ဘာစီလိုနာအသင်းဟာ ဒိုင်အရှုပ်တော်ပုံ ကိစ္စမှာ ပြစ်မှု တစုံတရာ ကျူးလွန်ထားတာမရှိဘူးလို့ ဘာစီလိုနာအသင်း ဥက္ကဋ္ဌက Laporta ကပြောလိုက်ပါတယ်။ဘရာဇီးနောက်တန်းလူ Dani Alves က သူ့ကို အမျိုးသမီးတဦးက တရားစွဲထားတဲ့နဲ့ပတ်သက်ပြီး တရားရုံးမှာပြန်ပြောင်းထွက်ဆိုခဲ့ပါတယ်။ဒီလိုအားကစားသတင်းတွေကို ကိုရန်နိုင် ပြောပြပါမယ်။
တောင်အာဖရိကနိုင်ငံ Vhakhegula ဘောလုံးအသင်းက အသက် ၅၅ နှစ်နဲ့.အထက် အမျိုးသမီးတွေအတွက် ဘောလုံးပြိုင်ပွဲတခုကို ကျင်းပခဲ့ပါတယ်။ဒီကလပ်အသင်းကိုတော့ အသက်အရွယ်ကြီးရင်တဲ့ အမျိုးသမီးတွေရဲ့ ကျန်းမာရေး တိုးတက်ကောင်းမွန်ဖို့ ရည်ရွယ်ချက်နဲ့ ၂၀၀၇ ခုနှစ်မှာ တည်ထောင်ခဲ့တာဖြစ်ပါတယ်။ကိုရန်နိုင်က ပြောပြပေးမှာဖြစ်ပါတယ်။
စပိန်နိုင်ငံသား John Rahm ကတော့ အမေရိကန်မှာကျင်းပတဲ့ The Masters ဂေါက်သီးပြိုင်ပွဲကို ဗိုလ်စွဲသွားပါတယ်။ ရုရှားနိုင်ငံကတော့ ၂၀၂၄ ပဲရစ်အိုလံပစ် အားကစားပြိုင်ပွဲမှာ သူတို့ရဲ့ အားကစားသမားတွေ ဝင်ခွင့်ရဖို့ မျှော်လင့်နေပါတယ်။ ဒီလိုတပတ်အတါင်း အားကစားသတင်းတွေကို ကိုရန်နိုင်က စုစည်းတင်ပြထားပါတယ်။
ယူကရိန်းနိုင်ငံ ဒွန်ဘာ့စ်ဒေသကနေ ရုရှားတပ်တွေကိုတိုက်ထုတ်နိုင်ဖို့အတွက် ကိုယ့်ဆန္ဒအလျောက် စစ်ထဲဝင်ပြီး တိုက်နေကြတဲ့ ယူကရိန်းစစ်သားတွေနဲ့ တွေ့ဆုံထားတာကို ကိုရန်နိုင်က ပြောပြပေးမှာဖြစ်ပါတယ်။
အာဂျင်တီးနားအသင်းခေါင်းဆောင် Messi ကို တောင်အမေရိကဘောလုံးအဖွဲ့ချုပ်က ပီလီ မာရာဒိုနာတို့ နဲ့ အတူတူ ဂုဏ်ပြုလိုက်ပါတယ်။ လာမယ့် ဝင်ဘယ်လ်ဒန်တင်းနစ်ပြိုင်ပွဲမှာ ရုရှား နဲ့ ဘယ်လာရုစ်နိုင်ငံသားတွေ ဝင်ခွင့်ရ၊ မရဆိုတာကို တာဝန်ရှိသူတွေဘက်က ဆုံးဖြတ်လိုက်ပါတယ်။ အားကစားသတင်းတွေကို ကိုရန်နိုင်က တင်ပြပေးထားပါတယ်။
