ရခိုင်ပြည်နယ်မြောက်ပိုင်း မောင်တောမြို့နယ်မှာ တခုတည်းကျန်တဲ့ စစ်ကောင်စီရဲ့ နခခ (၅) တပ်စခန်းကို အပြီးသိမ်းနိုင်ဖို့ ထိုးစစ်အရှိန်မြှင့်နေကြောင်း AA ဘက်က ဒီရက်ပိုင်းထုတ်ပြန်ထားပြီး စစ်ကောင်စီဘက်က လေကြောင်းတိုက်ခိုက်မှုတွေ အကြီးအကျယ်လုပ်နေတာကြောင့် ကျေးရွာတချို့ မီးလောင်နေတယ်လို့ ဒေသခံတွေက ပြောပါတယ်။
ရီပတ်ဘလစ်ကန်နဲ့ ဒီမိုကရက် ဒုသမ္မတလောင်းတွေဟာ မနက်ဖြန်ည ကျင်းပမယ့် စကားစစ်ထိုးပွဲအတွက် ကြိုတင်ပြင်ဆင်နေကြပါပြီ။ CBS သတင်းဌာနက ကမကထ ပြုလုပ်ကျင်းပတဲ့ စကားစစ်ထိုးပွဲအတွင်း ဒုသမ္မတလောင်းတွေဟာ သူတို့ရဲ့ မူဝါဒတွေ အဓိကထား ဆွေးနွေးကြမယ်လို့ခန့်မှန်းထားပါတယ်။
အာဖဂန်နစ္စတန်နိုင်ငံမှာ တာလီဘန်အုပ်ချုပ်သူတွေက ဘိန်းစိုက်ပျိုးတာကို တားမြစ်လိုက်တဲ့အတွက် အရင်က ဘိန်းစိုက်တောင်သူတွေဟာ အခုအခါမှာ ခက်ခက်ခဲခဲရုန်းကန်ကြရပါတယ်။ ဒီအကြောင်း AFP သတင်းဆောင်းပါးကို ကိုခင်မောင်စိုးမင်း က ပြောပြပါမယ်။
ဒုက္ခသည်များဆိုင်ရာ ကုလသမဂ္ဂ မဟာမင်းကြီးရုံး (UNHCR) က ဒုက္ခသည်အဖြစ် လက်ခံထားတဲ့ ရိုဟင်ဂျာတွေကို ကျောခိုင်းလို့ မဖြစ်နိုင်ကြောင်း ဗွီအိုအေ ဘင်္ဂလားဌာနနဲ့ သီးသန့်မေးမြန်းခန်းမှာ စီးပွားရေးဆိုင်ရာ နိုဘယ်ဆုရှင်လည်းဖြစ်တဲ့ Dr. Yunus ကပြောခဲ့တာပါ။
မကြာသေးခင်က ရေဘေးဒဏ် အပြင်းအထန်ခံခဲ့ရတဲ့ မြန်မာနိုင်ငံမှာ ဒီသီတင်းပတ်ထဲ နောက်ထပ် မိုးများရေကြီးနိုင်တဲ့ အန္တရာယ်နဲ့ ရင်ဆိုင်နေရပါတယ်။ နေရာတော်တော်များများမှာ မိုးများနိုင်တယ်လို့ ခန့်မှန်းထားတာကြောင့် နောက်ဆက်တွဲ ရေကြီး၊ မြေပြိုမှု အန္တရာယ်တွေ သတိထားဖို့လည်း မိုးလေဝသနဲ့ ဇလဗေဒဌာနက တိုက်တွန်းထားပါတယ်။
လက်ဘနွန် အခြေစိုက် ဟက်ဇ်ဘူလာ စစ်သွေးကြွအဖွဲ့ရဲ့ ဒုတိယခေါင်းဆောင်က အစ္စရေးကို ဆက်လက် တိုက်ခိုက်သွားဖို့ အသင့်ရှိနေပြီး၊ ရေရှည်စစ်ပွဲ ဆင်နွှဲဖို့ ပြင်ဆင်ထားကြောင်း ပြောလိုက်ပါတယ်။
ဆယ်စုနှစ် တခုအတွင်း ရေဘေးဒဏ်အဆိုးဆုံးခံခဲ့ရတဲ့ မြောက်ကယ်ရိုလိုင်းနား ပြည်နယ်မှာ လမ်းတွေ၊ တံတားတွေပျက်စီးပြီး အဆက်အသွယ်တွေ ပြတ်တောက်နေသလို၊ သေဆုံးသူတွေ တိုးလာနိုင်တယ်လို့လည်း ဒေသခံတာဝန်ရှိသူတွေက ခန့်မှန်းနေကြပါတယ်။
