်းလင်းပါတယ်။
ဒီမိုကရက်တစ်ပါတီ ဒုသမ္မတလောင်း Tim Walz ရဲ့ တရုတ်ပြည်အတွေ့အကြုံတွေဟာ သူ ဒုသမ္မတ ဖြစ်လာတဲ့အခါ အသုံးဝင်လာနိုင်ပါတယ်။ တရုတ်နိုင်ငံနဲ့ ပတ်သက်ပြီး Walz ရဲ့ ရပ်တည်ချက် နဲ့ ပတ်သက်ပြီး Anita Powell နဲ့ Paris Huang တို့ တင်ပြထားပါတယ်။ကိုငြိမ်းချမ်း က တင်ပြမှာပါ။
နောက်ထပ်ကြည့်ရှုရန်
တရုတ်နိုင်ငံ၏ ကမ္ဘာတဝန်း ဖွံ့ဖြိုးမှုစီမံကိန်းများအတွက် အသုံးစရိတ်သည် ဒီရာစုနှစ် စတင်ကတည်းက ဒေါ်လာ ၁ ထရီလီယံခန့် တိုးလာခဲ့ပြီး ကမ္ဘာမှာ ဘဏ္ဍာငွေအများဆုံး ထောက်ပံ့တဲ့ နိုင်ငံဖြစ်လာပါသည်။
