ကမ္ဘာ့အမျိုးသမီးအခွင့်အရေးကို ဂုဏ်ပြုတဲ့ မတ်လ ၈ ရက် နိုင်ငံတကာ အမျိုးသမီးများနေ့မရောက်ခင် ၂ ရက်မှာပဲ မတ်လ ၆ ရက် တနင်္လာနေ့ကတော့ အာဖရန်နစ္စတန်နိုင်ငံမှာ ကျောင်းသူတွေ ကျောင်းတက်ခွင့်မရတော့ပဲ ကျောင်းသားတွေချည်းသက်သက်နဲ့ တက္ကသိုလ်တွေ ပြန်ဖွင့်ခဲ့ပါတယ်။
ထိုင်းနိုင်ငံမှာ ကိုဗစ်ကပ်ဘေးလွန်ကာလ မဟာပူဇာနေ့ပွဲတော်ကို ပြန်ကျင်းပခဲ့တော့ ဗုဒ္ဓဘာသာဝင်တွေ ထောင်နဲ့ချီပြီ ဝတ်စုံဖြူတွေနဲ့ လာရောက်ပြီး ဆီမီးပူဇော်ခဲ့ကြပါတယ်။ နှစ်စဉ်ကျင်းပတဲ့ အစဉ်အလာရှိပြီး ကိုဗစ်ကမ္ဘာ့ကပ်ရောဂါဖြစ်ပွားလို့ ၂ နှစ်ကြာ ရပ်နားထားခဲ့ရတာ ဖြစ်ပါတယ်။
တယ်လီဖုံးတာဝါတိုင်ထောင်ဖို့ မလွယ်ကူ ဝေးလံတဲ့ ဒေသတွေအတွက် နေရာဒေသတခုတည်းက ထိန်းချုပ်ထားတာမဟုတ်ပဲ၊ အဖိုးခသက်သာပြီး နေရာဒေသစုံကနေ အင်တာနက်ချိတ်ဆက်မှု ပေးနိုင်ဖို့ World Mobile ကုမ္ပဏီက လုပ်ဆောင်နေပါတယ်။ ဇန်ဇီဘာနိုင်ငံမှာ စတင်လုပ်ဆောင်ပြီး တခြားဒေသတွေကို လျှင်လျှင်မြန်မြန်တိုးချဲ့လုပ်ဆောင်ဖို့ ရှိပါတယ်။
ဆီရီးယားနိုင်ငံမှာ ငလျင်ဒဏ်သင့်ကလေးတစ်ဦး ကမ္ဘာ့ဘောလုံးအကျော်အမော် ခရစ္စတီယာနို ရော်နယ်ဒိုကို တွေ့ချင်တဲ့ ဆန္ဒတွေပြည့်သွားရပါတယ်။ သူရဲ့ ဆန္ဒကိုပြောထားတဲ့ ဗွီဒီယို ကြောင့် သူ့ကို ဆော်ဒီအာရေးဗျနိုင်ငံ ဖျော်ဖြေရေးအာဏာပိုင်အဖွဲ့ ဥက္ကဌက ကလေးနဲ့ မိခင်ကို ခေါ်ယူပေးတာဖြစ်ပါတယ်။
ဖေဖော်ဝါရီ ၂၇၊ ၂၀၂၃ ခုနှစ်က အစိမ်းရောင်အပါအဝင် လှပဆန်းကြယ်တဲ့အရောင်တွေနဲ့ ဥတ္တရအလင်းတန်းတွေ အမေရိကန်ပြည်ထောင်စု မြောက်ပိုင်းစွန်း အလက်စကာကောင်းကင်မှာ ပေါ်ထွက်နေပုံတွေ လူမှုကွန်ရက်တွေမှာ အများကြီးတွေ့ရပါတယ်။
စစ္စတာ ဂျင်းဒလောရက်စ် ရှမစ်တ်က လိုယိုလာတက္ကသိုလ်အမျိုးသား ဘတ်စကတ်ဘော အသင်းအတွက် ဘာသာရေးနဲ့ စိတ်ပိုင်းဆိုင်ရာ ပံ့ပိုးကူညီပေးဖို့ ခန့်အပ်ထားရသူပါ။ ချီကာဂိုနဲ့ ကယ်လီဖိုးနီးယားက အခြေခံပညာ ကတ်သလစ်ကျောင်းတွေမှာလည်း နှစ်ပေါင်း ၈၀ ကျော် ဆရာမ လုပ်ခဲ့သူဖြစ်ပါတယ်။