အိန္ဒိယနိုင်ငံသားသုံးယောက် သေဆုံးတဲ့ကိစ္စနဲ့ ဆက်စပ်ပြီး မြန်မာနဲ့ ဆက်သွယ်ထားတဲ့ နယ်စပ်လမ်းတချို့ကို မီဇိုရမ်ပြည်နယ်က ဩဇာရှိတဲ့ အရပ်ဘက်အဖွဲ့အစည်းတချို့က မနေ့ ဗုဒ္ဓဟူးနေ့ကစပြီး ရက်အကန့်အသတ်မရှိ ပိတ်လိုက်ပါတယ်။
ပေါ်တူဂီတိုက်စစ်မှူး ခရစ္စတီယာနို ရိုနာလ်ဒိုကတော့ နိုင်ငံတကာပွဲတွေမှာ စံချိန်တွေ တခုပြီး တခု ထပ်တင်လိုက်ပါတယ်။ တော့တင်ဟမ်တိုက်စစ်မှူး ဟယ်ရီကိန်းကတော့ အင်္ဂလန်အသင်းရဲ့ စံချိန်သစ်ကို တင်လိုက်ပါတယ်။ ဒီလိုတပတ်အတွင်း အားကစားသတင်းတွေကို ကိုရန်နိုင်က စုစည်းတင်ဆက်ပေးထားပါတယ်။
*ရာမန်ဒန်ဥပုသ်ရာသီ မြန်မာမွတ်ဆလင်တွေခက်ခဲ* အစ္စလာမ် ဘာသာဝင်တွေရဲ့ ရာမာဒန် ဥပုသ်ရာသီ မြန်မာနိုင်ငံမှာတော့ နိုင်ငံရေး၊ စီးပွားရေး အထွေထွေ အကျပ်အတည်းတွေကြောင့် အခုနှစ် ရာမာဒန်ကာလဟာ အရင်နှစ်တွေနဲ့ မတူဘူးလို့ အစ္စလာမ်ဘာသာဝင် တချို့က ပြောပါတယ်။ ဆက်သွယ်စုံစမ်းထားတဲ့ ကိုရန်နိုင်က ပြောပြမှာဖြစ်ပါတယ်။
အစ္စလာမ်ဘာသာဝင်တွေရဲ့ ရာမာဒန် ဥပုသ်ရာသီကို မြန်မာနိုင်ငံအပါအဝင် ကမ္ဘာတဝန်းမှာ စတင်လိုက်ပြီး၊ ဗလီတွေမှာ သွားရောက်ဝတ်ပြု ဥပုသ်ဆောက်တည်တာတွေ လုပ်နေကြပါတယ်။ မြန်မာနိုင်ငံမှာတော့ နိုင်ငံရေး၊ စီးပွားရေး အထွေထွေ အကျပ်အတည်းကြောင့် အခုနှစ် ရာမာဒန်ကာလဟာ အရင်နှစ်တွေနဲ့ မတူဘူးလို့ အစ္စလာမ်ဘာသာဝင်တချို့က ပြောပါတယ်။
ကမ္ဘာ့ဘောလုံးအဖွဲ့ချုပ်ရဲ့ ၇၃ ကြိမ်မြောက် နှစ်ပတ်လည်ညီလာခံမှာ Gianni Infantino ကို ဖီဖာဥက္ကဋ္ဌ အဖြစ် ဆက်ပြီး ရွေးကောက်တင်မြှောက်လိုက်ပါတယ်။ရဝမ်ဒါနိုင်ငံမှာတော့ ဘောလုံးဖွံ့ဖြိုးတိုးတက်ရေးအတွက် ဖီဖာနဲ့ ရဝမ်ဒါတာဝန်ရှိသူတွေ အစီအစဉ်သစ်တခု စတင်လိုက်ပါတယ်။ အားကစားသတင်းတွေကို ကိုရန်နိုင်က စုစည်းတင်ပြထားပါတယ်။
