အမေရိကန် သမ္မတလောင်း ၂ ယောက်လုံးက သူတို့ဟာ ဘာသာရေးအကိုင်းရှိုင်းဆုံးဖြစ်တယ်လို့ ပြောနေပါတယ်။ ဘာသာရေးယုံကြည်ချက်နဲ့ ပတ်သက်ပြီး အမေရိကန်သမ္မတဂျိုးဘိုင်ဒန်နဲ့ သမ္မတဟောင်းဒေါ်နယ်ထရမ့်တို့ရဲ့ ယုံကြည်ကိုးကွယ်ရာ အကြောင်း Carolyn Presutti သတင်းပေးပို့ထားတာကို ကိုငြိမ်းချမ်းက ပြောပြမှာပါ။
အီရန်နိုင်ငံက HEU လို့ခေါ်တဲ့ စစ်ရေးလက်နက်အဖြစ် အသုံးပြုနိုင်တဲ့နီးပါးအထိ ပြင်းအားမြင့်တဲ့ သန့်စင်တဲ့ယူရေနီယမ် စုဆောင်းမှုမြင့်တက်လာတယ်ဆိုတဲ့ အစီရင်ခံစာ ထွက်လာတာကြောင့် အီရန်ရဲ့နျူကလီယားအစီအစဥ်အတွက်စိုးရိမ်ကြောင်း အမေရိကန် နိုင်ငံခြားရေးဌာနက အင်္ဂါနေ့မှာ ပြောပါတယ်။
အမေရိကန်ပြည်ထောင်စုရဲ့ အောက်မေ့ဖွယ်နေ့အခမ်းအနားကို Minnesota ပြည်နယ်မှာ လာအိုနွယ်ဖွား Hmong လူမျိုးတွေ ဦးဆောင်ပြီး ကျင်းပရာမှာ၊ အမေရိကန်ရောက် ကရင်လူမျိုးတွေလည်း ပါဝင်ခဲ့ကြပါတယ်။ အဲဒီ ပွဲကို တတ်ရောက်ခဲ့တဲ့ ဟောင်ဆာက သတင်းပေးပို့ထားပါတယ်။
အမေရိကန်သမ္မတဘိုင်ဒန်အစိုးရလက်ထက်မှာ စစ်မှုထမ်းဟောင်းတွေ ကျန်းမာရေးအတွက် ၅.၇ ဘီလျံကျော် သုံးစွဲခဲ့ပြီး သမ္မတဟောင်းထရမ့်ကတော့ သူ့လက်ထက်မှာ ဒီအသုံးစားရိတ် ပိုသုံးစွဲခဲ့တယ်ဆိုပြီး ငြင်းခုန်ပြောဆိုပါတယ်။ စစ်မှုထမ်းဟောင်းတွေအနေနဲ့ နောင်တက်လာမယ့် သမ္မတလက်ထက်မှာ ဘာတွေများ ပိုပြီး မျှော်လင့်နိုင်ပါမလဲ။
Libertarian ပါတီ ညီလာခံမှာ စနေနေ့က သမ္မတဟောင်းထရမ့် မိန့်ခွန်းပြောတဲ့အချိန် အပြင်းအထန် ဝေဖန်ကန့်ကွက်မှုတွေ ရင်ဆိုင်ခဲ့ရပါတယ်။ သမ္မတဘိုင်ဒန်ကတော့ စစ်တက္ကသိုလ်ကျောင်းဆင်း ဗိုလ်လောင်းတွေကို မိန့်ခွန်းပြောကြားခဲ့ပြီး အမေရိကန်ရဲ့ ဒီမိုကရေစီကို စောင့်ရှောက်ကာကွယ်ဖို့ တိုက်တွန်းသွားပါတယ်။
အမေရိကန်သမ္မတဂျိုးဘိုင်ဒန်က အမေရိကန်ပြည်ထောင်စုကို ပိုမိုပြီးပြည့်စုံတဲ့နိုင်ငံတခုဖြစ်လာအောင် ဆက်လက်ဆောင်ရွက်သွားမယ်လို့မေလ ၂၇ ရက်နေ့မှာကျရောက်တဲ့ အောက်မေ့ဖွယ်နေ့မှာ ပြောဆိုခဲ့ပါတယ်။
