ကရင်ပြည်နယ်၊ ကော့ကရိတ်-မြ၀တီ-သင်္ကန်းညီနောင် စတဲ့နေရာတွေမှာ စစ်ကောင်စီတပ်တွေနဲ့ ကရင်အမျိုးသာလွတ်မြောက်ရေးတပ် ပြည်သူ့ကာကွယ်ရေးတပ် စတဲ့ပူးပေါင်းတွေ တိုက်ပွဲတွေ ပြင်းထန်နေပြီး လေကြောင်းတိုက်ခိုက်မူတွေလည်း ရှိနေပါတယ်။
မြ၀တီခရိုင် ကေအန်ယူ တပ်မဟာ(၆)ထိမ်းချုပ်နယ်မြေထဲမှာရှိတဲ့ လေးကေ့ကော်ဒေသက စစ်ကောင်စီတပ်ရဲ့ ကာကင်းစခန်းဖြစ်တဲ့ ရေကန်ကုန်းကို KNLA/PDF ပူးပေါင်းတပ်တွေက တပတ်ကျော်ကြာထိုးစစ်ဆင်ပြီးတဲ့နောက် မတ်လ ၃၁ရက်နေ့က သိမ်းပိုက်ခဲ့ပါတယ်။
ထိုင်းနိုင်ငံ ဘန်ကောက်မြို့ wang Thonglang နယ်မြေက အနှိပ်ခန်းဟာ အနှိပ်ခန်းကိုဗန်းပြပြီး ကာမဝန်ဆောင်မူ့ပေးတယ်ဆိုပြီး သတင်းရတာကြောင့် နယ်မြေအာဏာပိုင်တွေက ၀င်ရောက်စစ်ဆေးဖမ်းဆီးခဲ့ရာမှာ အလုပ်လုပ်ခွင့်အထောက်အထားမရှိတဲ့မြန်မာ ၁၅ ဦးဖမ်ဆီးခဲ့ရပါတယ်။
ထိုင်းနိုင်ငံ ချွန်ဘူရီခရိုင်၊ ရယောင်မြို့နယ်ထဲက ဆောက်လုပ်ရေးလုပ်ငန်းခွင်တခုမှာ ကရိန်းပြိုကျလို့ မြန်မာလုပ်သား ၆ ယောက် သေဆုံးခဲ့ပါတယ်။ သေဆုံးခဲ့သူတွေအတွက် နစ်နာကြေးရနိုင်ဖို့ ကျန်အလုပ်သမားထောင်ချီ တောင်းဆိုကြတဲ့အတွက် ရဲက ဝင်ရောက်ဖြေရှင်းခဲ့ရပါတယ်။
ထိုင်း-မြန်မာနယ်စပ် ကမ်ချနဘူရီခရိုင်၊ ထောင်ပါပွန်း မြိုနယ်အတွင်းမှာ မတ်လ ၂၈ရက် မနေ့က ကင်းစခမ်းကို ဖြတ်ကျော် မောင်းပြေးတဲ့ ကားငါးစီးကို ရဲတပ်ဖွဲက လိုက်လံဖမ်းဆီးရာမှာ မြန်မာနိုင်ငံသား ၈၀ ကျော် ဖမ်းမိတယ်လို့ ရဲတပ်ဖွဲ့က ပြောပါတယ်။
ထိုင်းနိုင်ငံ လော့ဘူရီ (Lop Buri) ခရိုင် ဘန်မိုအရပ် ဝပ်အဝမ်စရုံဘုန်းကြီးကျောင်းကနေ မတ်လအစောပိုင်းကတည်းက ခေါ်ဆောင်သွားခဲ့တဲ့ အသက် ၅ နှစ်ကနေ ၁၇ ကြား အထောက်အထားမဲ့ မြန်မာကလေး ၁၉ ဦးကို နေရပ်ပြန်မပို့ပါဘူး-လို ထိုင်း လူသားလုံခြုံရေးဝန်ကြီးက ပြောလိုက်ပါတယ်။
KNU ကရင်အမျိုးသားအစည်းအရုံး ထိန်းချုပ်နယ်မြေအသီးသီးမှာ ဒီရက်ပိုင်းတွေအတွင်း တိုက်ပွဲတွေ ပြင်းထန်နေပြီး တပ်မဟာ (၆) ထိန်းချုပ်နယ်မြေ ကော့ကရိတ်မှာဆိုရင် ဒီကနေ့ တိုက်ပွဲတွေ အတော်ပြင်းထန်ကြောင်း မျက်မြင်သက်သေတွေက ဗွီအိုအေကို ပြောပါတယ်။
