အနိုင်ရ လွှတ်တော်ကိုယ်စားလှယ်တွေနဲ့ ဖွဲ့စည်းထားတဲ့ ပြည်ထောင်စုလွှတ်တော် ကိုယ်စားပြုကော်မတီ (CRPH) က ကြေညာချက် ထုတ်ပြန်ခဲ့ရာမှာ ၂၀၂၀ ရွေးကောက်ပွဲ အပြီး အာဏာသိမ်းခဲ့တဲ့ စစ်တပ်က လာမယ့် ၂၀၂၅ ခုနှစ်ထဲမှာ ကျင်းပဖို့ ပြင်ဆင်နေတဲ့ ရွေးကောက်ပွဲကို တရားမဝင်ဘူးဆိုပြီး ကန့်ကွက်ထားပါတယ်။
စစ်ရေးတင်းမာနေတဲ့ မန္တလေးတိုင်း မတ္တရာမြို့နယ်ထဲမှာ ရက်သတ္တပတ်အတွင်း စစ်တပ်က လက်နက်ကြီး ပစ်ခတ်တာကြောင့် အရပ်သား ၄ ဦး သေဆုံးခဲ့ရတယ်လို့ ဒေသခံတွေက ပြောပါတယ်။ စစ်ကိုင်းတိုင်း ဘုတလင်ဘက်မှာလည်း စစ်တပ်ရဲ့ နယ်မြေရှင်းလင်းရေးအတွင်း နေအိမ်မီးရှို့ခံရတာတွေ ရှိနေပါတယ်။
အစ္စရေး-ဟာမတ်စ် စစ်ပွဲစတင်ကတည်းက စားနပ်ရိက္ခာနဲ့ ခိုလှုံရာမဲ့နေတဲ့ ပါလက်စတိုင်းတွေကို အကူအညီတွေ ပိုပေးနိုင်ရေး အမေရိကန်ပြည်ထောင်စုက ဖိအားတွေ ပေးလာနေချိန်မှာပဲ ဂါဇာကမ်းမြောင်ဒေသကို ဖြတ်ကျော်ပြီး လူသားချင်း စာနာမှုအကူအညီတွေပေးရေး ခွင့်ပြုပေးသွားမယ်လို့ အစ္စရေးက ပြောပါတယ်။
အစ္စရေးကာကွယ်ရေးတပ်ဖွဲ့ဝင်တွေက ဂါဇာကမ်းမြောင်မှာ စစ်ရာဇ၀တ်မှုအဖြစ် သတ်မှတ်နိုင်တဲ့ နိုင်ငံတကာဥပဒေတွေကို ပြင်းပြင်းထန်ထန် ချိုးဖောက်မှုကျူးလွန်နေတယ်လို့ စွပ်စွဲထားတဲ့ ကုလသမဂ္ဂလူ့အခွင့်အရေးရုံးရဲ့ အစီရင်ခံစာကို အစ္စရေးက ပြစ်တင်ရှုတ်ချလိုက်ပါတယ်။
Europa League ဘောလုံးပွဲစဉ်အတွက် အိမ်ရှင်နယ်သာလန်ကလပ်သင်း Ajax နဲ့ အစ္စရေးကလပ် အသင်း Maccabi Tel Aviv တို့ ကြာသပတေးနေ့က ကစားခဲ့တာမှာ ပွဲမစခင်မှာရော ပွဲပြီးချိန်မှာပါ အစ္စရေးအသင်းကို အားပေးသူတွေနဲ့ ပါလက်စတိုင်းလိုလားသူတွေ အဓိကရုဏ်းဖြစ်ခဲ့ကြပါတယ်။
အမေရိကန်ပြည်ထောင်စုမှာ အာဖရိကန်နွယ်ဘွား အမေရိကန် လူမည်းတချို့ရဲ့ လက်ကိုင်ဖုန်းတွေဆီ လူမျိုးရေးအရ နှိမ်ချစော်ကားတဲ့ အသိပေးစာတိုတွေရောက်လာတဲ့အပေါ် သက်ဆိုင်ရာက စုံစမ်းနေပါတယ်။
ဝမ်းဒါရိုက်ရှင်း One Direction ဂီတအဖွဲ့ထဲက Liam Payne လီယမ်ပိန်း ဗျူနိုအေးရိစ်မြို့တော် ဟိုတယ်ခန်း လသာဆောင်ကနေ ပြုတ်ကျသေဆုံးမှုနဲ့ ပတ်သက်ပြီး လူ ၃ ဦးကို တရားစွဲဆိုထားတယ်လို့ အာဂျင်တီးနား အစိုးရရှေ့နေတွေက နိုဝင်ဘာလ ၈ ရက် ကြာသပတေးနေ့မှာပဲ ပြောသွားပါတယ်။
