မနက်ဖြန် အင်္ဂါနေ့ အမေရိကန်ပြည်ထောင်စု ပြည်နယ် တဒါဇင်ကျော်မှာ ပါတီတွင်း သမ္မတလောင်း ရွေးကောက်ပွဲတွေ ကျင်းပတော့မှာမို့ ပြီးခဲ့တဲ့ သီတင်းပတ်ကုန်အတွင်း ကိုယ်စားလှယ်လောင်းတွေ တယောက်နဲ့တယောက် အပြန်အလှန် ဝေဖန်ထိုးနှက်ပြောဆိုကြသလို ရွေးကောက်ပွဲမှာ အစီအစဉ်တွေနဲ့ ပတ်သက်လို့ မဲဆန္ဒရှင်တွေကို ချပြခဲ့ကြပါတယ်။
ဝါရှင်တန်ဒီစီမြို့မှာ ရီပတ်ဘလီကန်ပါတီတွင်း သမ္မတလောင်း ပဏာမရွေးချယ်မှုကို မနေ့ တနင်္ဂနွေနေ့က ကျင်းပတာမှာ တောင်ကယ်ရိုလိုင်းနားပြည်နယ် အုပ်ချုပ်ရေးမှုးဟောင်းလည်းဖြစ် ကုလသမဂ္ဂဆိုင်ရာ အမေရိကန်သံအမတ်ကြီးလည်း ဖြစ်တဲ့ Nikki Haley အနိုင်ရပါတယ်။
၁၈ ကြိမ်မြောက် နိုင်ငံတကာအမျိုးသမီးသတ္တိရှင်များဆုချီးမြှင့်ပွဲ အခမ်းအနားကို ဒီနေ့ မတ်လ ၄ ရက်နေ့ တနင်္လာနေ့ အခု အသံလွှင့်ပြီး နာရီပိုင်းအကြာ အမေရိကန် သမ္မတ အိမ်ဖြူတော်မှာ ကျင်းပမှာ ဖြစ်ပြီး သမ္မတကတော် Jill Biden နဲ့ နိုင်ငံခြားရေးဝန်ကြီး Antony Blinken တို့က ဆုတွေကိုချီးမြှင့်ပေးသွားမှာ ဖြစ်ပါတယ်။
နိုဝင်ဘာလမှာ ကျင်းပမယ့် အမေရိကန်သမ္မတရွေးကောက်ပွဲအပေါ် ကျရောက်လာမယ့် ဘယ်လိုလုံခြုံရေးခြိမ်းခြောက်မှုကိုမဆို ကာကွယ်သွားနိုင်မယ်လို့ ယုံကြည်ကြောင်း ရွေးကောက်ပွဲတာဝန်ရှိသူတွေက ပြောကြားလိုက်ပါတယ်။ ဗာဂျီနီးယားပြည်နယ် Alexandria မြို့ ရွေးကောက်ပွဲတာဝန်ရှိသူတွေကို သင်တန်းပေးနေတဲ့အကြောင်း ပြောပြပေးမှာပါ။
အစ္စရေးနဲ့ ဟာမတ်စ်ကြား ဂါဇာဒေသမှာ အပစ်အခတ်ရပ်စဲဖို့နဲ့ ဖမ်းဆီးထားတဲ့ ဓားစာခံတွေပြန်လွှတ်ဖို့ သဘောတူညီချက်ရရှိရေး အီဂျစ်နဲ့ ကာတာနိုင်ငံက စေ့စပ်ညှိနှိုင်းသူတွေနဲ့ ဆွေးနွေးမှုတွေကို ကိုင်ရိုမြို့မှာ ဒီကနေ့ ပြန်လည်စတင်မှာ ဖြစ်ပါတယ်။
အမေရိကန်ပြည်ထောင်စု Idaho နဲ့ Missouri ပြည်နယ်တွေမှာ ကျင်းပခဲ့တဲ့ ရီပတ်ဘလစ်ကန် ပါတီတွင်း သမ္မတလောင်းရွေးပွဲမှာ သမ္မတဟောင်း Donald Trump အနိုင်ရသွားပါတယ်။
