ကမ္ဘာ့အဆင့်မီ ဘောလုံး ပြိုင်ပွဲတွေမှာ နိုင်ငံ့ ဂုဏ်ဆောင်နိုင်တဲ့ ဒိုင်ကောင်း တယောက်ဖြစ်ဖို့ ကိုယ့်မိခင်နိုင်ငံနဲ့ သက်ဆိုင်ရာအဖွဲ့အစည်းတွေရဲ့ ပံ့ပိုးကူညီမှုတွေက အင်မတန် အရေးကြီးတယ်လို့ FIFA ဘောလုံးအဖွဲ့ချုပ် ဒိုင်အဖွဲ့မှာ မြန်မာနိုင်ငံရဲ့ ပထမဆုံး အမျိုးသမီး ဒိုင်အဖြစ် တာဝန်ထမ်းခဲ့တဲ့ ဒေါ်ကော့ဂျာက ပြောပါတယ်။ ပံ့ပိုးမှု လုံလုံလောက်လောက် မရခဲ့တဲ့အတွက် အခွင့်အလမ်းကောင်းတွေ ဆုံးရှုံးရတာ ရှိခဲ့တယ်လို့လည်း ပြောပြပါတယ်။ FIFA အမျိုးသမီး ဒိုင်တယောက်အဖြစ် အသိအမှတ်ပြု နေရာရဖို့အတွက် ကိုယ့်ဒူးကိုယ်ချွန် အားထုတ် ကြိုးပမ်းခဲ့ရတဲ့ ဒေါ်ကော့ဂျာနဲ့ တွေ့ဆုံမေးမြန်းထားတဲ့ ဒုတိယပိုင်းကို ဒီသီတင်းပတ် အမျိုးသမီးကဏ္ဍမှာ မခင်ဖြူထွေးက တင်ဆက်ထားပါတယ်။