အမေရိကန်သမ္မတရွေးကောက်ပွဲ မဲရလဒ်တွေ ရေတွက်ပြီး ဗုဒ္ဓဟူးနေ့ မနက်အစောပိုင်းက Donald Trump သမ္မတရွေးကောက်ပွဲမှာ အနိုင်ရတယ်လို့ ကြေညာလိုက်တဲ့အခါ နောက်ထပ်အရေးကြီးတဲ့ လုပ်ဆောင်စရာတွေ စပေါ်လာပါပြီ။
ကမ္ဘာ့နိုင်ငံတွေမှာ လက်နဲ့ ဖမ်းဆုပ်လို့ မရတဲ့ အမွေအနှစ်တွေ ရေရှည်တည်တံ့စေဖို့ ကုလသမဂ္ဂ UNESCO က Intangible Cultural Heritage သတ်မှတ် စာရင်းသွင်းလေ့ရှိပြီး ၂၀၂၄ ခုနှစ်အတွက် အဆိုပြုတင်ပြကြတဲ့ထဲ မြန်မာ့ရိုးရာနှစ်ကူး အတာသင်္ကြန်ပွဲတော်ကိုလည်း ICH စာရင်းမှာ ထည့်ဖို့ UNESCO က ကနဦးရွေးချယ်လိုက်ပါတယ်။
အမေရိကန် သမ္မတသစ် ရွေးချယ်ပြီးဖြစ်တဲ့အတွက် ကာကွယ်ရေးဝန်ကြီးဌာနရဲ့ တာဝန်လွှဲပြောင်းရေး ကိစ္စတွေမှာ အတတ်နိုင်ဆုံးချောချောမွေ့မွေ့နဲ့ တည်တည်ငြိမ်ငြိမ် လုပ်ဆောင်သွားမယ့်အကြောင်း အမေရိကန် ကာကွယ်ရေးဝန်ကြီး Lloyd Austin က မနေ့က ဖလော်ရီဒါပြည်နယ် Miami မြို့ သတင်းစာရှင်းလင်းပွဲမှာ ပြောပါတယ်။
ရခိုင်ပြည်နယ် တောင်ပိုင်းရောမြောက်ပိုင်းပါမကျန် စစ်ကောင်စီနဲ့ အာရက္ခတပ်တော် AA ကြား လက်ရှိ အချိန်ထိ နှစ်ဘက်တိုက်ပွဲတွေ ပြင်းထန်လာနေတဲ့အတွက် အိုးအိမ်စွန့်ခွာထွက်ပြေးနေကြရတဲ့ စစ်ဘေး ဒုက္ခသည်သိ ၆ သိန်းထက်မနည်းရှိနေပြီလို့ စစ်ဘေးရှောင်ကူညီနေသူတွေက ပြောပါတယ်။
အမေရိကန်မှာ ရွေးကောက်ခံသမ္မတ Donald Trump က သမ္မတရုံးမှာ သြဇာအရှိဆုံးဖြစ်တဲ့ အိမ်ဖြူတော်အရာရှိချုပ်တာဝန်အတွက် Republican ပါတီအတွက် မဟာဗျူဟာရေးဆွဲသူ Susie Wiles ကို ရွေးချယ်လိုက်တာဟာ သမိုင်းမှာ ပထမဆုံးအနေနဲ့ အမျိုးသမီးတဦးကိုတာဝန်ပေးဖို့ ရွေးချယ်ခံရတာဖြစ်ပါတယ်။
ရေဘေးဒဏ်ခံထားရတဲ့ ကယားပြည်နယ်၊ ကရင်နီဒေသမှာ ရေနစ်မြုပ်ပျက်စီးခဲ့ရတဲ့ မိုးစပါး ဧကတသောင်း ပြန်လည်စိုက်ပျိုးနိုင်ရေးအတွက် ကရင်နီပြည်ကြားကာလ အုပ်ချုပ်ရေးကောင်စီ (IEC) က ကြိုးစားနေပါတယ်။
