အမေရိကန်ပြည်ထောင်စု Michigan ပြည်နယ်မှာ မနေ့ ဖေဖော်ဝါရီ ၂၇ ရက်နေ့က ကျင်းပတဲ့ ပါတီတွင်း သမ္မတလောင်း ရွေးပွဲတွေမှာ ဒီမိုကရက်ပါတီက သမ္မတ Joe Biden အနိုင်ရပြီး ရီပတ်ဘလစ်ကန် ပါတီက သမ္မတဟောင်း Donald Trump အနိုင်ရသွားပါတယ်။
အမေရိကန်နဲ့ ထိုင်းနိုင်ငံတို့ ဦးစီးပြီး အရှေ့တောင်အာရှရဲ့ နိုင်ငံစုံပါဝင်တဲ့ အရှည်ကြာဆုံး စစ်ရေးလေ့ကျင့်မှု "ရွှေမြွေဟောက် စစ်ရေးလေ့ကျင့်မှု" Cobra Gold 2024 ကို မနေ့က တရားဝင်စတင် ဖွင့်လှစ်ပါတယ်။
ဒေါ်လာဘီလီယံများစွာပါတဲ့ ယူကရိန်းကူညီထောက်ပံ့ရေးသေချာအောင်နဲ့ အသုံးစရိတ်မလုံလောက်တဲ့အတွက် အစိုးရလုပ်ငန်းတွေရပ်ဆိုင်းမယ့်အရေးတွေ ရှောင်နိုင်ဖို့ သမ္မတတဂျိုးဘိုင်ဒန်နဲ့ လွှတ်တော်ခေါင်းဆောင်တွေ အင်္ဂါနေ့မှာ အိမ်ဖြူတော်မှာ ဆွေးနွေးခဲ့တာ တိုးတက်မှုရှိကြောင်း လွှတ်တော်ခေါင်းဆောင်တွေကပြောပါတယ်။
ရီပတ်ဗလစ်ကန် ပါတီတွင်း သမ္မလောင်း ရွေးပွဲတွေဟာ သမ္မတဟောင်း Donald Trump နဲ့ ကုလသမဂ္ဂဆိုင်ရာ အမေရိကန် သံအမတ်ကြီးဟောင်း Nikki Haley တို့ နှစ်ယောက်တည်း ဆက်ပြိုင်နေဆဲဖြစ်ပြီး ဘယ်လောက်ကြာကြာ ၂ ယောက် ဆက်ပြိုင်မလဲဆိုတာကိုတော့ မေးခွန်းထုတ်စရာ ဖြစ်နေပါတယ်။
Michigan ပြည်နယ်မှာ ဒီကနေ့ ဖေဖော်ဝါရီ ၂၇ ရက်နေ့မှာ ဒီမိုကရက်နဲ့ ရီပတ်ဘလီကန်ပါတီတို့ရဲ့ ပါတီတွင်း သမ္မတကိုယ်စားလှယ်လောင်း ရွေးချယ်မှုအတွက် မဲပေးကြဖို့ရှိတာမှာ ဒီမိုကရက်ပါတီက သမ္မတ Joe Biden နဲ့ ရီပတ်ဘလီကန်ပါတီက သမ္မတဟောင်း Donald Trump တို့ အနိုင်ရကြလိမ့်မယ်လို့ အများစုက မျှော်လင့်ထားကြပါတယ်။
နိုင်ငံအများအပြားက ကိုယ်စားလှယ်တွေ ညှိနှိုင်းဆောင်ရွက်နေတဲ့ ဂါဇာကမ်းမြောင်ဒေသ အပစ်အခတ်ရပ်စဲရေး အစီအစဉ်သစ်ကို ရှေ့သီတင်းပတ်အစောပိုင်းမှာ စနိုင်ဖို့မျှော်လင့်တယ်လို့ အမေရိကန်သမ္မတ ဂျိုးဘိုင်ဒင်က ပြောပါတယ်။