မြန်မာနိုင်ငံပဋိပက္ခမှာ သက်ဆိုင်ရာ အဖွဲ့အစည်းတွေအကြား ငြိမ်းငြိမ်းချမ်းချမ်း အဖြေရှာရေးကို ထိုင်းနိုင်ငံအနေနဲ့ ထောက်ခံသလို မြန်မာနိုင်ငံအတွက် လူသားချင်းစာနာမှုအကူအညီတွေ ပေးပို့နေတဲ့အကြောင်း ထိုင်းနိုင်ငံခြားရေးဝန်ကြီး Maris Sangiampongsa ပြောဆိုတာကို ဘန်ကောက်ပို့ သတင်းစာမှာ ရေးသားပါတယ်။
ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် Tom Andrews ဟာ မြန်မာ့အရေး ဆွေးနွေးဖို့ သြစတြေးလျနိုင်ငံကို သီတင်း ၁ ပတ်ကျော်ကြာ သွားရောက်မယ်လို့ ဒီကနေ့ပဲ ပြောလိုက်ပါတယ်။
ကချင်ပြည်နယ် အရှေ့ခြမ်းက ချီဖွေမြို့မှာ စစ်ကောင်စီတပ်ဖွဲ့တွေကို ပူးပေါင်းတပ်တွေနဲ့အတူ တိုက်ခိုက်နေပြီး၊ နယ်မြေတချို့ကို ထိန်းချုပ်နိုင်ကြောင်း ကချင်လွတ်မြောက်ရေးအဖွဲ့ KIA ကပြောပါတယ်။ စစ်ရေးပြင်းထန်လာနေတာနဲ့အမျှ ဒေသခံတွေလည်း ဘေးလွတ်ရာ တိမ်းရှောင်နေကြရတာပါ။
နီပေါနိုင်ငံ ခတ္တမန္ဒူမြို့တော်နား အဝေးပြေးလမ်းမမှာ ဘတ်စ်ကားနဲ့ တခြားမော်တော်ယာဉ်တွေ မြေပြိုကျနစ်မြုပ်ခဲ့တာကြောင့် အနည်းဆုံး ၁၄၈ ယောက် ထက်မနည်းသေဆုံးပြီး ဒါဇင်နဲ့ချီပျောက်ဆုံးနေတယ်လို့ တာဝန်ရှိသူတွေက တနင်္ဂနွေနေ့ကပြောပါတယ်။
မြန်မာနိုင်ငံ မြောက်ပိုင်းမှာ အခြေစိုက်လှုပ်ရှားနေတဲ့ ရာဇဝတ်လုပ်ငန်းတွေကို ၂ နိုင်ငံ တာဝန်ရှိသူတွေ ပူးပေါင်းနှိမ်နင်းမှုရဲ့ ရလဒ်အဖြစ် ပြောဆိုခဲ့ပေမဲ့ လွှဲပြောင်းပေးသူတွေနဲ့ ပတ်သက်လို့ အသေးစိတ်ကိုတော့ မပြောပါဘူး။
အမေရိကန်ပြည်ထောင်စုက တီထွင်ဖန်တီးထားတဲ့ ခွေးနဲ့တူတဲ့ စက်ရုပ်တွေကို ဓာတုပေါင်းသတ်ဆေးနေရာမှာ အစားထိုး ရွေးချယ်အသုံးပြုဖို့အလားအလာ ရှိနေပါတယ်။ ဒီစက်ရုပ်တွေကြောင့် ကျဆင်းလာနေတဲ့ ယာလုပ်သူဦးရေကိုလည်း ကုစားပေးနိုင်မှာဖြစ်တယ်လို့ ဆိုပါတယ်။ အေပီ သတင်းဆောင်းပါးကို အခြေခံပြီး အလိမ္မာ ဆက်ပြောပြပေးပါမယ်။
ဘင်္ဂလားဒေ့ရှ် နိုင်ငံမှာ ဖွဲ့စည်းပုံအခြေခံ ဥပဒေ ပြုပြင်ပြောင်းလဲဖို့လုပ်ဆောင်နေချိန် အားလုံးသဘောတူညီမှုကို အခြေခံမှသာ အဓွန့်ရှည် ခိုင်မြဲပြီး နိုင်ငံရေးတည်ငြိမ်မှုကိုရရှိနိုင်မှာဖြစ်တယ်လို့ နိုင်ငံတကာဥပဒေပညာရှင်တွေက ပြောနေကြပါတယ်။
