သမ္မတရွေးကောက်ပွဲ ကျင်းပတဲ့နေ့ အမေရိကန်ပြည်ထောင်စု ဝါရှင်တန်ဒီစီ မြို့တော်မှာ လုံခြုံရေး အထူးတင်းကြပ်ထားပါတယ်။ ရွေးကောက်ပွဲ အကြောင်းပြ အကြမ်းဖက်မှုမျိုးတွေ ပေါ်ပေါက်မှာကို လက်ခံမှာ မဟုတ်တဲ့အကြောင်း မြို့တော်အုပ်ချုပ်ရေး တာဝန်ရှိသူတွေက ကြေညာကြတာပါ။
အမေရိကန် သမ္မတ ရွေးကောက်ပွဲ ကျင်းပဖို့ နာရီပိုင်းအလိုမှာပဲ အမေရိကန်ပြည်သူတွေအကြား ရွေးကောက်ပွဲကို အကြောင်းပြုပြီး သွေးကွဲအောင်၊ ပဋိပက္ခဖြစ်အောင် သွေးထိုးပေးတဲ့ ပြည်ပက လှုံဆော်တဲ့ လုပ်ရပ်တွေကို သတိထားဖို့ အမေရိကန် ထောက်လှမ်းရေး အေဂျင်စီတွေက အရေးပေါ် သတိပေးချက် ထုတ်ပြန်ပါတယ်။
နိုင်ငံသားခံယူထားတဲ့ နိုင်ငံခြားက ရွှေ့ပြောင်းလာသူတွေဟာ ၂၀၂၄ သမ္မတရွေးကောက်ပွဲမှာ မဲထည့်ဝင်ခွင့်ရှိတဲ့ မဲဆန္ဒရှင်တွေထဲ ၁၀ ပုံ ၁ ပုံ ပါဝင်ပါတယ်။ သူတို့အနေနဲ့ ရွေးကောက်ပွဲမှာ သက်ရောက်မှုရှိစေနိုင်မလား။ ပုံပြရုပ်သံမှာ ကိုဝင်းခန့်မောင် တင်ပြထားပါတယ်။
၂၀၂၄ အမေရိကန်သမ္မတ ရွေးကောက်ပွဲမှာ သမ္မတဟောင်း Donald Trump ပြန်အနိုင်ရဖို့ အလားအလာ ရှိမရှိ ဥရောပနိုင်ငံတွေက ပြည်သူတွေ စိတ်လှုပ်ရှားစွာ စောင့်ကြည့်နေကြပါတယ်။ NATO မြောက်အတ္တလန်တစ်စာချုပ်အဖွဲ့နဲ့ မဟာမိတ်တွေ ရှေ့ရေး ရင်တမမစောင့်ကြည့်ရမယ့် ရွေးကောက်ပွဲလို့လည်း ခန့်မှန်းကြတာပါ။ မမြသဇင်အောင်ပြောပြပါမယ်။
၁၇၈၈ ကနေ ၁၇၈၉ ခုနှစ်အတွင်းကျင်းပခဲ့တဲ့ အမေရိကန်ပြည်ထောင်စုရဲ့ ပထမဆုံး သမ္မတရွေးကောက်ပွဲမှာ ပြည်နယ် ၁၀ ခုပဲ ပါဝင်ခဲ့ပြီး အနိုင်ရမယ့်သူကိုလည်း ကြိုသိနေပြီးသား ဖြစ်ပါတယ်။ ဒါပေမယ့် အဲဒီရွေးကောက်ပွဲက အခုမျက်မှောက်ခေတ်သစ်အထိ ရေရှည်တည်တံ့တဲ့ ဒီမိုကရေစီ ထုံးတမ်းစဉ်လာတခုကို အစပြုဖန်တီးပေးခဲ့တာပါ။
ဒီမိုကရက်သမ္မတလောင်း Kamala Harris နဲ့ ရီပတ်ဘလစ်ကန်သမ္မတလောင်း Donald Trump တို့ဟာ မဲ အပြတ်အသတ်နဲ့ အနိုင်ရမဲ့အနေအထားမှာ မရှိတာကြောင့် ရွေးကောက်ပွဲရလာဒ်နဲ့ ပတ်သတ်ပြီး တရားတဘောင် အငြင်းပွားစရာတွေ ရှိလာမယ်ဆိုရင် ရင်ဆိုင်ဖို့ နှစ်ပါတီစလုံးက အဖွဲ့တွေက အဆင်သင့် ပြင်ထားကြပါတယ်။