ရုရှားတို့ ယူကရိန်းနိုင်ငံကို ကျူးကျော်စစ်ထိုးတာ တစ်နှစ်ပြည့်ခါနီးမှာပဲ ၂၀၂၃ ဖေဖော်ဝါရီ ၂၂ ရက်နေ့မှာ သမ္မတပူတင်က “အဖတိုင်းပြည်ကာကွယ်စောင့်ရှောက်သူများ ဂုဏ်ပြု” အခမ်းအနား ကျင်းပ မိန့်ခွန်းပြောပြီး လူထုပရိသတ်ကို “ရုရှား၊ ရုရှား” လို့ စိတ်ဓာတ်တက်ကြွအောင် ကြွေးကြော်ခိုင်းခဲ့ပါတယ်။
အမေရိကန်ပြည်ထောင်စု အနောက်ခြမ်း ကယ်လီဖိုးနီးယားပြည်နယ်က ယိုဆဲမတီတောင်ကြားက Horsetail Fall မြင်းမှီးရေတံခွန်က နှစ်တိုင်း ဖေဖော်ဝါရီလဆို သဘာဝအံ့ဖွယ်ဖြစ်စဉ်တခု ဖြစ်ပေါ်တတ်လို့ နှစ်စဉ် လူထောင်ပေါင်းများစွာ ဒီအချိန်ဆို ရောက်လာတတ်ကြပါတယ်။
တူရကီနိုင်ငံမှာ အားပြင်းငလျင်ကြီး ၂ ခု ဆက်တိုက်လှုပ်ခဲ့ပြီး တူရကီနဲ့ အိမ်နီးချင်း ဆီးရီးယားနိုင်ငံတို့မှာ သေကြေ ပျက်ဆီးမှုတွေ ဆိုးဆိုးရွားရွား ကြုံခဲ့ရပြီး သီတင်း ၂ ပတ် အကြာမှာပဲ နောက်ထပ်ငလျင် ထပ်လှုပ်ပြန်ပါတယ်။
သဘာဝ လရောင်ရယ်၊ နီကျင်ကျင်ဓာတ်မီးရောင်ရယ် အကူအညီနဲ့ ရေတွင်းရဲ့ အောက်ခြေကို ချစ်သူစုံတွဲတွေ ဗယ်လင်တိုင်းနေ့ အထိမ်းအမှတ် အရောက်သွားခဲ့ကြပါတယ်။ အနက် ၁၇၇ ပေရှိတဲ့ ရေတွင်းအောက်ခြေကို အရောက်သွားပြီး ဗယ်လင်တိုင်းအထိမ်းအမှတ် အနမ်းလက်ဆောင် ပေးကြတာ ဖြစ်ပါတယ်။
ဥရောပအရှေ့ခြမ်း ခရိုအေးရှားနိုင်ငံ ပက်ရှ်မန်ရေလက်ကြားမှာတည်ရှိတဲ့ အသည်းပုံကျွန်းငယ်လေးရဲ့ တစိတ်တပိုင်းကို ရောင်းချဖို့ ကြော်ငြာနေပြီး နေ့စဉ်လို စိတ်ဝင်စားသူတွေ အများအပြား စုံစမ်းနေကြပါတယ်။
ဗြိတိန်နိုင်ငံ အင်္ဂလန်အနောက်တောင်ပိုင်းက ခြံစိုက်သူတစ်ဦးဟာ ကွယ်လွန်သွားတဲ့ဇနီးသည် အမှတ်တရအဖြစ် သူ့ပိုင်မြေပေါ်မှာ ဝက်သစ်ချပင် ထောင်ပေါင်းများစွာကို အသည်းပုံဖော် စိုက်ပျိုးခဲ့ပါတယ်။
အင်ဒီးစ်တောင်တန်း နိုင်ငံတစ်နိုင်ငံဖြစ်တဲ့ ချီလီနိုင်ငံ တောင်ပိုင်းမှာ တောမီးတွေ ဆိုးဆိုးရွားရွား လောင်ကျွမ်းနေပါတယ်။ မိုးခေါင်ရေရှားအခြေအနေနဲ့ ကြုံနေရတာ ဆယ်စုနှစ်တစ်ခု ရှိနေပါပြီ။ သစ်တောထူတဲ့ ဒေသမှာ ဖြစ်လို့ လယ်ယာစိုက်ပျိုးရေးနဲ့ ကမ္ဘာ့နံပတ်တစ် ကြေးနီထုတ်လုပ်မှုတွေကို ထိခိုက်နေရပါတယ်။
တူရကီနိုင်ငံအရှေ့တောင်ပိုင်းမှာ ၂၀၂၃၊ ဖေဖော်ဝါရီ ၆ ရက်က လှုပ်သွားတဲ့ မြေငလျင်က ၁၉၃၉ ခုနှစ်နောက်ပိုင်း တူရကီမှာ အသေအပျောက်အများဆုံး မြေငလျင်ဖြစ်ပါတယ်။ ဖေဖော်ဝါရီ ၁၂ ရက် ၆ ရက်မြောက်ည စာရင်းအရ ၆ ရက်မြောက် တနင်္ဂနွေညအထိ ၂ နိုင်ငံပေါင်း သေဆုံးသူ ၃ သောင်း ၃ ထောင် ကျော်သွားပါပြီ။
