အမေရိကန်ပြည်ထောင်စု ဖလော်ရီဒါပြည်နယ်ထဲ ဗုဒ္ဓဟူးနေ့ညက ဝင်ရောက်ခဲ့တဲ့ ဟာရီကိန်းမုန်တိုင်း Milton ကြောင့် သေဆုံးသူဦးရေ ၁၄ ယောက်ထက်မနည်း ရှိနေပါတယ်။ ဟာရီကိန်းမုန်တိုင်းနဲ့အတူ လေဆင်နှာမောင်းတွေပါ တိုက်ခတ်ခဲ့တာကြောင့် ထိခိုက်ပျက်စီးမှု ပမာဏတွေကို သက်ဆိုင်ရာက ဆန်းစစ်နေကြပါတယ်။
မုန်တိုင်းကြောင့် အပြင်းထန်ဆုံး ထိခိုက်ပျက်ဆီးခဲ့တဲ့ မြို့တွေထဲမှာ မြန်မာနွယ်ဖွား မိသားစုတွေ ဒါဇင်နဲ့ချီနေထိုင်တဲ့ Sarasota မြို့လည်း ပါဝင်ပါတယ်။ အရေးပေါ် ဆက်သွယ်ဖို့ လက်ကိုင်ဖုန်း Battery အား မကုန်အောင် သတိထားနေရတဲ့ အကြောင်း Sarasota မြို့ခံတယောက်ဖြစ်တဲ့ ဦးသန်းနိုင်က VOA ကို ပြောပါတယ်။
အမေရိကန်က မြန်မာ့အရေးနဲ့ပတ်သက်ပြီး သံတမန်ရေးပံ့ပိုးမှုတွေနဲ့အတူ အာဏာသိမ်းထားတဲ့ စစ်ကောင်စီအပေါ် ဖိအားတွေ ဆက်ပေးနေမှာဖြစ်ကြောင်း လာအိုနိုင်ငံ Vientiane မြို့ မှာကျင်းပတဲ့ ထိပ်သီးညီလာခံတွေကို တက်ရောက်နေတဲ့ အမေရိကန် နိုင်ငံခြားရေးဝန်ကြီး Antony Blinken က ပြောကြားကြောင်း AFP သတင်းမှာ ဖေါ်ပြထားပါတယ်။
မြန်မာ့အိမ်နီးချင်း ထိုင်းနိုင်ငံ အနေနဲ့ မြန်မာနိုင်ငံတွင်း ပဋိပက္ခတွေကို ကူညီ ဖြေရှင်းဖို့ ကြိုးစားတာ၊ ပဋိပက္ခတွေကြောင့် အိုးအိမ်စွန့်ခွာ ထွက်ပြေးရသူတွေကို လူသားချင်းစာနာတဲ့ အကူအညီတွေ ပေးနေတာတွေအတွက် ကြိုဆိုတယ်လို့ အမေရိကန် နိုင်ငံခြားရေးဝန်ကြီး Antony J. Blinken က ဒီကနေ့ ပြောဆိုလိုက်ပါတယ်။
အမေရိကန် အရှေ့တောင်ပိုင်းက ဖလော်ရီဒါ ပြည်နယ်ထဲကို အားပြင်း ဟာရီကိန်း Milton ဗုဒ္ဓဟူးနေ့ညကတည်းက ဝင်ရောက်တိုက်ခတ်နေပါတယ်။ မုန်တိုင်းကယ်ဆယ်ရေးနဲ့ ပတ်သက်ပြီး နိုင်ငံရေးအရ သတင်းမှားတွေ ဖြန်ဝေနေတာတွေ မလုပ်ဖို့ အမေရိကန် အစိုးရက သတိပေးနေပါတယ်။ မုန်တိုင်းရဲ့နောက်ဆုံးအခြေအနေ ဦးသိန်းထိုက်ဉီး ပြောပြပါလိမ့်မယ်။
အမေရိကန်ပြည်ထောင်စု ဖလော်ရီဒါပြည်နယ် မြောက်ပိုင်းနဲ့ အလယ်ပိုင်း ဒေသတွေကို အင်အားပြင်း ဟာရီကိန်း မုန်တိုင်း Milton ဝင်ရောက်ခဲ့လို့ ၂ ဦးထက် မနည်း သေဆုံးခဲ့ပါတယ်။ လေပြင်းတိုက်ခတ်ပြီး မိုးသည်း ရေလျှံမှုတွေကြောင့် လူနေအိမ်တွေပျက်စီးခဲ့ပြီး ၃ သန်းထက်မနည်း လျှပ်စစ်မီး ပြတ်တောက်နေကြပါတယ်။