နိုဝင်ဘာ ၅ ရက်နေ့ ကျင်းပတဲ့ ရွေးကောက်ပွဲမှာ ရီပတ်ဘလစ်ကန်ပါတီက အမေရိကန် အထက်လွှတ်တော်နေရာ အများစုကို ရသွားပါတယ်။ ဒီရလဒ်ဟာ ရွေးကောက်ခံ သမ္မတ Donald Trump တာဝန်ယူတဲ့အချိန် ဥပဒေပြုရေး ကိစ္စတွေ အောင်မြင်ဖို့အတွက် ပိုပြီးလွယ်ကူသွားစေပါလိမ့်မယ်။ Katherine Gypson ရဲ့သတင်းကို ကိုငြိမ်းချမ်းက ပြောပြမှာပါ။
ဧရာဝတီ- ကျောက်ဖရား- မဲခေါင် စီးပွားရေး ပူးပေါင်း ဆောင်ရွက်မှု မဟာဗျူဟာ ထိပ်သီးအစည်းအဝေး အလှည့်ကျဥက္ကဋ္ဌတာဝန်ကို ဗိုလ်ချုပ်မှူးကြီး မင်းအောင်လှိုင်ကို လာအိုဝန်ကြီးချုပ်က တာဝန် လွှဲပြောင်းပေးအပ်တာကြောင့် လာမယ့်နှစ် ၂၀၂၅မှာ မြန်မာက အိမ်ရှင်အနေနဲ့ ကျင်းပမှာဖြစ်တယ်လို့ စစ်ကောင်စီက သတင်းထုတ်ပြန်ပါတယ်။
ရွေးချယ်ခံသမ္မတ Donald Trump က သူရဲ့ မဲဆွယ်စည်ရုံးရေးအဖွဲ့ မန်နေဂျာ Susie Wiles ကို သမ္မတအိမ်ဖြူတော် အရာရှိချုပ်အဖြစ် ခန့်အပ်မယ်လို့ ကြေညာလိုက်ပါတယ်။ ဒါဟာ လာမယ့် ဇန်နဝါရီ ၂၀ရက်နေ့ ဖွဲ့မယ့် သူ့အစိုးရအဖွဲ့ဝင် တာဝန်ရှိသူတဦးကို ပထမဦးဆုံး ထုတ်ပြန် ကြေညာလိုက်တာပါ။
အရွေးကောက်ခံ အမေရိကန်သမ္မတ ဒေါ်နယ်ထရမ့်ဟာ သူ့အစိုးရအဖွဲ့ရဲ့ အရေးပါတဲ့ ရာထူးတွေအတွက် ခန့်အပ်မယ့်သူတွေကို အမြန်ရွေးချယ်ဖို့ လုပ်နေသလို၊ သူ ဘယ်သူတွေကို ရွေးထားတယ်ဆိုတာကို ရက်ပိုင်းအတွင်းမှာပဲ ထုတ်ပြန်လာနိုင်ခြေ ရှိနေပါတယ်။ သူ့အစိုးရအဖွဲ့မှာ ဘယ်သူတွေကို ရွေးချယ်ရမယ်ဆိုတာ ဝိုင်းဝန်း ဆန်းစစ်နေကြတာပါ။
ရခိုင်ပြည်နယ်ထဲမှာ ကုန်သွယ်ရေး၊ စိုက်ပျိုးရေးနဲ့ ဆောက်လုပ်ရေးလို အဓိက ကဏ္ဍကြီးတွေဟာ ရပ်ဆိုင်းနေပါတယ်။ ပြည်ပပို့ကုန်ပေါ် မူတည်ပြီး ဈေးကွက်တွေ အပိတ်ခံထားရတာကြောင့် ပျောက်ကွယ်ကုန်တဲ့အပြင် ဘိလပ်မြေဈေးမြင့်မားလာပြီး တင်ပို့မှုလည်းမရှိတဲ့အတွက် ဆောက်လုပ်ရေးလုပ်ငန်းတွေလည်း ရပ်ဆိုင်းနေခဲ့ရတယ်လို့ ပြောပါတယ်။
ယူကရန်းမှာ တိုက်ခိုက်ဖို့ မြောက်ကိုရီးယားက ရုရှားနဲ့ စစ်ရေးပူးပေါင်းမှုဟာ ဥရောပအပြင် တခြားဒေသတွေ အတွက်ပါ ခြိမ်းခြောက်မှု ဖြစ်နေတဲ့အတွက် ဒါကို အားလုံးက စုပေါင်းဖြေရှင်းဖို့ လိုနေပြီလို့ NATO အကြီးအကဲ Mark Rutte မတ်ခ်ရူတာက ကြာသပတေးနေ့မှာ သတိပေးလိုက်ပါတယ်။
နောက်ထပ်ကြည့်ရှုရန်
