ဂါဇာစစ်ပွဲကို ဆန့်ကျင်တဲ့ ဆန္ဒပြပွဲတွေ ကျယ်ကျယ်ပြန့်ပြန့် ဖြစ်နေတဲ့ အမေရိကန်ပြည်ထောင်စုက တက္ကသိုလ်တချို့ မှာ ဆန္ဒပြမှုတွေ ရပ်ဆိုင်းထားကြပါတယ်။ ပါလက်စတိုင်းထောက်ခံတဲ့ ကျောင်းသားတွေနဲ့ တက္ကသိုလ်အာဏာပိုင်တွေကြား သဘောတူညီမှုတွေ ရခဲ့ပြီးနောက် ဆန္ဒပြပွဲတွေကို ရပ်ခဲ့ကြတာဖြစ်ပါတယ်။
အိန္ဒိယနဲ့ ဂျပန်နိုင်တွေဟာ တရုတ်နဲ့ ရုရှားနိုင်ငံတွေလိုပဲ နိုင်ငံခြားသားတွေကို လက်မခံချင်ကြတဲ့အတွက် စီးပွားရေးအရ ခက်ခက်ခဲခဲ ရုန်းကန်နေကြရတယ်လို့ အမေရိကန်သမ္မတ ဂျိုးဘိုင်ဒန်က ပြောဆိုလိုက်တာနဲ့ ပတ်သက်လို့ အိန္ဒိယနဲ့ ဂျပန် အစိုးရတွေက တုံ့ပြန်လိုက်ကြပါတယ်။
ကိုယ်ဝန် သီတင်းပတ် ၆ ပတ်နောက်ပိုင်း ဖျက်ချတာကို တားမြစ်တဲ့ ဥပဒေသစ်တခုကို အမေရိကန် ပြည်ထောင်စု ဖလော်ရီဒါပြည်နယ်က ပြဌာန်းလိုက်ပါတယ်။ ဒီအပေါ် ဒေါ်နယ်ထရမ့်က ခုခံကာကွယ်နေပြီး သမ္မတ Joe Biden ကတော့ အခုပြဌာန်းခွင့်ဟာ အမျိုးသမီးတွေရဲ့ အသက်ကို ခြိမ်းခြောက်နေတယ်လို့ ဆိုပါတယ်။
အမေရိကန်နိုင်ငံတလွှားက တက္ကသိုလ်ကျောင်းဝင်းတွေမှာ ဂါဇာစစ်ဆန့်ကျင်ရေး ဆန္ဒပြမှုတွေ တိုးလာနေချိန်မှာပဲ သမ္မတဂျိုးဘိုင်ဒန်က လွတ်လပ်စွာ ပြောဆိုခွင့်နဲ့ အတူ တရားဥပဒေစိုးမိုးမှုရှိဖို့ လိုအပ်ကြောင်း ကြာသပတေးနေ့မှာ သမ္မတအိမ်ဖြူကနေ ပြည်သူကို မိန့်ခွန်းပြောကြားခဲ့ပါတယ်။
အမေရိကန်ပြည်ထောင်စုတဝန်း တက္ကသိုလ်ကျောင်းဝန်းတွေထဲမှာ အစ္စရေးစစ်ပွဲ အဆုံးသတ်ရေးဆန္ဒပြမှုတွေဆက်လက်ဖြစ်ပွားနေတာမှာ ကြာသပတေးနေ့ မနက်အစောပိုင်းကတော့ Los Angeles က California တက္ကသိုလ်မှာ ဆန္ဒပြသူတွေ တားဆီးထားတဲ့ အတားအဆီးတွေကို ရဲတွေ စတင်ဖယ်ရှားခဲ့ပါတယ်။
အမေရိကန်သမ္မတရွေးကောက်ပွဲမှာ ဝင်ပြိုင်မယ့် သမ္မတဟောင်း Donald Trump ဟာ ဒီသီတင်းပတ်ထဲမှာ အနောက်အလယ်ပိုင်းပြည်နယ် မစ်ရှီဂန်မှာ မဲဆွယ်စည်းရုံးဖို့ ပြင်ဆင်နေပါတယ်။ နိုဝင်ဘာသမ္မတရွေးကောက်ပွဲ ရလဒ်ကို အလှည့်အပြောင်း ဖြစ်စေနိုင်တဲ့ အရေးပါတဲ့ ပြည်နယ် အနည်းအကျဉ်း ရှိတဲ့အထဲမှာ မစ်ရှီဂန်ပြည်နယ်လည်း ပါဝင်တာပါ။
