ကိုးကန့်စော်ဘွား မျိုးနွယ် အသက် ၉၀ အရွယ် Olive Yang ဟာ သူနေထိုင်ရာ မူဆယ်မြို့မှာ July လ ၁၃ ရက်နေ့ ကကွယ်လွန်ခဲ့ပါတယ်။ သူကွယ်လွန် မှုနဲ့ပတ်သက်လို့ Washington Post သတင်းစာကြီးအပါအဝင်၊ နိုင်ငံတကာ သတင်းတွေမှာ နာရေးဆောင်းပါးတွေကို ဓါတ်ပုံနဲ့တကွ ဖေါ်ပြခဲ့ကြရာမှာ ၊ ကိုးကန့် ကာကွယ်ရေးတပ်ခေါင်းဆောင် အဖြစ် အပြင် ဘိန်းဘုရင်မ တဦး အဖြစ်လဲ ရေးသားခဲ့ကြပါတယ်။
ခုလိုရေးသားချက်တွေအပေါ်အခြေခံပြီး ၊ ထိုစဉ်ကခေတ်ရှေ့ပြေး ခဲ့တဲ့အမျိုးသမီးတဦးလို့ဆိုရမဲ့ Olive Yang ရဲ့ ဘဝအကြောင်းသိကောင်းစရာ နဲ့ ပတ်သက်လို့ ကွယ်လွန်သူရဲ့ တူ ဖြစ်သူ Washington DC နေ John ခေါ် ဇာနည်တင်ဖေ ကို ဆက်သွယ်မေးမြန်းထားတဲ့ ပထမပိုင်းကို ပြီးခဲ့တဲ့သတင်းပတ်က တင်ပြပေးခဲ့ပြီး၊ ဒုတိယနဲ့ နောက်ဆုံးအပိုင်းကို ဒီသတင်းပတ်အမျိုးသမီးများကဏ္ဍမှာ ဒေါ်လှလှသန်းက တင်ပြထားပါတယ်။