အမေရိကန် စစ်သုံး ကုန်တင်လေယာဉ် C-130 ပေါ်ကနေ လိုက်ချပေးနေတဲ့ ဒီ လူသားချင်းစာနာမှု အကူညီထဲမှာ လူ ၃ သောင်းခွဲကျော် စားသုံးနိုင်မယ့် အသင့်စား အစားအသောက်တွေ ပါဝင်ပြီး ဒါဟာ ပထမအသုတ် အနေနဲ့ ပေးပို့တာ ဖြစ်ပါတယ်။
အမေရိကန် တောင်ပိုင်း တက္ကဆက်ပြည်နယ်မှာ ပြီးခဲ့တဲ့ရက်ပိုင်းကစလို့ လောင်ကျွမ်းနေတဲ့ မီးဟာ တက္ကဆက် သမိုင်းမှာ အကြီးဆုံး တောမီးကြီးဖြစ်ပြီး ၊ ရာသီဥတု အခြေအနေတွေကြောင့် မီးစွယ်ကျိုးအောင် ငြိမ်းသတ်ဖို့ မီးသတ်သမားတွေ အတော်ကို ရုန်းကန်နေရပါတယ်။
၂၀၂၄ ခုနှစ်အတွက် နိုင်ငံတကာ အမျိုးသမီးသတ္တိရှင်ဆု ရသူစာရင်းကို အမေရိကန်ပြည်ထောင်စု နိုင်ငံခြားရေးဝန်ကြီးဌာနက မတ်လ ၁ ရက်နေ့မှာ ကြေညာလိုက်ပြီး မြန်မာအမျိုးသမီး ဒေါ်မဉ္ဇူဝင်းလည်း ဆုရရှိသူ စာရင်းထဲမှာ ပါဝင်ပါတယ်။ ဒေါ်မဉ္ဇူဝင်းဟာ ပြစ်မှုဆိုင်ရာ ရှေ့နေဖြစ်ပြီး တရားရေးပိုင်းမှာ ကူညီပေးနေသူလည်းဖြစ်ပါတယ်။
၂၀၂၄ အမေရိကန်သမ္မတရွေးကောက်ပွဲမှာ ၂၀၂၀ ရွေးကောက်ပွဲလိုပဲ အဓိကနိုင်ငံရေးပါတီကြီး ၂ ခုကို အရင်ခေါင်းဆောင် ၂ ဦး၊ ဂျိုးဘိုင်ဒန်နဲ့ ဒေါ်နယ်ထရမ့်ပဲ ဦးဆောင်တာပါ။ ဒီတခေါက် ထူးခြားချက်ကတော့ အမေရိကန်နိုင်ငံရေးမှာ AI ဉာဏ်ရည်တုနည်းပညာကို ပိုသုံးလာတာပါ။ VOA ပုံပြရုပ်သံကို မအေးသန္တာကျော် တင်ဆက်ပေးထားပါတယ်။
ထိုင်းနိုင်ငံ ဘန်ကောက်မြို့မှာကျင်းပတဲ့ ပညာတော်သင်ဆု မိတ်ဆက် အခမ်းအနားမှာ Diversity and Inclusion Scholarship မတူကွဲပြားမှုနှင့် အားလုံးပါဝင်ခွင့်ရှိသော ပညာတော်သင်ဆု အစီအစဥ်အရ မြန်မာနိုင်ငံက ကျောင်းသား ၁၀၀၀ ကျော်အနေနဲ့ ပညာတော်သင်ဆု လက်ခံရရှိမှာပါ။
မက္ကဆီကို နယ်စပ်ကနေ အမေရိကန်ထဲ တရားမဝင် ဝင်လာနေသူတွေကို တားဆီးရေးကိစ္စက နိုဝင်ဘာကျင်းပမယ့် သမ္မတရွေးကောက်ပွဲအတွက် အဓိကအရေးကြီးတဲ့ ကိစ္စတခုဖြစ်တာကြောင့် သမ္မတဝင်အရွေးခံကြမယ့် သူတို့ ၂ ယောက် နယ်စပ်ဒေသကို သွားကြမှာပါ။
နောက်ထပ်ကြည့်ရှုရန်
တရုတ်နိုင်ငံ၏ ကမ္ဘာတဝန်း ဖွံ့ဖြိုးမှုစီမံကိန်းများအတွက် အသုံးစရိတ်သည် ဒီရာစုနှစ် စတင်ကတည်းက ဒေါ်လာ ၁ ထရီလီယံခန့် တိုးလာခဲ့ပြီး ကမ္ဘာမှာ ဘဏ္ဍာငွေအများဆုံး ထောက်ပံ့တဲ့ နိုင်ငံဖြစ်လာပါသည်။