ကရင်ပြည်နယ်အတွင်းမှာ စစ်ကောင်စီတပ်တွေနဲ့ KNLA၊ ပြည်သူ့ကာကွယ်ရေးတပ် PDF ပူးပေါင်းတပ်တွေ တိုက်ပွဲတွေ ဖြစ်ပွားခဲ့ပြီးတဲ့နောက် မတ်လ ၁၉ ရက်နေ့က ထိုင်းနိုင်ငံ၊ အုန်းဖန်မြို့နယ်၊ ပန်ခလန် ကျေးရွာဘက်ကို ထွက်ပြေးလာတဲ့ စစ်ကောင်စီတပ်သား ၄၈ ဦးကို ထိုင်းအာဏာပိုင်က မနေ့က ပြန်ပို့လိုက်ပါတယ်။
မြန်မာကနေ တရားမဝင်လမ်းတွေက အထောက်အထားမဲ့ရောက်လာတာက တရားမဝင်ကယ်ရီတွေနဲ့ ဖမ်းမိတာ ပိုများတယ်။ စစ်အာဏာသိမ်းပြီးနောက်ပိုင်းမှာ အလုပ်အကိုင်အခွင့်အလမ်းရှားပါးတာတွေ၊ နိုင်ငံရေးမတည်ငြိမ်မှုတွေ၊ ဆင်းရဲမွဲတေမှု ပိုဆိုးလာတယ်။ အဓိက,က လူငယ်တွေရဲ့အနာဂတ်တွေ ပျောက်လာတာပေါ့။" (ဦးရဲမင်း-အလုပ်သမားရေးလှုပ်ရှားသူ)
"ပုလိပ်ရုံးမှာတော့ ညီမတို့ကိုယ်တိုင်တက်ရောက်ပြီး ပုံနဲ့သွားတောင်းဆိုတာပေါ့နော်၊ ဆာမွတ်ဆာခွန်းမှာပါပဲ။ ကိုသားရဲ့မိသားစုလည်းပါပါတယ်။ ညီမတို့သွားတဲ့နေ့ကပေါ့။ အဖြေကတော့မသိရသေးဘူး။ အဖြေကို ၄၅ ရက်စောင့်ရတယ်။ အဖြေက ၄၅ ရက်ထိ စောင့်ရမယ်လို့ပြောလို့ စောင့်ရမှာပေါ့နော်။"
KNU ကရင်အမျိုးသားအစည်းအရုံး တပ်မဟာ(၆)လှုပ်ရှားရာ ကော့ကရိတ်မြို့နယ်ထဲမှာ စစ်ကောင်စီတပ်တွေနဲ့ ကရင်အမျိုးသားလွတ်မြောက်ရေးတပ် KNLA/PDF ပူးပေါင်းတပ်တွေကြား တိုက်ပွဲဖြစ်နေပြီး၊ တလကျော်ကြာ နှစ်ဖက်ရင်ဆိုင်တိုက်ပွဲတွေဖြစ်နေတာပါ။ ဖေဖေါ်ဝါရီလ ၁၄ ရက်နေ့ကတော့ ကျိုက်ဒုံစခန်းကို တိုက်ခိုက်သိမ်းပိုက်နိုင်ခဲ့ပါတယ်။
"မြဝတီမြို့ပေါ်မှာ ရုတ်ရုတ်သဲသဲဖြစ်နေတယ်။ စစ်မှုထမ်းဥပဒေအရ မဲနှိုက်ရမယ်ဆိုပြီးဖြစ်နေတယ်။ သက်ကြီးရွယ်အိုတွေ၊ ကျန်းမာရေးမကောင်းသူကလွဲရင် ကျန်းမာသန်စွမ်းသူတွေအားလုံး မဲနှိုက်ရမယ်။ ....သူတို့ (စစ်တပ်)ဆီသွားမယ့်အစား တောခိုတာပဲကောင်းတယ်လို့ ပြောကြတယ်။ အဲဒီလိုပဲစဉ်းစားကြတယ်။" (ဒေသခံ)
"လက်ခတ်တောင်ကို ၂ နာရီလောက်ကနေစပြီးပစ်နေတာ။ လေယာဉ်ပျံနဲ့လာပြီးကြဲနေတာ၊ တနာရီနဲ့ ၄၅ လောက်ကနေ စကြဲနေတာ။ အလုံးကြီး အသံကြီးကြားရတယ်။ ဘယ်နေရာကို လုပ်တယ်မသိဘူး။နောက်ကျတော့ လက်ခတ်တောင်ဘေးကနေ မီးခိုးတွေတက်လာတာတွေ့ရတယ်။" (ဒေသခံ)
ထိုင်း-မြန်မာ-လာအိုဝ် ဆုံရာရွှေတြိဂံဒေသထုတ် စိတ်ကြွဆေးပြား ၁၀ သန်းကို နကွန်စဝမ်ခရိုင်ထဲမှာ မတ်လ ၁၁ ရက်နေ့က ကုန်တင်ကားနဲ့သယ်လာတုန်း ဖမ်းမိခဲ့ပါတယ်။ ဒီရက်ပိုင်းမှာပဲ ကာလတန်ဖိုးဘတ်ငွေ သန်းပေါင်း ၂,၀၀၀ ကျော်တန်ဖိုးရှိတဲ့ စိတ်ကြွဆေးပြား အလုံးရေ ၂၇ သန်းကျော်ဖမ်းမိခဲ့ပါတယ်။