တူရကီငလျင်ကယ်ဆယ်ရေးအတွက် နိုင်ငံတကာကယ်ဆယ်ရေးအဖွဲ့တွေနဲ့အတူ ကယ်ဆယ်ရေး အနံ့ခံခွေးကြီးတွေလည်း လိုက်လာကြတာပါ။ ခွေး ၇ ကောင်ပါတဲ့ ဂျာမနီအဖွဲ့ကတော့ ဆီးရီးယားနယ်စပ်နဲ့ မိုင် ၅၀ တောင်မဝေးတဲ့ ဟတ်ထိုင်ပြည်နယ်ဘက်ကို သွားပါတယ်။
ချီလီနိုင်ငံမှာ ဘီယာကုန်ကားမှောက်တော့ ဖြတ်သွားဖြတ်လာ ကားတွေအကုန် ရပ်ပြီး အကောင်းကျန်သေးတဲ့ ဘီယာကတ်တွေ အပြေးယူကြတာပါ။ ကျန်တဲ့ ဘီယာတွေကတော့ အလှူလုပ်သလို ဖြစ်သွားပြီး ကားပေါ်က အကောင်းကျန်တဲ့ ဘီယာတွေရော၊ အောက်မှာ ပြန့်ကျဲနေတဲ့ထဲကရော အကောင်းကျန်တာတွေ အကုန် ယူသွားကြပါတယ်။
တောင်အမေရိကတိုက်၊ ပီရူးနိုင်ငံတောင်ပိုင်း အာရေကီးပါးဒေသမှာ ပထမသီတင်းပတ်က မိုးကြီးပြီးနောက် မြေပြိုကျလို ရွာအများအပြားကို့ ရွှံ့မြေတွေ၊ ကျောက်တုံးတွေ၊ ရေတွေဖုံးလွှမ်းခဲ့ပါတယ်။ မပြိုပဲ ကျန်ရစ်တဲ့ နေအိမ်၊ အဆောက်အဦး ၆၀၀ ကျော်လည်း အခြေမခိုင် ဖြစ်ကျန်ခဲ့ပါတယ်။
အမေရိကန် ကယ်လီဖိုးနီးယားပြည်နယ်မှာ အခုရက်ပိုင်းတွေအတွင်း သေနတ်နဲ့ ပစ်ခတ်မှုတွေ ဖြစ်ပွားခဲ့လို့ စုစုပေါင်း လူ ၂၀ မက သေဆုံးခဲ့ရပါတယ်။ ဒီဖြစ်ရပ်တွေဖြစ်ကတည်းက အုပ်ချုပ်ရေးနဲ့ ဥပဒေပြုသူတွေ ကယ်လီဖိုးနီးယားပြည်နယ်မှာ သေနတ်ကိုင်ဆောင်ခွင့် စည်းမျဉ်းတွေ ပိုတင်းတင်းကြပ်ကြပ်လုပ်ဆောင်သွားဖို့ ပြောနေကြပါတယ်။
ဒီလုပ်ရပ်ဟာ ဘရာဇီးနိုင်ငံအတွင်း ငြိမ်းချမ်းစွာ အာဏာလွှဲပြောင်းရေးနဲ့ ဒီမိုကရေစီအပေါ် တိုက်ခိုက်မှုဖြစ်ပြီး ရှုတ်ချတဲ့အကြောင်းနဲ့ ဘရာဇီးနိုင်ငံက ဒီမိုကရေစီနည်းကျ အသင်းအဖွဲ့အားလုံးကို အပြည့်အဝ ပံ့ပိုးပေးမယ့်အကြောင်း သမ္မတဘိုင်ဒန်က ရေးပါတယ်။
“အခုက ပေါက္ခရဝဿမိုး ကွက်ကျားရွာတဲ့မိုးပါပဲ။ လွှတ်ချင်တဲ့လူမှ လွှတ်မယ်။ ဟိုဘက်က ၆ ပုံ ၁ ပုံကလည်း ပေးချင်တဲ့လူမှ ပေးမယ်။ လတ်တလောအရ နိုင်ငံတကာဖိအားကို လျော့ရုံသက်သက်ပဲ။ နိုင်ငံရေးအရ ဖမ်းဆီးချုပ်နှောင်ခံထားရသူတွေအတွက်တော့ ဘာမှ ထိရောက်တဲ့ရလဒ်တခုမဟုတ်ဘူးလို့ပဲ မြင်ပါတယ်။”(ဥပဒေပညာရှင်တဦး)
နောက်ထပ်ကြည့်ရှုရန်