အမေရိကန်ပြည်ထောင်စုမှာ ဒီကနေ့ အင်္ဂါနေ့ နိုင်ငံတဝန်းမှာ သမ္မတ ရွေးကောက်ပွဲတွေ ကျင်းပဖို့ရှိသလို၊ သမ္မတလောင်းတွေ ကလည်း နောက်ဆုံးအချိန်အထိ အပြိုင်အဆိုင် မဲဆွယ်နေကြပါတယ်။
အမေရိကန်ပြည်ထောင်စုက ထင်ကြားကျော်ကြားတဲ့ တေးရေးဆရာ၊ ထုတ်လုပ်သူနဲ့ ဖျော်ဖြေရေးလုပ်ငန်းပိုင်ရှင် Quincy Jones (ကွင်စီဂျုန်းစ်) ဟာ နှစ်ပေါင်း ၇၀ ကျော် ဂီတခရီးကိုလျှောက်လှမ်းခဲ့ပြီးတဲ့နောက် အခုတော့ အသက် ၉၁ နှစ်အရွယ်မှာ ကွယ်လွန်သွားပါပြီ။
အမေရိကန်သမ္မတရွေးကောက်ပွဲမှာ ကြိုတင်မဲပေးကြသူတွေထဲ ရုရှားရဲ့ ကျုးကျော်တိုက်ခိုက်မှုတွေကြုံရပြီးနောက်ပိုင်းကတည်းက အကြောင်းအမျိုးမျိုးနဲ့ ရောက်နေတဲ့ ထောင်နဲ့ချီတဲ့ အမေရိကန်နိုင်ငံသားတွေလည်း ပါဝင်ပါတယ်။ VOA သတင်းထောက် Lesia Bakalets ရဲ့ သတင်းလွှာကို ကိုသိန်းထိုက်ဦး တင်ပြပါလိမ့်မယ်။
အမေရိကန်မှာ လူမျိုးယဥ်ကျေးမှု အကွဲပြားဆုံးဒေသကနေ ထွက်ပေါ်လာခဲ့တဲ့ ဒီမိုကရက်ပါတီ သမ္မတလောင်း ကင်မလာဟဲရစ်ဟာ ဥပဒေစိုးမိုးရေးအတွက် တင်းတင်းမာမာ လုပ်ရတဲ့ လမ်းကြောင်းနဲ့ ပြုပြင်ပြောင်းလဲရေး လမ်းကြောင်းတို့ကြားမှာ ခရီးနှင်နေခဲ့ပါတယ်။ လက်ရှိဒုသမ္မတလည်းဖြစ်သူ ဟဲရစ်ရဲ့အကြောင်း ဦးတင်မောင်သန်း တင်ပြထားပါတယ်။
သမ္မတဟောင်း Donald Trump ဟာ ၉ နှစ်ကျော်အတွင်း အမေရိကန်နိုင်ငံရေးမှာ အစဉ်အလာရှိပြီး အရှိန်ဩဇာရှိတဲ့ တခြားနိုင်ငံရေးသမားကြီးတွေထက် လူထုထောက်ခံမှုရအောင် တည်ဆောက်ခဲ့သူပါ။ အမေရိကန်သမ္မတအဖြစ် ပြန်လည်အုပ်ချုပ်ခွင့်ရဖို့ ကြိုးစားနေတဲ့ သူ့အကြောင်း Tina Trinh ရဲ့ သတင်းကို ကိုသိန်းထိုက်ဦး တင်ဆက်ထားပါတယ်။
အမေရိကန်က စစ်တပ်ချထားမယ့်အကြောင်း အီရန်နိုင်ငံကို သတိပေးအပြီး နောက်တရက်မှာပဲ B-52 ဗုံးကြဲလေယာဉ်တွေ အရှေ့အလယ်ပိုင်းဒေသကို ရောက်ရှိသွားပြီဖြစ်ကြောင်း အမေရိကန်စစ်တပ်က ပြောလိုက်ပါတယ်။
နောက်ထပ်ကြည့်ရှုရန်
တရုတ်နိုင်ငံ၏ ကမ္ဘာတဝန်း ဖွံ့ဖြိုးမှုစီမံကိန်းများအတွက် အသုံးစရိတ်သည် ဒီရာစုနှစ် စတင်ကတည်းက ဒေါ်လာ ၁ ထရီလီယံခန့် တိုးလာခဲ့ပြီး ကမ္ဘာမှာ ဘဏ္ဍာငွေအများဆုံး ထောက်ပံ့တဲ့ နိုင်ငံဖြစ်လာပါသည်။
