အမေရိကန်ပြည်ထောင်စုမှာ အဝလွန်သူ အရေအတွက် ပုံမှန်တိုးနေပြီး အလွန်အကျွံ ဝလွန်းသူကတော့ သိသိသာသာ ပိုတိုးလာတယ်လို့ လေ့လာချက်တွေမှာ တွေ့ရှိခဲ့ပါတယ်။
အမေရိကန်အစိုးရရဲ့ လေ့လာတွေ့ရှိချက်အသစ်အရ အဝလွန်သူ အရေအတွက်ဟာ လွန်ခဲ့တဲ့ ၁၀ နှစ်အတွင်း သိသိသာသာ တိုးမလာဘဲ အဝလွန်သူ ၁၀ ယောက်မှာ ၄ ယောက်နှုန်းရှိနေပြီး ၁၀ ယောက်မှာ ၁ ယောက်လောက်ကတော့ အလွန်အကျွံ အဝလွန်ရောဂါဖြစ်နေတယ်လို့ အမေရိကန် ရောဂါကာကွယ်ရေးနဲ့ ထိန်းချုပ်ရေးဌာန (CDC) ကထုတ်ပြန်တဲ့ အစီရင်ခံစာမှာ ဖော်ပြပါတယ်။
အလွန်အကျွံအဝလွန်သူတွေထဲမှာ အမျိုးသမီး အရေအတွက် တိုးလာတယ်လို့ လေ့လာချက်သစ်တွေမှာ တွေ့ရှိခဲ့ပါတယ်။ အလွန်အကျွံအဝလွန်ရောဂါဖြစ်နေကြတဲ့ထဲမှာ အမျိုးသမီးတွေက အမျိုးသားတွေထက် ၂ ဆ နီးပါးလောက်ရှိနေကြပါတယ်။
ကိုယ်အလေးချိန်လျော့ကျစေတဲ့ ဆေးတွေအပါအဝင် အဝလွန်ရောဂါအတွက် ကုသမှုအသစ်တွေက ကျန်းမာရေးနဲ့ ပတ်သက်တဲ့ တခြားရောဂါတွေ လျော့ကျအောင် ကာကွယ်ပေးနိုင်မလားဆိုတာကိုပြောဖို့ကတော့ စောလွန်းသေးတယ်လို့ CDC ထုတ်ပြန်ချက်မှာ ပြောထားပါတယ်။
၂၀၂၁ ကနေ ၂၀၂၃ ခုနှစ်အတွင်း လူပေါင်း ၆ ထောင်ကို ကောက်ယူခဲ့တဲ့ စစ်တမ်းတခုအရ အမေရိကန်မှာ အဝလွန်တဲ့နှုန်းက ၄၀% ရှိတာကိုတွေ့ရှိခဲ့ပြီး၊ ၁၀ ယောက်မှာ ၁ ယောက်လောက်က အလွန်အကျွံအဝလွန်ရောဂါဖြစ်နေတာဖြစ်တယ်လို့ အမေရိကန် သုတေသနသစ်မှာ တွေ့ရှိခဲ့တာဖြစ်ပါတယ်။ ၂၀၁၇ ကနေ ၂၀၂၀ ခုနှစ်တွေကလုပ်တဲ့ စစ်တမ်းနဲ့ နှိုင်းယှဉ်ကြည့်ရင်တော့ အဝလွန်ရောဂါဖြစ်တဲ့နှုန်းက ယေဘုယျအားဖြင့် သိသိသာသာ ပြောင်းလဲသွားတာမဟုတ်ဘဲ၊ အလွန်အကျွံအဝလွန်တဲ့နှုန်းကသာ တိုးနေတာဖြစ်ပါတယ်။
Your browser doesn’t support HTML5
အလွန်အကျွံ ဝလွန်းသူ အမေရိကန်မှာ တိုးလာ