မြန်မာနိုင်ငံမှာ သမိုင်းစာမျက်နှာသစ် စဖွင့်ခဲ့တယ်လို့ တင်စားပြောခဲ့တဲ့အတိုင်း ဒီဖေဖော်ဝါရီလ ပထမအပတ်မှာပဲ ဒုတိယမြောက် ပြည်သူ့လွှတ်တော်နဲ့ အမျိုးသားလွှတ်တော်တို့ကို ခေါ်ယူခဲ့ပါတယ်။ အမျိုးသားဒီမိုကရေစီအဖွဲ့ချုပ်ပါတီက လွှတ်တော်အမတ် အများစုပါဝင်တဲ့ ဒီလွှတ်တော်နှစ်ရပ်ကို တက်ရောက်ခဲ့ကြတဲ့အထဲမှာ အမျိုးသမီးကိုယ်စားလှယ်တွေလည်း ပါဝင်ပါတယ်။ အမျိုးသမီးကိုယ်စားလှယ်တွေရဲ့ မျှော်မှန်းချက်တွေက ဘယ်လိုရှိကြသလဲဆိုတဲ့ ပြောပြချက်တချို့ကို ဒီသီတင်းပတ် အမျိုးသမီးကဏ္ဍမှာ ဒေါ်လှလှသန်း က စီစဉ်တင်ဆက်ထားပါတယ်။
