ကြားကာလ ရွေးကောက်ပွဲ ပြည်ပစွက်ဖက်မှု ဟန့်တားဖို့ပြင်

အမေရိကန် ပြည်ထောင်စုမှာ လွှတ်တော်ရွေးကောက်ပွဲတွေ ကျင်းပဖို့ ၄ လလောက်သာ လိုတော့တဲ့ အချိန်မှာပဲ၊ ၂၀၁၆ သမ္မတ ရွေးကောက်ပွဲမှာ တုန်းကလို ရုရှားက ကြားဝင်စွက်ဖက်တာမျိုး နောက်ထပ် မကြုံရအောင် တာဝန်ရှိသူတွေ ကြိုတင်စီစဉ်နေကြပါတယ်။ အစီအစဉ်သစ်တွေထဲမှာတော့ ပြည်ပက ထိုးဖောက်မှုတွေ ရှိလာတဲ့အခါ အများပြည်သူကို အသိပေးရေးလည်း ထည့်သွင်းထားတာပါ။ လွှတ်တော်ရွေးကောက်ပွဲအတွက် ကြိုတင်ပြင်ဆင်မှုတွေနဲ့ ပတ်သက်လို့ ဗွီအိုအေသတင်းထောက် Carolyn Presutti ရဲ့ သတင်းဆောင်းပါးကိုတော့ ကိုအောင်လွင်ဦးက ပြောပြပေးပါလိမ့်မယ်။