တနင်္လာနေ့မှာ ကျရောက်တဲ့ အခုနှစ်အတွက် Memorial Day အောက်မေ့ဘွယ်နေ့ အားလပ်ရက်နေ့မတိုင်ခင် သီတင်းပတ်ကုန် ရက်တွေမှာ လေကြောင်းကနေ ခရီးသွားသူ အရေအတွက်ဟာ စံချိန်တင်ခဲ့တယ်လို့ အမေရိကန် လေဆိပ်လုံခြုံရေးဌာန TSA က မနေ့ မေလ ၂၅ ရက်နေ့ရက်စွဲနဲ့ ထုတ်ပြန်ပါတယ်။
စင်္ကာပူနိုင်ငံမှာ မေလ ၃၁ ရက်ကနေ ဇွန်လ ၂ ရက်နေ့ကျင်းပမယ့် Shangri-La Dialogue ဆွေးနွေးပွဲကျရင် အမေရိကန်ကာကွယ်ရေးဝန်ကြီးနဲ့ တရုတ်ကာကွယ်ရေးဝန်ကြီး တွေ့ဆုံဖို့ရှိတယ်လို့ Pentagon စစ်ဌာနချုပ်က ကြေညာပါတယ်။
ကမ္ဘာ့စီးပွားရေးဟာ စိန်ခေါ်မှုတွေကြားမှာကိုပဲ မျှော်လင့်ထားတဲ့ထက် ပိုပြီးခိုင်မာကြံ့ခိုင်နေတာကို တွေ့ရတယ်လို့ ကမ္ဘာ့ငွေကြေး ရန်ပုံငွေအဖွဲ့ IMF ဦးဆောင်ညွှန်ကြားရေးမှူး Kristalina Georgieva က ပြောပါတယ်။ တရုတ်သတင်းဌာန CMG နဲ့ သောကြာနေ့က မေးမြန်းခန်းမှာ IMF ဦးဆောင်ညွှန်ကြားရေးမှူးက အခုလို ပြောသွားတာပါ။
စီးပွားရေးအင်အားကြီး G7 နိုင်ငံတွေနဲ့ မဟာမိတ်ဘဏ်တွေ၊ ဘဏ္ဍာရေးလုပ်ငန်းတွေမှာ အပ်နှံထားတဲ့ ရုရှားငွေတွေထဲက အတိုးတွေကို ယူကရိန်းအတွက် ဘယ်လိုသုံးစွဲမယ်ဆိုတဲ့ ကျယ်ပြန့်တဲ့ အစီအစဉ်တွေကို G7 ဘဏ္ဍာရေးဝန်ကြီးတွေ ဆွေးနွေးနေကြပါတယ်။
အာရှနွယ်ဖွား အမေရိကန်တွေကို ဂုဏ်ပြုတဲ့ မေလမှာ မေရီလန်းပြည်နယ်မှာ နေထိုင်တဲ့ အေးရှန်း အမေရိကန်တွေရဲ့ ယဥ်ကျေးမှုပွဲကို မေလ ၂၂ ရက်နေ့က Rockville မြို့က မောင့်ဂိုမာရီကောလိပ်မှာ ကျင်းပပါတယ်။
ဗုဒ္ဓဘာသာဝင်တွေရဲ့ ဘာသာရေးအရအထွဋ်အမြတ်ဖြစ်တဲ့ ဗုဒ္ဓနေ့ အခမ်းအနားကို မေလ ၂၃ ကြာသပတေးနေ့က အိမ်ဖြူတော်မှာ ကျင်းပခဲ့ပါတယ်။ သမ္မတရုံးအဆောက်အဦမှာကျင်းပတဲ့ အိမ်ဖြူတော်အခမ်းအနားကို ဒုသမ္မတ Kamala Haris ရဲ့ ခင်ပွန်း Douglas Emhoff က ဘုန်းတော်ကြီးတွေကို ပင့်ဖိတ်ပြီး ဝတ်ပြု ဆုတောင်း မေတ္တာပို့ ခဲ့ကြပါတယ်။
နောက်ထပ်ကြည့်ရှုရန်
တရုတ်နိုင်ငံ၏ ကမ္ဘာတဝန်း ဖွံ့ဖြိုးမှုစီမံကိန်းများအတွက် အသုံးစရိတ်သည် ဒီရာစုနှစ် စတင်ကတည်းက ဒေါ်လာ ၁ ထရီလီယံခန့် တိုးလာခဲ့ပြီး ကမ္ဘာမှာ ဘဏ္ဍာငွေအများဆုံး ထောက်ပံ့တဲ့ နိုင်ငံဖြစ်လာပါသည်။
