မြန်မာနိုင်ငံက အစိုးရက တင်သွင်းနိုင်တဲ့ မော်ဒယ်နဲ့ တင်သွင်းခွင့် ဆိုင်ရာ ပြဌာန်းချက်အသစ်ကို မကြာသေးခင်ကပဲ ထုတ်ပြန်ခဲ့ပြီး ဖြစ်ပါတယ်။ အစိုးရအဆက်ဆက်မှာမှာ ကားတင်သွင်းခွင့်ဆိုင်ရာ ဥပဒတွေကို အကြိမ်ကြိမ် ပြောင်းလဲခဲ့တဲ့အပြင် အခွန်ကောက်ခံတဲ့ နှုန်းဟာလည်း အခုချိန်ထိ မြင့်မားနေဆဲဖြစ်တာကြောင့် ဈေးကွက် မတည်ငြိမ်မှုအပြင် ပြည်တွင်း ကားဈေးဟာလည်း အဆမတန် မြင့်မားလွန်းနေတယ်လို့ ကားဝယ်ရောင်း လုပ်ကိုင်နေသူတွေက ပြောပါတယ်။ မြန်မာနိုင်ငံအတွင်း လက်ရှိဖြစ်ပေါ်နေတဲ့ ကားဈေးကွက် အခြေအနေတွေနဲ့ပတ်သက်လို့ ရန်ကုန်မြို့က ကားဝယ်ရောင်း လုပ်ကိုင်သူ ကိုမင်းမင်းကို ဆက်သွယ် မေးမြန်းပြီး အခုသီတင်းပတ်ရဲ့ စီးပွားရေးကဏ္ဍမှာ တင်ပြပေးထားပါတယ်။
