အမေရိကန်ပြည်ထောင်စုမှာ ဇန်နဝါရီမှာ အာဏာလွှဲပေးရတော့မယ့် သမ္မတ Joe Biden နဲ့ တရုတ်သမ္မတ Xi Jinping တို့ ဒီနေ့ နောက်ဆုံးအကြိမ် တွေ့ဆုံဆွေးနွေးကြမှာ ဖြစ်ပါတယ်။
ကမ္ဘာကျော် Heavy Weigh လက်ဝှေ့ချန်ပီယံဟောင်း Mike Tyson နဲ့ YouTube ပေါ်မှာ ဗွီဒီယိုတွေ တင်ဆက်ပြီး နာမည်ကြီးတဲ့ YouTuber ကနေ လက်ဝှေ့သမား ဖြစ်လာသူ Jake Paul တို့ သောကြာနေ့ညက ယှဉ်ပြိုင်ထိုးသတ်ကြတာမှာ ၈ ချီထိုးအပြီး Jake Paul က အနိုင်ရသွားပါတယ်။
ရွေးကောက်ပွဲအနိုင်ရ Donald Trump က သူ့အစိုးရအဖွဲ့အတွင်း ပါဝင်မယ့်သူတွေကို ရွေးချယ်နေတာမှာ အိမ်ဖြူတော် ပြောခွင့်ရသူအဖြစ် အသက် ၂၇ နှစ်အရွယ် Karoline Leavitt ကို ရွေးချယ်လိုက်ပါတယ်။ သူဟာ အမေရိကန်သမိုင်းမှာ အသက်အငယ်ဆုံး အိမ်ဖြူတော်ပြောခွင့်ရသူ ဖြစ်လာမှာပါ။
Donald Trump အနိုင်ရခဲ့တာကြောင့် ကယ်လီဖိုးနီးယားပြည်နယ်က သူ့ကို ထောက်ခံသူတွေ ပျော်ရွှင်နေကြပါတယ်။ ဒီမိုကရက် ပြည်နယ်အုပ်ချုပ်ရေးမှူးကတော့ Trump သမ္မတ သက်တမ်းအတွင်း ဖက်ဒရယ်ဥပဒေအရ လွှမ်းမိုးပယ်ဖျက်လာနိုင်တဲ့ မူဝါဒကို ကာကွယ်နိုင်အောင် ပြည်နယ်လွှတ်တော် အထူး အစည်းအဝေး ကျင်းပဖို့ ပြောနေပါတယ်။
ကမ္ဘာ့ ဟဲဗီးဝိတ်ချန်ပီယံဟောင်း မိုက်တိုင်ဆင်နဲ့ ယူကျုဗွီဒီယို လွှင့်ထုတ်သူကနေ လက်ဝှေ့သမား ဖြစ်လာတဲ့ ဂျိတ်ခ်ပေါလ်တို့ မြန်မာစံတော်ချိန် စနေမနက် ၇ နာရီခွဲ မတိုင်ခင် ကြာသပတေးနေ့က သတ်မှတ်အလေးချိန်စစ်ဆေးပွဲမှာတော့ မိုက်တိုင်ဆန်က မျက်နှာချင်းဆိုင်ရပ်နေစဉ် ဂျိတ်ခ်ပေါလ်ကို ပါးရိုက်ခဲ့ပါတယ်။
ရွေးကောက်ခံသမ္မတ Donald Trump ဟာ သူ့နဲ့ ရင်းနှီးတဲ့ မဟာမိတ်တဦးကို အမေရိကန် ထောက်လှမ်းရေးဌာနကို ဦးဆောင်ဖို့ ရွေးချယ် အဆိုပြုထားပါတယ်။ ထရမ့်သမ္မတ သက်တမ်း ဇန်နဝါရီမှာစတင်တဲ့အခါ သူအဆိုပြုထားသူဟာ ထောက်လှမ်းရေးအေဂျင်စီတွေကို ကြီးကြပ်နိုင်ပါ့မလားဆိုတဲ့အကြောင်း ကိုအောင်အောင် တင်ပြထားပါတယ်။
ပီရူး (Peru) နိုင်ငံမှာရောက်ရှိနေတဲ့ အမေရိကန်သမ္မတ Joe Biden ဟာ ဒီနေ့ သောကြာနေ့မှာ တောင် ကိုရီးယားနဲ့ ဂျပန်ခေါင်းဆောင်တွေနဲ့ တွေ့ဆုံဖို့ရှိနေပါတယ်။ လီမာ (Lima) မြို့တော်မှာကျင်းပတဲ့ APEC အာရှ-ပစိဖိတ်စီးပွားရေးပူးပေါင်းဆောင်ရွက်မှု ညီလာခံ ဘေးပန်းမှာ ခေါင်းဆောင် ၃ ယောက် သီးခြားတွေ့ဆုံကြမှာဖြစ်ပါတယ်။