မကွေးတိုင်း မြိုင်မြို့နယ် ကျောက်ခွက်ရေနံမြေက စစ်တပ်တပ်စွဲထားတဲ့ Well 2 ရေနံလုပ်ကွက်ကို ဒေသခံကာကွယ်ရေးတပ်ဖွဲ့တွေက တတိယအကြိမ်အဖြစ် ဒီနေ့တိုက်ခိုက်ခဲ့ကြပါတယ်။ စစ်တပ်ဘက်ကလည်း ရဟတ်ယာဉ်တွေနဲ့ ကြိမ်ဖန်များစွာ လာရောက်ပစ်ခတ်ခဲ့ပါတယ်။
ရှမ်းပြည်နယ် ပင်လောင်းမြို့နယ် ဆောင်းပြောင်းဒေသ၊ နမ်းနိန်းရွာက သံဃာနဲ့ ဒေသခံတွေကို အစုလိုက် သတ်ဖြတ်ခဲ့တဲ့ကိစ္စဟာ လူသားမျိုးနွယ်ပေါ် ကျူးလွန်ခဲ့တဲ့ စစ်ရာဇဝတ်မှုဖြစ်တယ်လို့ ကရင်နီ အတိုင်ပင်ခံကောင်စီ၊ ပအိုဝ်းအမျိုးသား ဖက်ဒရယ်ကောင်စီနဲ့ NUG တို့က ကြာသပတေးနေ့မှာ ပြောလိုက်ပါတယ်။ ကိုရန်နိုင်က ပြောပြမှာပါ။
ပအိုဝ်းဒေသခံတွေ သတ်ဖြတ်ခံရတဲ့ကိစ္စကို လက်နက်ကိုင်တွေနဲ့ စစ်ကောင်စီကြားမှာ အပြန်အလှန် စွပ်စွဲမှုတွေရှိနေချိန်မှာဘဲ ကြားကာလ အမျိုးသားညီညွတ်ရေးအစိုးရ NUG နဲ့ ကရင်နီ အတိုင်ပင်ခံ ကောင်စီတို့က ဒီနေ့ အွန်လိုင်း သတင်းစာရှင်းလင်းပွဲ ပြုလုပ်ပြီး တရားမျှတမှုရဖို့ အလေးအနက်ထား လုပ်ဆောင်သွားမယ်လို့ တုံ့ပြန်ခဲ့ပါတယ်
စပိန်လာလီဂါမှာတော့ နာမည်ကြီး ဘာစီလိုနာအသင်းကို တရားရေး အာဏာပိုင်တွေက တရားစွဲလိုက်ပါတယ်။ကမ္ဘာ့ဟဲဗီးဝိတ် လက်ဝှေ့ချန်ပီယံ ၂ ယောက်ကတော့ ဘယ်လိုသဘောတူညီချက်တွေ နဲ့ ဗြိတိန်မှာထိုးဖို့ သဘောတူလိုက်ကြပါသလဲ။ ဒီလိုတပတ်အတွင်း အားကစားသတင်းတွေကို ကိုရန်နိုင်က စုစည်းတင်ပြပေးထားပါတယ်။
မကွေးတိုင်း၊ မြိုင်မြို့နယ်၊ ကျောက်ခွက်ရေနံမြေက Well 2 ရေနံလုပ်ကွက်မှာ တပ်စွဲထားတဲ့ စစ်တပ်ကို ဒေသခံ ကာကွယ်ရေးတပ်ဖွဲ့တွေက ဝင်ရောက်တိုက်ခိုက်ခဲ့တဲ့အတွက် စစ်တပ်ဘက်ကလည်း လေကြောင်းကနေ ပစ်ခတ်တိုက်ခိုက်ခဲ့ပါတယ်။ Well 2 ရေနံလုပ်ကွက်ကို ကာကွယ်ရေးတပ်ဖွဲ့တွေဘက်က ဒုတိယအကြိမ်တိုက်ခိုက်ခဲ့တာဖြစ်ပါတယ်။