အမေရိကန်သမ္မတ ရွေးကောက်ပွဲမှာ လက်ရှိသမ္မတ Joe Biden နဲ့ သမ္မတဟောင်း Donald Trump တို့ထက် တခြားကိုယ်စားလှယ်လောင်းတွေ ရှိစေချင်ကြောင်း လူငယ်တော်တော်များများက ပြောပါတယ်။ သမ္မတကိုယ်စားလှယ်လောင်းတွေရဲ့ အသက်အရွယ်ကြောင့်ပါ။
သမ္မတဟောင်းဒေါ်နယ်ထရမ့်ရဲ့ အမေရိကန်ကို ပြန်လည် ကြီးကျယ်ခမ်းနားစေဖို့ Make America Great Again (MAGA) ဆိုပြီးလုပ်ခဲ့တဲ့လှုပ်ရှားမှုကို အောက်လွှတ်တော်ဥက္ကဋ္ဌ မိုက်ဂျွန်ဆင်ကသစ္စာဖောက်ခဲ့ကြောင်း ဂရင်းက ပြောပြီး ရာထူးမှနုတ်ထွက်ပေးဖို့ ဂျွန်ဆင်ကိုတောင်းဆိုခဲ့ပါတယ်။
အမေရိကန်အနောက်ခြမ်း ကယ်လီဖိုးနီးယားတက္ကသိုလ်၊ (UCLA) က ပါလက်စတိုင်းထောက်ခံတဲ့သပိတ်စခန်းတခုမှာ ဗုဒ္ဓဟူးနေ့အစောပိုင်းက ရုန်းရင်းဆန်ခတ်ဖြစ်ခဲ့သလို အရှေ့ခြမ်း နယူးယောက်မြို့တော်မှာတော့ ကိုလံဘီယာတက္ကသိုလ်ထဲမှာ ပါလက်စတိုင်းလိုလားသူတွေ သိမ်းထားတဲ့အဆောက်အအုံတခုကို ရဲတပ်ဖွဲ့ကရှင်းလင်းခဲ့ပါတယ်။
အမေရိကန်ပြည်ထောင်စုအတွင်း တက္ကသိုလ်တွေမှာ ဂါဇာစစ်ပွဲဆန့်ကျင်ရေး ဆန္ဒပြလှုပ်ရှားမှုတွေ အားကောင်းလာပါတယ်။ ဝါရှင်တန်ဒီစီက ဂျော့ဂျ်ဝါရှင်တန်တက္ကသိုလ်မှာဆိုရင်လည်း ကျောင်းသားတွေဦးဆောင်ပြီး ဂါဇာစစ်ပွဲဆန့်ကျင်ဆန္ဒပြမှုတွေ ရှိနေပါတယ်။ မအင်ကြင်းနိုင် သတင်းယူ ပေးပို့ထားပါတယ်။
အဓိကရုဏ်း နှိမ်နင်းရေး ဝတ်စုံတွေ ဝတ်ဆင်ထားတဲ့ နယူးယောက်မြို့ ရဲတပ်ဖွဲ့ဝင်တွေဟာ အင်္ဂါနေ့နှောင်းပိုင်းက ကိုလံဘီယာတက္ကသိုလ်ဝန်းအတွင်း ဝင်ရောက်ပြီး ကျောင်းအဆောက်အဦတခုကို စီးနင်းထားကြတဲ့ ပါလက်စတိုင်းလိုလားတဲ့ ဒါဇင်နဲ့ချီတဲ့ ဆန္ဒပြသူတွေကို ဖမ်းဆီးခဲ့ပါတယ်။
အမေရိကန်ပြည်ထောင်စုမှာ အဓိကပါတီကြီး ၂ ရပ်ရှိပြီး သူတို့ကို အရောင်တွေနဲ့ ပြောဆိုသတ်မှတ်ပါတယ်။ ဒီမိုကရက်တစ်ပြည်နယ်ကို အပြာရောင်၊ ရီပါဘလစ်ကန်ပါတီကို အနီရောင်ဆိုပြီး ရည်ညွှန်း သုံးစွဲပါတယ်။ ဒီလိုအရောင်တွေကို ဘယ်လိုခွဲခြားသတ်မှတ်တာပါလဲ။ ဗွီအိုအေရဲ့ ပုံပြရုပ်သံကို မအေးသန္တာကျော် တင်ဆက်ထားပါတယ်။
နောက်ထပ်ကြည့်ရှုရန်
တရုတ်နိုင်ငံ၏ ကမ္ဘာတဝန်း ဖွံ့ဖြိုးမှုစီမံကိန်းများအတွက် အသုံးစရိတ်သည် ဒီရာစုနှစ် စတင်ကတည်းက ဒေါ်လာ ၁ ထရီလီယံခန့် တိုးလာခဲ့ပြီး ကမ္ဘာမှာ ဘဏ္ဍာငွေအများဆုံး ထောက်ပံ့တဲ့ နိုင်ငံဖြစ်လာပါသည်။