လကမ္ဘာရဲ့တောင်ဝင်ရိုးစွန်းအနီးမှာ ဘေးတိုက်ဆင်းသက်ခဲ့တဲ့ အမေရိကန်ပုဂ္ဂလိက လဆင်းယာဥ်ဟာ အင်္ဂါနေ့လောက်ဆိုရင် Odysseus လဆင်းယာဥ်ရဲ့ ဆိုလာပြားတွေပေါ် နေရောင်ခြည်ကျရောက် နိုင်တော့မှာမဟုတ်ဘူးလို့ အာကာသယာဥ်တွေတည်ဆောက်ပျံသန်းနေတဲ့ Huston မြို့အခြေစိုက် Intuitive Machines ကုမ္ပဏီက တနင်္လာနေ့မှာ ပြောပါတယ်။
အမေရိကန်ပြည်ထောင်စုမှာ ဖေဖော်ဝါရီလဟာ အာဖရိကနွယ်ဖွား လူမည်းတွေကိုဂုဏ်ပြုတဲ့ Black History Month လူမည်းသမိုင်းတင်လ ဖြစ်ပါတယ်။ လော့စ်အိန်ဂျယ်လိစ်မြို့မှာတော့ အမေရိကန်ပြည်ထောင်စုမှာကြီးပြင်းလာတဲ့ လူမည်းအနုပညာရှင်တွေက သူတို့ကြီးပြင်းလာတဲ့အတွေ့အကြုံတွေကို ဖော်ပြတဲ့ အနုပညာပြပွဲတခု ကျင်းပနေပါတယ်။
အမေရိကန်ပြည်ထောင်စု တောင်ကယ်ရိုလိုင်းနားပြည်နယ်မှာ ကျင်းပခဲ့တဲ့ ရီပတ်ဘလစ်ကန်ပါတီတွင်း သမ္မတလောင်းရွေးပွဲမှာ သမ္မတဟောင်း Donald Trump က ပြိုင်ဖက်ဖြစ်တဲ့ ကုလသမဂ္ဂဆိုင်ရာ သံအမတ်ကြီးဟောင်း Nikki Haley ကို အနိုင်ရလိုက်ပါတယ်။
အမေရိကန်အစိုးရအနေနဲ့ မက္ကဆီကိုနိုင်ငံကတဆင့် တင်သွင်းတဲ့ တန်ဖိုးနည်း တရုတ် မော်တော်ယာဥ်တွေနဲ့ အစိတ်အပိုင်းတွေကို ပိတ်ပင်သင့်တယ်လို့ အမေရိကန် ကားထုတ်လုပ်သူများအရေး ဆောင်ရွက်နေတဲ့အဖွဲ့က သောကြာနေ့က တောင်းဆိုလိုက်ပြီး ဒီတန်ဖိုးနည်း တရုတ်ကားတွေက အမေရိကန်ဈေးကွက်ကို ခြိမ်းခြောက်နိုင်ကြောင်း သတိပေးပါတယ်။
ယူကရိန်းတပ်ဖွဲ့တွေကို သင်တန်းပို့ချပေးနေတဲ့ အမေရိကန်စစ်တပ်ဟာ ကုန်ကျစရိတ်တွေအတွက် အိတ်စိုက်လုပ်နေရတယ်လို့ ဥရောပဆိုင်ရာ အမေရိကန်စစ်တပ် တာဝန်ရှိသူက ပြောပါတယ်။ သူတို့ လုပ်ငန်းလည်ပတ်ရမယ့် အသုံးစရိတ်ထဲက ယူကရိန်းအတွက်ပါ စိုက်ထုတ်သုံးစွဲနေရတာပါ။
ယူကရိန်းနိုင်ငံကို ရုရှားတို့ ကျူးကျော်တိုက်ခိုက်တာ ၂ နှစ်ပြည့်တဲ့နေ့မှာ ယူကရိန်းဘက်က ဆက်လက်ရပ်တည် ထောက်ခံနေကြောင်း နိုင်ငံတကာအသိုင်းအဝိုင်းက ပြသခဲ့ပါတယ်။
နောက်ထပ်ကြည့်ရှုရန်
တရုတ်နိုင်ငံ၏ ကမ္ဘာတဝန်း ဖွံ့ဖြိုးမှုစီမံကိန်းများအတွက် အသုံးစရိတ်သည် ဒီရာစုနှစ် စတင်ကတည်းက ဒေါ်လာ ၁ ထရီလီယံခန့် တိုးလာခဲ့ပြီး ကမ္ဘာမှာ ဘဏ္ဍာငွေအများဆုံး ထောက်ပံ့တဲ့ နိုင်ငံဖြစ်လာပါသည်။
