အရှေ့အလယ်ပိုင်း ဒေသကိုသွားရောက် ကြိုးပမ်းနေတဲ့ အမေရိကန်နိုင်ငံခြားရေးဝန်ကြီး Antony Blinken ဟာ ဒီနေ့မှာတော့ ပါလက်စတိုင်းခေါင်းဆောင် Mahmoud Abbas, ဂျော်ဒန်ဘုရင် Abdullah တို့နဲ့ ဂျော်ဒန်နိုင်ငံ Amman မြို့တော်မှာ တွေ့ဆုံခဲ့ပါတယ်။
အောက်လွတ်တော်ဥက္ကဋ္ဌအဖြစ် ရွေးချယ်ခံရဖို့ သူ့ပါတီအတွင်းမှာတင် လုံလောက်တဲ့ မဲအရေအတွက် မရနိုင်တဲ့အတွက် လွတ်တော်အမတ် Steve Scalise ဟာ လွတ်တော်ဥက္ကဋ္ဌလောင်းအဖြစ်ကနေ ပြန်ရုပ်သိမ်းလိုက်ပါတယ်။
ဟာမက်စ်စစ်သွေးကြွတွေရဲ့ တိုက်ခိုက်မှုခံထားရတဲ့ အစ္စရေးတို့နဲ့ စည်းလုံးမှုရှိတယ်ဆိုတာပြသတဲ့အနေနဲ့ အမေရိကန်နိုင်ငံခြားရေးဝန်ကြီး Antony Blinken အစ္စရေးနိုင်ငံ Tel Aviv မြို့ကိုသွားရောက်ပြီး ဝန်ကြီးချုပ် Benjamin Netanyahu နဲ့ ဒီနေ့ကြာသပတေးနေ့မှာ တွေ့ဆုံဆွေးနွေးခဲ့ပါတယ်။
အမေရိကန်နိုင်ငံခြားရေးဝန်ကြီး Antony Blinken ဟာ အစ္စရေးနိုင်ငံရဲ့ ကိုယ့်ကိုယ်ကိုယ် ခုခံကာကွယ်ပိုင်ခွင့်နဲ့ ပတ်သတ်လို့ ထောက်ခံကြောင်း ပြသတဲ့အနေနဲ့ အစ္စရေး နိုင်ငံကို သွားရောက်ပါတယ်။ အစ္စရေးအပြင် ဂျော်ဒန် နိုင်ငံကိုလည်း သွားရောက်မှာဖြစ်ပြီး အစ္စရေးပါလက်စတိုင်း စစ်ပွဲ ကိစ္စတွေ ဆွေးနွေးပါလိမ့်မယ်။
အမေရိကန်နိုင်ငံခြားရေးဝန်ကြီး Antony Blinken ဟာ ဒီသီတင်းပတ်အတွင်း အစ္စရေးနဲ့ ဂျော်ဒန်နိုင်ငံကို သွားပြီး အစ္စရေး ပါလက်စတိုင်းစစ်ပွဲအရေးနဲ့ ပတ်သက်လို့ ဆွေးနွေးမှာ ဖြစ်သလို အစ္စရေးနိုင်ငံရဲ့ ကိုယ့်ကိုယ်ကိုယ် ခုခံကာကွယ်ပိုင်ခွင့်နဲ့ ပတ်သက်လို့ ထောက်ခံကြောင်း ပြသတဲ့အနေနဲ့လည်း သွားရောက်တာဖြစ်ပါတယ်။
ပြီးခဲ့တဲ့အပတ်ကဖယ်ရှားခံခဲ့ရတဲ့ အမေရိကန် အောက်လွှတ် တော်ဥက္ကဋ္ဌ Kevin McCarthy နေရာအတွက် Steve Scalise ကို အောက်လွှတ်တော် ရီပတ်ဘလီကန်ကိုယ်စားလှယ်တွေက ဗုဒ္ဓဟူးနေ့မှာ အဆိုပြုလိုက်ပါတယ်။
