ထရမ့်ကိုလုပ်ကြံဖို့ကြိုးပမ်းတာဟာ သေနတ်ကိုင်ဆောင်ထားတဲ့ သေနတ်ပိုင်ရှင်တွေကတော့ အခုလို လုပ်ကြံဖို့ ကြိုးပမ်းမှုတွေကြောင့် သေနတ်ကိုင်ဆောင်ခွင့်နဲ့ ပတ်သက်တဲ့ သူတို့ရဲ့ အမြင်တွေ ပြောင်းမသွားဘူးလို့ ပြောပါတယ်။
ရီပတ်ဘလစ်ကန်ပါတီက သမ္မတလောင်း ဒေါ်နယ်ထရမ့်က နယူးရောက်မှာ ယူကရိန်း သမ္မတ Volodymyr Zelenskyy နဲ့ သောကြာနေ့မှာ တွေ့ဆုံခဲ့ပြီး၊ တကယ်လို့ သူရွေးခံရရင် ရုရှား- ယူကရိန်းစစ်ပွဲ အဆုံးသတ်ဖို့အတွက် နှစ်ဘက်စလုံး အဆင်ပြေ ကောင်းမွန်စေမှာမျိုးကို လုပ်ပေးနိုင်မှာ ဖြစ်ကြောင်း ပြောကြားခဲ့ပါတယ်။
နယူးရောက် ကုလသမဂ္ဂရုံးချုပ်မှာကျင်းပတဲ့ အထွေထွေညီလာခံမှာ သောကြာနေ့က အစ္စရေးဝန်ကြီးချုပ် Benjamin Natanyahu မိန့်ခွန်းပြောရာမှာ၊ သူ့နိုင်ငံကို အောက်တိုဘာ ၇ ရက်မှာ တိုက်ခိုက်ခဲ့တဲ့ အကြမ်းဖက်သမားတွေနဲ့ အီရန်က သူ့တို့ကို ထောက်ခံသူတွေပေါ် ဆင်နွဲနေတဲ့ တိုက်ပွဲမှာ အစ္စရေးက အနိုင်ရနေကြောင်း ပြောပါတယ်။
Hamas ကသာ လက်နက်ချလိုက်မယ်ဆိုရင် ဂါဇာစစ်ပွဲ ချက်ချင်းရပ်သွားမှာဖြစ်တယ်လို့ အစ္စရေးဝန်ကြီးချုပ်က ပြောလိုက်ပါတယ်။ လက်နက် မချရင်တော့ Hamas အဖွဲ့ လုံးဝ မရှိတော့တဲ့အထိ ချေမှုန်းသွားမယ်လို့ ကုလသမဂ္ဂအထွေထွေညီလာခံမှာ ဝန်ကြီးချုပ် Benjamin Netanyahu က အခုအသံမလွှင့်ခင်မှာပဲ မိန့်ခွန်းပြောကြားခဲ့တာပါ။
မြန်မာနိုင်ငံ အပါအဝင် ကမ္ဘာ့နိုင်ငံ အတော်များများမှာ လက်နက်ကိုင် ပဋိပက္ခတွေ ပိုမို ဆိုးရွားလာနေပြီး လူသားဘေးဒုက္ခ အကျပ်အတည်းတွေဟာ ဘယ်တုန်းကမှနဲ့ မတူအောင် ပိုမို ဆိုးရွား ပြင်းထန်လာနေတယ်လို့ (ယူကေ) ဗြိတိန်ဝန်ကြီးချုပ် Keir Starmer က ကုလသမဂ္ဂမိန့်ခွန်းထဲမှာ ထည့်ပြောသွားပါတယ်။
ဂျပန်နိုင်ငံမှာ ကာကွယ်ရေး ဝန်ကြီးချုပ်ဟောင်း Shigeru Ishiba ဟာ ဒီကနေ့ပဲ ဝန်ကြီးချုပ်သစ်အဖြစ် တာဝန် စတင် ထမ်းဆောင်ပါတယ်။ လက်ရှိအာဏာရ လစ်ဘရယ် ဒီမိုကရက်တစ်ပါတီ ခေါင်းဆောင် ဖြစ်ဖို့ ငါးကြိမ်မြောက် အကြိတ်အနယ် ယှဥ်ပြိုင်ကြတဲ့ နောက်ဆုံး ရွေးကောက်ပွဲမှာ သူ အနိုင်ရပြီးတဲ့နောက် ဝန်ကြီးချုပ်သစ် ဖြစ်လာတာပါ။
လက်နက်ကိုင်လမ်းစဉ်ကို စွန့်ပြီး နိုင်ငံရေးနည်းနဲ့ အဖြေရှာဖို့ စစ်ကောင်စီရဲ့ ကမ်းလှမ်းချက်ဟာ ယုံကြည်စိတ်ချလို့ မရတဲ့အကြောင်းနဲ့ လက်ခံဖို့ မရှိတဲ့အကြောင်း အမျိုးသားညီညွတ်ရေးအစိုးရ NUG က တုံ့ပြန်ပါတယ်။