ဘရာဇီးတိုက်စစ်မှူး နေမားကတော့ ခြေကျင်းဝတ်ဒဏ်ရာကြောင့် လအနည်းငယ် ဘောလုံးကစားတာကနေ နားရမှာဖြစ်ပါတယ်။ ဆားဘီးယားနိုင်ငံသား ကမ္ဘာ့အဆင့် ၁ တင်းနစ်ကစားသမား နိုဘက်ဂျိုကိုဗစ်ချ် Indian Wells Open တင်းနစ်ပြိုင်ပွဲကနေ နုတ်ထွက်လိုက်ပါတယ်။ ဒီလိုတပတ်အတွင်း အားကစားသတင်းတွေကို ကိုရန်နိုင်က စုစည်းတင်ပြထားပါတယ်။
Dany Bill ဟာ ကင်မရွန်းနွယ်ဖွား မွေထိုင်း ထိုင်းရိုးရာလက်ဝှေ့ ကမ္ဘာ့ချန်ပီယံဆုကို ၇ ကြိမ်ရဖူးသူဖြစ်ပါတယ်။ သူဟာ မကြာသေးခင်ကပဲ Los Angeles မြို့ကို လာရောက်ခဲ့ပြီးတော့ အာဖရိကတိုက်က လူငယ်တွေကို အားကစားလေ့ကျင့်ပေးနေတဲ့ သူရဲ့ ဖောင်ဒေးရှင်းအတွက် ရန်ပုံငွေတွေရှာဖွေ ခဲ့ပါတယ်။ ကိုရန်နိုင်က ပြောပြပေးမှာဖြစ်ပါတယ်
ကမ္ဘာ့အဆင့် ၁ တင်းနစ် ကစားသမား နိုဘက် ဂျိုကိုဗစ်ချ် နောက်ထပ် စံချိန်သစ်တခု ထပ်တင်လိုက်တာ အပါအဝင် မန်ချက်စတာယူနိုက်တက်အသင်း ပထမဆုံးအကြိမ် ဆုဖလားရရှိလိုက်တာနဲ့ တောင်ကိုရီးယားအသင်းကလာမယ့် ကမ္ဘာ့ဖလားပွဲအတွက် ဘယ်သူ့ကို နည်းပြခန့်လိုက်သလဲ စတာတွေကို ဒီတပတ် အားကစားကဏ္ဍမှာ ကိုရန်နိုင်က စုစည်းတင်ပြထားပါတယ်။
FIFA ကမ္ဘာ့ဘောလုံးအဖွဲ့ချုပ်ရဲ့ တနှစ်တာ အကောင်းဆုံးဘောလုံးသမားဆုအတွက် Messi, Mbappe နဲ့ Benzema တို့ ၃ ဦးကို ဆန်ခါတင် ရွေးချယ်လိုက်ပါတယ်။ ဖေဖော်ဝါရီ ၂၇ ရက်နေ့မှာ အကောင်းဆုံးဘောလုံးသမားဆုကို ချီးမြှင့်သွားမှာဖြစ်ပြီးအခုနှစ်အတွက် အကောင်းဆုံးဘောလုံးသမားဆုကို ဘယ်သူရမှာလဲ၊ကိုရန်နိုင်က တင်ဆက်ထားပါတယ်။
စပိန်နိုင်ငံက ရီးယဲလ်မက်ဒရစ်အသင်းကတော့ FIFA ကမ္ဘာ့ကလပ်ချန်ပီယံဖလားကို ဗိုလ်စွဲပြီး အများဆုံးစံချိန်တင်လိုက်ပါတယ်။ ကာတာနိုင်ငံကတော့ ကမ္ဘာ့ဖလားပွဲတုန်းက အသုံးပြုခဲ့တဲ့အိမ်တွေကို တူရကီ နဲ့ ဆီးရီးယားနိုင်ငံက ငလျင်ဒဏ်ခံလိုက်ရတဲ့သူတွေအတွက် လှူဒါန်းလိုက်ပါတယ်။ ကိုရန်နိုင်က အခုတပတ်မှာ စုစည်းတင်ပြထားပါတယ်။
နောက်ထပ်ကြည့်ရှုရန်
