သမ္မတရွေးကောက်ပွဲမှာ အရေးပါတဲ့ Arizona ပြည်နယ်

အမေရိကန် သမ္မတရွေးကောက်ပွဲ ကျင်းပဖို့ သီတင်းပတ်ပိုင်းပဲ လိုတော့သလို၊ ရွေးကောက်ပွဲအနိုင်ရရေး အကြိတ်အနယ် ယှဥ်ပြိုင်ကြတဲ့ ပြည်နယ်တွေထဲမှာ Arizona ပြည်နယ်လည်း တခု အပါအဝင် ဖြစ်ပါတယ်။ သမ္မတလောင်းတွေ ဖြစ်ကြတဲ့ ဒုသမ္မတ Kamala Harris နဲ့ သမ္မတဟောင်း Donald Trump တို့ သမ္မတ ဖြစ်လာဖို့ အဆုံးအဖြတ် ပေးရာမှာ အနောက်တောင်ပိုင်း ပြည်နယ် Arizona မှာ အနိုင်ရဖို့က အဓိက ကျလှပါတယ်။ ဒီရွေးကောက်ပွဲမှာ လူဝင်မှုကြီးကြပ်ရေး ကိစ္စက ဘယ်လောက်အထိ လွှမ်းမိုးထားပါလဲ။ Arizona ပြည်နယ်က မဲဆန္ဒရှင်တွေကို ကိုယ်တိုင် သွားရောက် မေးမြန်းထားတဲ့ ဗွီအိုအေသတင်းထောက် Aline Barros ရဲ့ သတင်းပေးပို့ချက်ကို မခင်ဖြူထွေးက တင်ပြပေးပါမယ်။