အမေရိကန်ပြည်ထောင်စု Florida ပြည်နယ်ကို ကြာသပတေးနေ့ညပိုင်းက ဝင်ရောက်တိုက်ခတ်ခဲ့တဲ့ အင်အားပြင်း Helene ဟာရီကိန်းမုန်တိုင်းဟာ ဒီနေ့သောကြာနေ့မှာ မုတ်သုန်မုန်တိုင်းအဖြစ် အားလျော့သွားပေမဲ့ အန္တရာယ်ရှိနေဆဲဖြစ်တယ်လို့ တာဝန်ရှိသူတွေ သတိပေးထားပါတယ်။
ကယားပြည်နယ် ကရင်နီဒေသမှာ ရေကြီးမှုကြောင့် သေဆုံးသူ ၃၀ ထက် မနည်းရှိနေပါပြီ။ ဗိုးဗြဲရေကာတာက လွှတ်လိုက်တဲ့ရေတွေကြောင့် ဘီလူးချောင်းတဝိုက် မြို့နယ်တွေမှာ ဆက်လက် ရေလွှမ်းနေပါတယ်။
ကိုးကန့်တပ် MNDAA ထိန်းချုပ်ထားတဲ့ လာရှိုးမြို့ထဲက မြို့မဈေးနဲ့ ရပ်ကွက် ၁ ကျောက်တောင်ဘက်ကို စစ်တပ်က ဝေဟင်ကနေ ဗုံးကြဲခဲ့လို့ ၂ ယောက်သေဆုံးပြီး ၄ ယောက်ထက် မနည်း ထိခိုက်ဒဏ်ရာရခဲ့ပါတယ်။
ကင်ညာ တောရိုင်းတိရိစ္ဆာန် ထိန်းသိမ်းစောင့်ရှောက်ရေး KWS အဖွဲ့ဟာ ခိုးပြီး အမဲလိုက်လေ့ရှိတဲ့ မုဆိုးတွေကို ထိန်းသိမ်းစောင့်ရှောက်ရေး လုပ်ငန်းတွေမှာ ပြန်အသုံးပြုနေပါတယ်။ ဒီစီမံကိန်းကြောင့် ခိုးဝင်သတ်ဖြတ်မှုတွေ သိသိသာသာ လျော့ကျသွားတယ်လို့ KSW တာဝန်ခံတွေက ပြောပါတယ်။
ရုရှားနိုင်ငံမှာ လုံခြုံရေးအကူ အလုပ်တခုရမယ်ဆိုပြီး လိမ်လည်လှည့်ဖျားခံရကာ၊ ယူကရိန်းနဲ့တိုက်နေတဲ့ စစ်ပွဲမှာ ရုရှားတပ်သားအဖြစ် စုဆောင်းခံရတဲ့ အိန္ဒိယနိုင်ငံသားတွေထဲက လူငယ်တဦးဟာ အစိုးရရဲ့ကြားဝင်ကူညီပေးမှုကြောင့် မကြာသေးခင်က အိန္ဒိယကို ပြန်ရောက်လာပါတယ်။
သစ်သီးဝိုင်ထုတ်လုပ်ရေးမှာ အနောက်နိုင်ငံတွေဟာ ရှေ့တန်းမှာ ရောက်နေပြီး အစဥ်အလာအားဖြင့် လုပ်ငန်းစဥ်တရပ်လုံးကို အမျိုးသားတွေကပဲ အဓိကလုပ်ဆောင်ကြတာများပါတယ် ။ ဒါပေမယ့်လည်း သစ်သီးဝိုင် ထုတ်လုပ်ရေး အခုမှ စတင်ဖွံဖြိုးလာတဲ့ တရုတ်နိုင်ငံမှာတော့ အမျိုးသမီးတွေကသာ လုပ်ငန်းစဥ်တခုလုံးကို ဦးဆောင်ပါ၀င်နေကြပါတယ်။
သံဖြူဇရပ်မြို့အခြေစိုက် လူမှုကူညီရေး အသင်းဝင် ၁၁ ယောက်ကို PDF တွေနဲ့ ပတ်သက်မှု ရှိတယ်လို့ စွပ်စွဲပြီး စစ်ကောင်စီက ဖမ်းဆီးထားပါတယ်။ မွန်တော်လှန်ရေး အဖွဲ့အစည်းတွေ အားလုံးပါဝင်တဲ့ မွန်ပြည်အစိုးရတရပ် အမြန်ဆုံး ဖွဲ့စည်းဖော်ဆောင်ဖို့ မွန်လူငယ်အဖွဲ့တွေကြား ဘုံသဘောတူညီချက် ရရှိခဲ့တဲ့အကြောင်း တင်ဆက်ထားပါတယ်။
