အရှေ့အလယ်ပိုင်း ဂါဇာမြို့က ကုလသမဂ္ဂအဆောက်အအုံတိုက်ခိုက်ခံခဲ့ရပြီး လူအများအပြားသေဆုံးခဲ့သလို ဒဏ်ရာရရှိခဲ့ကြောင်း ကုလသမဂ္ဂက ပြောကြားလိုက်ပါတယ်။ အဲဒီအဆောက်အအုံမှာ ဘေးလွတ်ရာခိုလုံနေတဲ့ ပါလက်စတိုင်း ဒုက္ခသည် ရာနဲ့ချီ ရှိနေကြောင်း ကုလသမဂ္ဂ ဖွံဖြိုးရေးအေဂျင်စီ (UNDP) က ပြောပါတယ်။
“ ဒီပဋိပက္ခမှာ ကြေကွဲဖွယ်ရာ အကောင်းဆုံးဖြစ်တဲ့ အရပ်သားတွေ သေဆုံး၊ ထိခိုက်ဒဏ်ရာရမှုတွေ ဆက်ပြီးဖြစ်နေတာကို လက်မခံနိုင်သလို ချက်ချင်းရပ်တန့်ပါ" လို့ UNDP ရဲ့စနေနေ့နှောင်းပိုင်းက ထုတ်ပြန်ချက်မှာ ဖေါ်ပြထားပါတယ်။
AFP သတင်းဌာနက ရိုက်ကူးခဲ့တဲ့ ဗွီဒီယိုထဲမှာ- ဂါဇာမြောက်ပိုင်း Beit Lahia မှာ ပါလက်စတိုင်းတွေကို ကူညီထောက်ပံ့နေတဲ့ ကုလသမဂ္ဂအေဂျင်စီ (UNRWA) ကွပ်ကဲနေတဲ့ စာသင်ကျောင်းတကျောင်း ရဲ့အလယ်မှာ ပေါက်ကွဲမီးလောင်ကျွမ်းနေတာတွေကို တွေ့မြင်ကြရပါတယ်။ အစ္စရေး-ဟားမတ်စ် စစ်ပွဲကြောင့် အိုးအိမ်စွန့်ခွာထွက်ပြေးရသူ ထောင်ပေါင်းများစွာဟာ အဲဒီစာသင်ကျောင်းမှာ ခိုလှုံနေကြတာပါ။
ဟားမတ်စစ်သွေးကြွတွေ အောက်တိုဘာ ၇ ရက်က အစ္စရေးတောင်ပိုင်းက ဂီတပွဲတော်နဲ့ နယ်စပ်မြို့ကို ရုတ်တရက် ဝင်ရောက် တိုက်ခိုက်ခဲ့ပြီးကတည်းက အစ္စရေးဘက်က လက်တုံ့ပြန်တဲ့ အနေနဲ့ ဂါဇာကမ်းမြှောင်တလျှောက် ပစ်မှတ်ထား ဗုံးကြဲတိုက်ခိုက်နေတာဖြစ်ပါတယ်။
Your browser doesn’t support HTML5
ဂါဇာဒေသ ကုလသမဂ္ဂရုံး ပစ်ခတ်ခံရမှုကြောင့် သေကျေထိခိုက်