မြန်မာနဲ့ ကမ္ဘာတဝန်းက မွတ်ဆလင်တွေ ဒီနှစ် ဥပုသ်လအခက်ခဲဆုံးအချိန်တွေကို ရင်ဆိုင်နေရ

လူသားချင်းစာနာမှု အကြပ်အတည်းနဲ့ ပဋိပက္ခတွေအကြား မြန်မာနိုင်ငံအပါအဝင် ကမ္ဘာတဝန်း မွတ်ဆလင်တွေ ဒီနှစ် ဥပုသ်လ အခက်ခဲဆုံးအချိန်တွေကို ဖြတ်သန်း ရင်ဆိုင်နေရတဲ့အကြောင်း ကုလသမဂ္ဂဆိုင်ရာ အမေရိကန် သံအမတ်ကြီး Linda Thomas-Greenfield က မနေ့ ကုလသမဂ္ဂဌာနချုပ်မှာ ကျင်းပတဲ့ သတင်းစာရှင်းလင်းပွဲမှာ ပြောဆိုပါတယ်။

နယူးယောက်မြို့ရှိ ကုလသမဂ္ဂဌာနချုပ် သတင်းစာရှင်းလင်းပွဲအတွင်းတွေ့ရတဲ့ ကုလသမဂ္ဂဆိုင်ရာ အမေရိကန် သံအမတ်ကြီး Linda Thomas-Greenfield (မတ် ၂၈၊ ၂၀၂၄)

ဆူဒန်နိုင်ငံ ရင်ဆိုင်နေရတဲ့လူသားချင်းစာနာမှု အကြပ်အတည်း လျော့ချရေး အဓိကထားပြောဆိုရင်း အာဖဂန်နစ္စတန်၊ ဆီးရီးယား၊ Changzhou (ချန်ကျိုး) မြန်မာ၊ ဂါဇာ စတဲ့ ကမ္ဘာတဝန်းက မွတ်ဆလင်တွေအတွက် အထူးထိခိုက်နာကျင်ရတဲ့ ရာမာဒါန် ဥပုသ်လပါလို့ သံအမတ်ကြီး Linda Thomas-Greenfield ပြောဆိုသွားတာပါ။ ဆူဒန်နိုင်ငံ မြောက်ပိုင်း Darfur ဒေသ Zamzam ဒုက္ခသည်စခန်းမှာ ၂ နာရီတိုင်း ကလေးငယ်တဦးနှုန်း သေဆုံးနေပြီး လာမယ့်သီတင်းပတ်တွေအတွင်း နောက်ထပ် ကလေးငယ် နှစ်သိန်းလောက် သေဆုံးနိုင်တယ်လို့ အကူအညီပေးရေးအဖွဲ့တွေနဲ့ ကျွမ်းကျင်သူတွေက သတိပေးနေတာပါ။

လိုအပ်နေတဲ့ အကူအညီရဲ့ ၅ ရာခိုင်နှုန်းပဲ ရရှိပြီး၊ Chad နဲ့ တောင်ဆူဒန်ဒေသက လူ ၇ သန်းအတွက် ကုလသမဂ္ဂစားနပ်ရိက္ခာ အကူအညီတွေ ဖြတ်တောက်ထားရတဲ့အကြောင်းနဲ့ ငတ်မွတ် ခေါင်းပါးတဲ့ ဘေးဒုက္ခအန္တာရယ်ဆိုးကြီး ရင်ဆိုင်ရနိုင်ခြေတွေကို သံအမတ်ကြီးက Linda Thomas-Greenfield သတိပေးပါတယ်။ ဆူဒန်နိုင်ငံမှာ စစ်ခေါင်းဆောင် ၂ ဦးကြား အာဏာလွန်ဆွဲပွဲတွေကနေ လက်နက်ကိုင်ပဋိပက္ခတွေ ကြီးထွားနေပြီး လူပေါင်း ၄၉ သန်းလောက် အတိဒုက္ခရောက်နေတာ၊ စားနပ်ရိက္ခာအကူအညီ လိုအပ်နေသူ ၁၈ သန်းလောက်ရှိတာကို ကုလသမဂ္ဂအဖွဲ့အစည်းတွေက ပြောဆိုထားပါတယ်။

မြန်မာနိုင်ငံမှာလည်း လက်နက်ကိုင်ပဋိပက္ခတွေကြောင့် တိုင်းရင်းသားဒေသတွေ အပါအဝင် နိုင်ငံတဝန်း လူပေါင်း ၂ သန်း ၆သိန်း လောက် အိုးမဲ့အိမ်မဲ့နေရပ်စွန့်ခွာနေရပြီး နိင်ငံ လူဦးရေရဲ့ သုံး၃ ပုံ ၁ပုံ ဟာ လူသားချင်းစာနာမှုအကူအညီတွေ လိုအပ်နေတယ်လို့ ကုလသမဂ္ဂက ခန့်မှန်းထားပါတယ်။

မြန်မာနဲ့ ကမ္ဘာတဝန်းက မွတ်ဆလင်တွေ ဒီနှစ် ဥပုသ်လအခက်ခဲဆုံးအချိန်တွေကို ရင်ဆိုင်နေရ