အမေရိကန်ပြည်ထောင်စု ရွေးကောက်ပွဲမှာ အနိုင်ရပြီးတဲ့အချိန်ကနေ ဇန်နဝါရီမှာ သမ္မတအဖြစ် တရားဝင်ကျမ်းသစ္စာကျိန်ဆိုတဲ့အချိန်အထိ ရွေးကောက်ခံသမ္မတနဲ့ သူ့အဖွဲ့က ဘာတွေပြင်ဆင်ရပါလဲ၊ လက်ရှိသမ္မတနဲ့ အစိုးရအဖွဲ့က ဘယ်လိုပူးပေါင်းဆောင်ရွက်ပေးနေရလဲဆိုတာတွေကို ဗွီအိုအေပုံပြရုပ်သံမှာ ကိုဝင်းခန့်မောင် တင်ပြထားပါတယ်။
တရုတ်နိုင်ငံ အပေါ် သဘောတင်းမာသူ China Hawk အဖြစ် ထင်ရှားသူ ရူဘီယိုဟာ မြန်မာ့အရေးကိုလည်း သိသူ ဖြစ်လို့ မြန်မာအရေး လှုံဆော်နေကြတဲ့ အမေရိကန်-မြန်မာ အသိုက်အဝန်းကတော့ ဒီ ရွေးချယ်မှုကို ကြိုဆိုလိုက်ပေမယ့် ထရမ့် အစိုးရရဲ့ နိုင်ငံခြားရေး မူဝါဒါကိုတော့ မေးခွန်းထုတ်ကြပါတယ်။
ပီရူးနိုင်ငံ Lima မြို့တော်မှာ နက်ဖြန်သောကြာနဲ့ စနေနေ့မှာကျင်းပမယ့် အာရှ-ပစိဖိတ် စီးပွားရေး ပူးပေါင်းဆောင်ရွက်ရေး APEC ညီလာခံဘေးပန်းမှာ အမေရိကန်နဲ့တရုတ်သမ္မတတို့ စနေနေ့ကျရင် တွေ့ဆုံမှာဖြစ်တယ်လို့ အမျိုးသားလုံခြုံရေးအကြံပေး Jake Sullivan ကပြောပါတယ်။
အမေရိကန် သမ္မတ ရွေးကောက်ပွဲ အနိုင်ရ ဒေါ်နယ်ထရမ့်ရဲ့ လက်ထက် နိုင်ငံခြားရေး မူဝါဒတွေထဲမှာ နိုင်ငံရပ်ခြား အကူအညီတွေ လျှော့ချရေး ပါဝင်လာဖွယ်ရှိတယ် ဆိုပြီး လေ့လာသူတွေက ထောက်ပြနေချိန်မှာပဲ မြန်မာ့အရေး အကူအညီပေးရေး အတွက် စိုးရိမ်ချက်တွေလည်း ရှိနေပါတယ်။
လာမယ့်နှစ် အထက်လွှတ်တော် အများစု အမတ်ခေါင်းဆောင်အဖြစ် John Thune ကို အထက်လွှတ်တော် ရီပါဘလီကန် အမတ်တွေက ဗုဒ္ဓဟူးနေ့မှာ ရွေးချယ်လိုက်ကြပါတယ်။ အခုလို ခေါင်းဆောင်အဖြစ် အခြားသူ ၂ ယောက်နဲ့ ယှဥ်ပြိုင်ရာမှာ တောင်ဒါကိုတာ ပြည်နယ် အထက်လွှတ်တော် အမတ် John Thune လျှို့ဝှက်မဲနဲ့ အရွေးခံခဲ့ရတာ ဖြစ်ပါတယ်။
နောက်ထပ်ကြည့်ရှုရန်
တရုတ်နိုင်ငံ၏ ကမ္ဘာတဝန်း ဖွံ့ဖြိုးမှုစီမံကိန်းများအတွက် အသုံးစရိတ်သည် ဒီရာစုနှစ် စတင်ကတည်းက ဒေါ်လာ ၁ ထရီလီယံခန့် တိုးလာခဲ့ပြီး ကမ္ဘာမှာ ဘဏ္ဍာငွေအများဆုံး ထောက်ပံ့တဲ့ နိုင်ငံဖြစ်လာပါသည်။
