ပညာရေးဥပေဒပြင်ဆင်ရေးအတွက် ဆန္ဒပြခဲ့လို့ အကြမ်းဖက် ရိုက်နှက်ဖမ်းဆီးခံခဲ့ကြရသူတွေထဲ အမျိုးသမီး ကျောင်းသူတွေလည်း ပါဝင်ခဲ့ပါတယ်။ ဒါ့အပြင် လက်ပံတန်းတရားရုံးမှာ မတ်လ ၇ ရက်နေ့က ရုံးထုတ်တဲ့အချိန်တုန်းကလည်း သူတို့ကို လက်ထိပ်ခတ်ပြီးတော့ ခေါ်ထုတ်လာခဲ့တာကို တွေ့ကြရပါတယ်။ ဒီလို အမျိုးသမီးတွေကို အာဏာပိုင်တွေက လက်ထိပ်ခတ်တာဟာ ဥပဒေနဲ့ ကိုက်ညီပါသလား ဆိုတာနဲ့ ပတ်သက်လို့ ဒီသီတင်းပတ်ရဲ့ အမျိုးသမီးကဏ္ဍမှာ ဒေါ်လှလှသန်းက စုစည်းတင်ဆက်ထားပါတယ်။