တရုတ်က ဗုဒ္ဓဟူးနေ့မှာ ပစိဖိတ်သမုဒ္ဒရာထဲ တိုက်ချင်းပစ် ပဲ့ထိန်းတပ်ဒုံးကျည်တစင်း စမ်းသပ်ပစ်လွှတ်ခဲ့ပြီး ဒီရှားရှားပါးပါးလုပ်ရပ်ဟာ တရုတ်နဲ့ အမေရိကန်တို့ သြဇာလွှမ်းဖို့ ကြိုးစားနေတဲ့ ပစိဖိတ်ဒေသတွင်း ပိုင်နက်အငြင်းပွါးနေကြတဲ့ နိုင်ငံအတော်များများကြား တင်းမာမှု တိုးလာစေပါတယ်။
နယူးရောက် ကုလသမဂ္ဂရုံးချုပ်မှာကျင်းပနေတဲ့ အထွေထွေညီလာခံမှာ ကြာသပတေးနေ့က ပါလက်စတိုင်း သမ္မတ Mahmoud Abbas က ဂါဇာနဲ့ အနောက်ဘက်ကမ်းဒေသတလွှား သွေးမြေကျဖြစ်ရပ်တွေ အဆုံးသတ်စေဖို့အတွက် အထူးသဖြင့် အမေရိကန်က အစ္စရေးကို လက်နက်တွေပေးတာ ရပ်ဆိုင်းဖို့ တောင်းဆိုလိုက်ပါတယ်။
သမ္မတဂျိုးဘိုင်ဒန်ဟာ ယူကရိန်းသမ္မတ Volodymyr Zelenskyy ကို ကြာသပတေးနေ့မှာ သမ္မတအိမ်ဖြူမှာ လက်ခံတွေ့ဆုံပါတယ်။ ယူကရိန်းသမ္မတဟာ ရွေးကောက်ပွဲကို ဝင်နှောက်သူလို့ ရီပတ်ဘလစ်ကင်တွေကစွပ်စွဲနေချိန်မှာပဲ သူက ရုရှားကျူးကျော်စစ် အောင်နိုင်ရေးဆိုင်ရာ သူ့အစီစဉ်တွေကို သမ္မတဘိုင်ဒန်နဲ့ တွေ့ဆုံ ဆွေးနွေးမှာ ဖြစ်ပါတယ်။
အစ္စရေးနိုင်ငံမြောက်ပိုင်းကဒေသခံတွေ စိတ်ချလက်ချ နေအိမ်တွေဆီ ပြန်သွားနိုင်တဲ့အချိန်အထိ လက်ဘနွန်က ဟက်ဇ်ဘိုလာတွေကို အင်အားအပြည့်နဲ့ ဆက်လက်တိုက်ခိုက်ဖို့ အစ္စရေးကစီစဉ်နေတယ်လို့ ကုလအထွေထွေညီလာခံကိုတက်ရောက်လာတဲ့ ဝန်ကြီးချုပ် Benjamin Netanyahu က နယူးယောက်မြို့မှာ သတင်းထောက်တွေကို ကြာသပတေးနေ့မှာ ပြောပါတယ်။
"ကမ်းပါးက ပြိုပြီးမှ ဆွဲထားတဲ့ ပြည်သူတွေက ဆွဲထားတဲ့လက်ကို ပြုတ်သွားတာပေါ့နော်။ ပြုတ်သွားတော့ ထပ်ဆွဲတော့ အမျိုးသားတယောက်ပါ ပါသွားတယ်။ အဲ့အမျိုးသားကတော့ ကြိုးပစ်ပေးတာနဲ့ အဲ့ကြိုးကိုဆွဲပြီး ပြန်တက်လာနိုင်တယ်။ အဲ့သားအမိကိုတော့ လုံးဝကို မကယ်လိုက်နိုင်တော့တာ။" (ကျောက်ထုရေဘေးကယ်ဆယ်ရေး)
တရုတ်ဘာသာနဲ့ထုတ်ဝေတဲ့ Stand News သတင်းဌာနက အယ်ဒီတာချုပ်ဟောင်း Chung Pui-kuen ကို ထောင်ဒဏ် ၂၁ လ ချမှတ်လိုက်ပြီး ယာယီ အယ်ဒီတာချုပ် Patrick Lam ကတော့ လျှော့ရက်နဲ့ အကျဥ်းထောင်ထဲ ထိန်းသိမ်းခံထားရတဲ့ ရက်တွေကြောင့် ထောင်ထဲမှာ ပြစ်ဒဏ် ဆက်ခံစရာ မလိုတော့ပါဘူး။
နောက်ထပ်ကြည့်ရှုရန်