အစ္စရေးက အီရန်ရဲ့ မကြာခင်က မစ်ဇိုင်းဒုံးတိုက်ခိုက်မှုတွေအတွက် တုံ့ပြန်ဖို့စဉ်းစားနေသလို ဂါဇာနဲ့ လက်ဘနွန်မှာ ဆက်လက်ထိုးစစ်ဆင်နေချိန်မှာပဲ ဗုဒ္ဓဟူးနေ့က အမေရိကန်သမ္မတ ဂျိုးဘိုင်ဒန်နဲ့ အစ္စရေးဝန်ကြီးချုပ် Netanyahu တို့ ဖုံးနဲ့စကားပြောခဲ့ပြီး ဒုသမ္မတ Harris လည်းပြောတယ်လို့ အိမ်ဖြူတော် က ပြောပါတယ်။
အင်အားပြင်း Milton ဟာရီကိန်းမုန်တိုင်းကြောင့် မိုးသည်းထန်၊ လေပြင်းတိုက်ခတ်ပြီး အသက်အန္တရာယ် ကျရောက်နိုင်တယ်လို့ သတိပေးထားတာကြောင့် အမေရိကန် အရှေ့တောင်ပိုင်း ဖလော်ရီဒါပြည်နယ်မှာ ဒီကနေ့ ကြိုတင်ပြင်ဆင်နေကြရပါတယ်။
သမ္မတလောင်းတွေ ဖြစ်ကြတဲ့ ဒုသမ္မတ Kamala Harris နဲ့ သမ္မတဟောင်း Donald Trump တို့ သမ္မတ ဖြစ်လာဖို့ အဆုံးအဖြတ် ပေးရာမှာ အနောက်တောင်ပိုင်း ပြည်နယ် Arizona မှာ အနိုင်ရဖို့က အဓိက ကျလှပါတယ်။ ဒီရွေးကောက်ပွဲမှာ လူဝင်မှုကြီးကြပ်ရေး ကိစ္စက ဘယ်လောက်အထိ လွှမ်းမိုးထားပါလဲ။
အမေရိကန်သမ္မတ ရွေးကောက်ပွဲကျင်းပဖို့ တလလောက် အလိုမှာပဲ ဒီမိုကရက်သမ္မတလောင်း Kamala Harris နဲ့ ရီပတ်ဘလစ်ကန်သမ္မတလောင်း Doanld Trump တို့ဟာ အကြိတ်အနယ် ဆက်လက်မဲဆွယ်နေကြပါတယ်။
အမေရိကန် ဖလော်ရီဒါပြည်နယ်ကိုဦးတည်တိုက်ခတ်လာတဲ့ Milton ဟာရီကိန်း မုန်တိုင်းဟာ ဒေသစံတော်ချိန် အင်္ဂါနေ့ညနေပိုင်းမှာ တနာရီ ၁၆၅ မိုင်နှုန်းနဲ့ ရွေ့နေပြီး ဗုဒ္ဓဟူးနေ့ညပိုင်းမှာ ကျရောက်လာမယ်လို့ ခန့်မှန်းထားပါတယ်။ မုန်တိုင်းလမ်းပေါ်က အမေရိကန်မြန်မာတွေကြုံနေတဲ့အခြေအနေကို ကို ဥာဏ်ဝင်းအောင် တင်ပြထားပါတယ်။
မြန်မာ့အရေး ထိုင်းအပါအဝင် ASEAN ဒေသတွင်းမိတ်ဆွေတွေနဲ့ အမေရိကန်က အနီးကပ်ဆက်လက်ဆောင်ရွက်မှာဖြစ်ကြောင်းနဲ့ မြန်မာဒုက္ခသည်တွေကို အကူအညီပေးနေတဲ့ထိုင်းအစိုးရကိုကျေးဇူးတင်ကြောင်း အရှေ့အာရှနဲ့ပစိဖိတ်ရေးရာ လက်ထောက်နိုင်ငံခြားရေးဝန်ကြီး Daniel Kritenbrink က နို င်ငံခြားရေးဌာန သတင်းစာရှင်းလင်းပွဲမှာ ပြောပါတယ်။
နောက်ထပ်ကြည့်ရှုရန်
တရုတ်နိုင်ငံ၏ ကမ္ဘာတဝန်း ဖွံ့ဖြိုးမှုစီမံကိန်းများအတွက် အသုံးစရိတ်သည် ဒီရာစုနှစ် စတင်ကတည်းက ဒေါ်လာ ၁ ထရီလီယံခန့် တိုးလာခဲ့ပြီး ကမ္ဘာမှာ ဘဏ္ဍာငွေအများဆုံး ထောက်ပံ့တဲ့ နိုင်ငံဖြစ်လာပါသည်။