ဟက်ဇ်ဘိုလာခေါင်းဆောင် အစ္စရေးလက်ချက်နဲ့ သေဆုံးရပြီး စိုးရိမ်စရာတွေတိုးလာနေချိန် အမေရိကန်တပ်ဖွဲ့တွေ အရှေ့အလယ်ပိုင်းမှာ လိုအပ်သလိုချထားဖို့ သမ္မတဘိုင်ဒန်ညွှန်ကြားပြီးနောက် အမေရိကန်စစ်တပ်က အရှေ့အလယ်ပိုင်းမှာ လေကြောင်းအထောက်အကူပြု စွမ်းရည်တိုးမြှင့်နေပြီး တပ်ဖြန့်ဖို့ ပြင်ထားတယ်လို့ ပြောပါတယ်။
ခုခံတော်လှန်ရေးအဖွဲ့တွေ နဲ့ အရပ်ဘက်အဖွဲ့တွေကတဆင့် မြန်မာနိုင်ငံကို နိုင်ငံတကာ လူသားချင်းစာနာထောက်ထားမှု အကူအညီတွေပေးဖို့နဲ့ အဲဒီလိုပေးနိုင်အောင် မြန်မာရဲ့ အိမ်နီးချင်းနိုင်ငံတွေက သူတို့ နယ်စပ်တွေကိုဖွင့်ပေးကြဖို့ မြန်မာနိုင်ငံဆိုင်ရာ အထူး အကြံပေးကောင်စီ SAC-M က တိုက်တွန်းလိုက်ပါတယ်။
“မိုင်းရှာဖွေရေးက ရပ်ကျေးပကဖတွေ အဖွဲ့တွေက ဖြစ်တဲ့နည်းနဲ့ပေါ့ဗျာ၊ ဓားချွန်လေးတွေနဲ့ ရတဲ့နည်းလမ်းလေးတွေနဲ့ပဲ ရှာနေကြရတာပေါ့ဗျာ။ ဟိုလိုကြီး အစုအရုံးလိုက်ရှာနိုင်တဲ့ အနေအထားတော့ မရှိသေးဘူး။ ကျနော်တို့ဘက်မှာက မိုင်းရှာစက်တွေဘာတွေဆိုတာလည်း မရှိဘူး။ အကူအညီကတော့ တောင်းထားတာပေါ့ဗျာ။" (K2- မြေပြင်ရဲဘော်)
အရှေ့အလယ်ပိုင်း ဒေသမှာ အပြည့်အဝ အပစ်ရပ် သဘောတူညီမှု ရရေး အချိန်ဆွဲမနေသင့်ဘူးလို့ နယူးရောက်မှာ ကျင်းပနေတဲ့ ကုလသမဂ္ဂအထွေထွေညီလာခံမှာ စနေနေ့က တရုတ်နိုင်ငံခြားရေးဝန်ကြီး ဝမ်ယီ က ပြောကြားလိုက်ပါတယ်။
ကုလသမဂ္ဂ လူသားချင်းစာနာမှုဆိုင်ရာ ညှိနှိုင်းရေးရုံး (UNOCHA) က နောက်ဆုံး ထုတ်ပြန်တဲ့ စာရင်းဇယားတွေ အရ ရာဂီ မုန်တိုင်း နောက်ဆက်တွဲ ရေကြီးရေလျှံမှုတွေကြောင့် မြန်မာနိုင်ငံက မြို့နယ်ပေါင်း ၃၃၀ မှာ လူ ၁ ဒသမ ၁ သန်း ဝန်းကျင် ရေလွှမ်းမိုးတဲ့ဒဏ် ခံခဲ့ရတယ်လို့ ပြောပါတယ်။
တောင်တရုတ် ပင်လယ်ပြင်ထဲမှာ စနေနေ့က အမေရိကန်နဲ့ အာရှ- ပစိဖိတ်နိုင်ငံ တွေပါဝင်တဲ့ ၅ နိုင်ငံတပ်ဖွဲ့တွေ ရေကြောင်းပူးတွဲ လေ့ကျင့်မှု လုပ်ခဲ့သလို ပိုင်နက်အငြင်းပွါးနေတဲ့ တောင်တရုတ်ပင်လယ်ပြင်ထဲမှာပဲ တရုတ်စစ်တပ်ကလည်း စစ်ရေးလေ့ကျင့်မှု လုပ်ခဲ့ပါတယ်။
နောက်ထပ်ကြည့်ရှုရန်