မြဝတီမြို့တောင်ဘက်မှာရှိတဲ့ စစ်ကောင်စီရဲ့ဖလူးတပ်စခန်းကို KNLA/PDF ပူးပေါင်းတပ်တွေက မတ်လ ၁၁ ရက်၊ ညနေပိုင်းတွင် တိုက်ခိုက်သိမ်းပိုက်ခဲ့ပြီးတဲ့နောက် စစ်ကောင်စီတပ်တွေက လေကြောင်းကနေ တိုက်ခိုက်တဲ့အတွက် ဒေသခံကျေးရွာသားတွေ ထောင်နဲ့ချီပြီး သောင်ရင်းမြစ်အနီးကသဲသောင်တွေထိ ထွက်ပြေးတိမ်းရှောင်လာကြရပါတယ်။
"သင်္ကန်းညီနောင်တိုက်ပွဲအခြေအနေတွေကြောင့် နောက်ဆက်တွဲအဖြစ် မြဝတီခရိုင်ထဲက အနီးအနားရွာတွေကနေ စစ်ဘေးရှောင်လာကြတယ်။ ဒီနေ့ဆိုရင် သောင်ရင်းမြစ်ကမ်းနဖူးနားကို လူအင်အား အိမ်ထောင်စုပေါင်း ၁၁၀ ကျော် လူ ၄၀၀ လောက် ဒီနေ့မှာပဲ စစ်ရှောင်လာကြပါတယ်။" (စစ်ဘေးရှောင်တွေကို ကူညီသူ)
မြဝတီမြို့နယ်ထဲက သင်္ဃန်းညီနောင် အခြေစိုက်ခမရ ၃၅၅ တပ်ရင်းကို KNU နဲ့ PDF ပူးပေါင်းတပ်ဖွဲတွေဘက်ကသိမ်းပိုက်ပြီးနောက် သင်္ဃန်းညီနောင် ရဲစခန်းကိုပါ သိမ်းပိုက်ထားကြောင်း လက်နက် ၁၀၀ ကျော်ကိုသိမ်းဆည်းထားတယ်လို့ ပြည်သူ့ကာကွယ်ရေးတပ်ဖွဲ့ ခေါင်းဆောင်တဦးကပြောပါတယ်။
ထိုင်းမြန်မာနယ်စပ် ကရင်ပြည်နယ်၊ မြဝတီမြို့နယ်၊ သင်္ဃန်းညီနောင်ဆိုတဲ့နေရာမှာရှိတဲ့ စစ်ကောင်စီရဲ့ ခြေမြန်တပ်ရင်း ခမရ ၃၅၅ ကို မတ်လ ၇ ရက်နေ့ မနက်ကစပြီး KNLA ကရင်အမျိုးသားလွတ်မြောက်ရေးတပ်မတော်နဲ့ PDF ပူးပေါင်းတပ်တွေက တိုက်ခိုက်သိမ်းပိုက်ဖို့လုပ်ရင်း တိုက်ပွဲတွေ ဆက်တိုက်ဖြစ်နေပါတယ်။
ထိုင်းနိုင်ငံထဲမှာ အထောက်အထားမဲ့ နေထိုင်နေတဲ့မြန်မာအလုပ်သမားတွေအတွက် ထိုင်းအစိုးရက တရားဝင်နေထိုင်ခွင့်အလုပ်သမားကဒ်ထုတ်ပေးသလို မြန်မာအစိုးရကလည်း အထောက်အထားလက်မှတ် (CI) စာအုပ်တွေထုတ် ပေးလိုက်ပါတယ်။
မလေးရှားနိုင်ငံထဲမှာ အထောက်အထားမရှိဘဲ တရားမဝင် နေထိုင်နေသူတွေ နေရပ်ပြန်တဲ့အခါမှာ မလေးရှားအစိုးရကို ပေးဆောင်ရတဲ့ ဒဏ်ကြေးငွေကို မလေးရှားအစိုးရက မလေးရှားငွေ ရင်းဂစ် ၅၀၀ အထိ လျှော့ချပေးလိုက်ပြီး ဒီလို ဒဏ်ကြေးလျှော့ချပေးထားတဲ့ သက်တမ်းဟာ ဒီဇင်ဘာ ၃၁ ရက်အထိ ၁၀ လ အကျုံးဝင်ပါတယ်။
နောက်ထပ်ကြည့်ရှုရန်