အမေရိကန်အစိုးရက ကတိပေးထားတဲ့အတိုင်း အစ္စရေးကို ကူညီပေးတဲ့ အဆင့်အမြင့်ဆုံး နောက်ဆုံးပေါ်လက်နက်တွေ ဒီကနေ့ အစ္စရေးကို ရောက်လာပြီလို့ အစ္စရေးကာကွယ်ရေးဌာနက ဒီကနေ့ ပြောပါတယ်။ အမျိုးအမည် အတိအကျမသိရတဲ့ အဲဒီ လက်နက်ကို လေယာဉ်ပေါ်ကနေ ချနေတဲ့ရုပ်ပုံကိုလည်း အစ္စရေးစစ်တပ်က ထုတ်ပြန်ခဲ့ပါတယ်။
ပြီးခဲ့တဲ့အောက်တိုဘာ (၈)ရက်နေ့က အစ္စရေးကို ဟာမတ်စ်အဖွဲ့က စတင်တိုက်ခိုက်ခဲ့ပြီး နှစ်ဘက်ပဋိပက္ခအရှိန်မြင့်လာတဲ့အပေါ် အမေရိကန်သမ္မတဂျိုးဘိုင်ဒန်က မနေ့က (အောက်တိုဘာ ၁၀) အိမ်ဖြူတော် မိန့်ခွန်းပြောကြားခဲ့ပြီး အစ္စရေးနဲ့အတူ ရပ်တည်ကြောင်းပြသခဲ့ပါတယ်။
အမေရိကန် အောက်လွှတ်တော်မှာ ဥက္ကဋ္ဌ Kevin McCarthy ကို မဲခွဲဖယ်ရှားခဲ့ပြီးနောက် သူ့နေရာမှာ အစားထိုးမယ့်သူကိုရွေးချယ်ဖို့ ဒီနေ့ ရီပတ်ဘလစ်ကန်အမတ်တွေ တံခါးပိတ်စတင် ဆွေးနွေးကြပါလိမ့်မယ်။
ကချင်လွတ်လပ်ရေးအဖွဲ့ KIO ဌာချုပ်ရှိရာ၊ လိုင်ဇာမြို့အနီး မုန်လိုင်ခက် ဒုက္ခသည်စခန်းမှာ ကလေးတွေ အပါအဝင် လူ ၃၀ နီးပါး သေဆုံးခဲ့တဲ့ တိုက်ခိုက်မှုအပေါ် အမေရိကန်က စစ်ကောင်စီကို ပြစ်တင်ရှုတ်ချလိုက်ပါတယ်။
အရေးတကြီးလိုနေတဲ့ လက်နက်ခဲယမ်းနဲ့ စစ်ပစ္စည်းတွေကို အစ္စရေးကို စတင်ပို့နေပြီး သုံးရက်ကြာခဲ့ပြီဖြစ်တဲ့ ဟားမတ်စ်နဲ့စစ်ပွဲမှာ ဘာတွေကို မြန်မြန်ဆန်ဆန် ပို့နိုင်မလဲဆိုတာကိုသိရအောင် သိုလှောင်ပစ္စည်းစာရင်းတွေကို ပြန်ကြည့်နေတယ်လို့ အမေရိကန်ကာကွယ်ရေးဝန်ကြီးဌာန အကြီးတန်းတာဝန်ရှိသူတဦးက တနင်္လာနေ့က ပြောပါတယ်။
အမေရိကန် ပြည်ထောင်စုမှာ ဒီကနေ့ဟာ ကိုလံဘတ်စ် အားလပ်ရက်နေ့ ဖြစ်သလို၊ ဌာနေတိုင်းရင်းသားနေ့ အဖြစ်နဲ့လည်း အားလပ်ရက်ကို ဆင်နွှဲကြပါတယ်။ အမေရိကတိုက်ကို ရှာဖွေတွေ့ရှိခဲ့သူအဖြစ် ခရစ္စတိုဖာ ကိုလံဘတ်စ် ကိုဂုဏ်ပြုတဲ့အနေနဲ့ အမေရိကန်မှာ ၁၉၃၇ ခုနှစ်ကတည်းက ကိုလံဘတ်စ် အားလပ်ရက်နေ့အဖြစ် သတ်မှတ်ခဲ့တာပါ။
နောက်ထပ်ကြည့်ရှုရန်
တရုတ်နိုင်ငံ၏ ကမ္ဘာတဝန်း ဖွံ့ဖြိုးမှုစီမံကိန်းများအတွက် အသုံးစရိတ်သည် ဒီရာစုနှစ် စတင်ကတည်းက ဒေါ်လာ ၁ ထရီလီယံခန့် တိုးလာခဲ့ပြီး ကမ္ဘာမှာ ဘဏ္ဍာငွေအများဆုံး ထောက်ပံ့တဲ့ နိုင်ငံဖြစ်လာပါသည်။
