ဘဏ္ဍာရေးနဲ့ စီမံအုပ်ချုပ်မှုတွေမှာ ကျားမတန်းတူညီဖို့ အမျိုးသမီးတွေ တိုက်တွန်း

ဘဏ္ဍာရေးနဲ့ စီမံအုပ်ချုပ်မှုတွေမှာ ကျားမတန်းတူညီဖို့ အမျိုးသမီးတွေ တိုက်တွန်း

မြန်မာနိုင်ငံမှာ ဖက်ဒရယ် ဒီမိုကရေစီ အုပ်ချုပ်ရေး ထွန်းကားလာဖို့အတွက် ကြိုးပမ်းပြင်ဆင်နေတဲ့ ခုလိုအချိန်မှာ ကျားမ တန်းတူရေးကို ထည့်သွင်းစဥ်းစားတဲ့ စီမံအုပ်ချုပ်မှုတွေ ဖြစ်အောင် အခုကတည်းက လက်တွေ့ အကောင်အထည်ဖော် ကျင့်သုံးတာတွေ လုပ်ဆောင်သွားရမှာ ဖြစ်တယ်လို့ မြန်မာ အမျိုးသမီး ငြိမ်းချမ်းရေးနဲ့ လုံခြုံရေးအဖွဲ့က ဦးဆောင်ကော်မတီဝင် ဒေါ် Z Nang Raw က ပြောပါတယ်။ နယူးယောက်မြို့က ကုလသမဂ္ဂ ဌာနချုပ်မှာ သီတင်း နှစ်ပတ်တာ ကျင်းပနေတဲ့ အမျိုးသမီးများ အခြေပြကော်မရှင် CSW ရဲ့ ၆၈ ကြိမ်မြောက် ဆွေးနွေးပွဲတွေကို ဒေါ် Z Nang Raw အပါအဝင် မြန်မာနိုင်ငံက အမျိုးသမီးအဖွဲ့တချို့ တက်ရောက် ဆွေးနွေးနေကြတာပါ။ ဘယ်လို အကြောင်းအရာတွေကို အဓိကထား ဆွေးနွေးကြတာပါလဲ။ ဘာကြောင့်ပါလဲ။ ဒေါ် Z Nang Raw ကို မခင်ဖြူထွေးက ဆက်သွယ် မေးမြန်း တင်ပြထားပါတယ်။