မြန်မာရွှေ့ပြောင်းလုပ်သားတယောက်ကို ထိုင်း မြန်မာနယ်စပ်မှာ စစ်သားနဲ့နယ်ခြားစောင့်တပ်ဖွဲ့ဝင် ၃ ယောက်က အခုနှစ်ဆန်းက ညှဉ်းပမ်းရိုက်သတ်ခဲ့မှုအပေါ် ထိုင်းအစိုးရအနေနဲ့ အပြည့်အဝ စုံစမ်းပေးဖို့ Fortify Rights လူ့အခွင့်အရေးအဖွဲ့က တောင်းဆိုလိုက်ပါတယ်။
အမေရိကန်ပြည်ထောင်စု ရွေးကောက်ပွဲမှာ အနိုင်ရပြီးတဲ့အချိန်ကနေ ဇန်နဝါရီမှာ သမ္မတအဖြစ် တရားဝင်ကျမ်းသစ္စာကျိန်ဆိုတဲ့အချိန်အထိ ရွေးကောက်ခံသမ္မတနဲ့ သူ့အဖွဲ့က ဘာတွေပြင်ဆင်ရပါလဲ၊ လက်ရှိသမ္မတနဲ့ အစိုးရအဖွဲ့က ဘယ်လိုပူးပေါင်းဆောင်ရွက်ပေးနေရလဲဆိုတာတွေကို ဗွီအိုအေပုံပြရုပ်သံမှာ ကိုဝင်းခန့်မောင် တင်ပြထားပါတယ်။
ပြည်ပကို နှစ်နိုင်ငံသဘောတူညီမှု အလုပ်သမားစာချုပ် ဒါမှမဟုတ် MoU စနစ်အောက်ကသွားတဲ့ အလုပ်သမားတွေအနေနဲ့ စစ်မှုထမ်းဖို့ လိုအပ်တယ်ဆိုရင် စာချုပ်သက်တမ်းပြည့်တာနဲ့ နေရပ်ပြန်လာပြီး စစ်မှုထမ်းရမယ်ဆိုတဲ့ သဘောတူညီမှုကို အလုပ်သမားစာချုပ်မှာ အသစ်ထပ်မံ ဖြည့်စွက်လိုက်ပါတယ်။
ဒီကနေ့ ကျရောက်တဲ့ တန်ဆောင်မုန်းလပြည့်နေ့ ဗုဒ္ဓဘာသာဝင်တို့ရဲ့ အထွတ်အမြတ်ထားရာ နေ့ထူးနေ့မြတ်ဖြစ်တဲ့ သာမညဖလ အခါတော်နေ့မှာ မြန်မာနိုင်ငံတဝန်းက ဘုရားစေတီပုထိုးတွေမှာ ဘုရားဖူးပြည်သူတွေနဲ့ စည်ကားနေသလို တန်ဆောင်တိုင်ပွဲတော်ကို ရန်ကုန်၊ မန္တလေး ရှမ်းပြည်နယ် တောင်ကြီးအပါအဝင် နေရာတချို့မှာ ကျင်းပကြပါတယ်။
ဆီးရီးယား မြို့တော် ဒမတ်စကပ် အနောက်ပိုင်းနဲ့ ဆင်ခြေဖုံးဒေသတွေမှာ ကြာသပတေးနေ့က အစ္စရေးရဲ့ လေကြောင်း တိုက်ခိုက်မှုကြောင့် သေဆုံးသူ အနည်းဆုံး ၁၅ ယောက်ရှိသလို ဒဏ်ရာရသူက ၁၆ ယောက်လောက် ရှိတယ်လို့ ဆီးရီးယား အစိုးရ သတင်းဌာန SANA က ပြောပါတယ်။
Facebook ဟာ သူ့ရဲ့ အွန်လိုင်းဈေးကွက် အကျိုးအမြတ် ရစေမယ့် အလွဲသုံးစားမှုတွေ လုပ်ခဲ့တယ်လို့ ဆိုပြီး ပင်မ ကုမ္ပဏီဖြစ်တဲ့ Meta ကို ဒေါ်လာ သန်း ၈၄၀ ကျော် ကြာသပတေးနေ့က ဒဏ်ခတ်လိုက်တဲ့အကြောင်း ဥရောပကျော်မရှင်က ထုတ်ပြန်ပါတယ်။
အမေရိကန်နိုင်ငံမှာ အရွေးကောက်ခံ သမ္မတ ဒေါ်နယ်ထရမ့် အိမ်ဖြူတော်မှာ တာဝန်ထမ်းဆောင်ဖို့ သီတင်းပတ်အနည်းငယ်ပဲ လိုတော့တဲ့ အချိန်မှာ IAEA အပြည်ပြည်ဆိုင်ရာ အနုမြူစွမ်းအင်အေဂျင်စီ အကြီးအကဲ Rafael Grossi ဟာ တဟီရန်မှာ အီရန်နိုင်ငံခြားရေးဝန်ကြီး နဲ့ အီရန် နျူကလီယားအရေးဆွေးနွေးဖို့ ကြာသပတေးနေ့မှာတွေ့ဆုံခဲ့ပါတယ်။
စစ်ကိုင်းတိုင်း ပုလဲမြို့ကို နိုဝင်ဘာ ၁၀ ရက် မနက်ပိုင်းကစလို့ ကာကွယ်ရေးတပ်ဖွဲ့တွေ တိုက်ခိုက်နေတာဖြစ်ပြီး ၄ ရက် မြောက်နေ့ဖြစ်တဲ့ ကြာသပတေးနေ့မှာတော့ စစ်ကောင်စီတပ်တွေက လေကြောင်းက တိုက်ခိုက်သလို၊ အနောက်မြောက်တိုင်း စစ်ဌာနချုပ်က စစ်အင်အား ထပ်ဖြည့်တင်းခဲ့ပြီး အခုအချိန်မှာတော့ မြို့ကို ထိန်းချုပ်ထားပါတယ်။
ဂါဇာကမ်းမြောင်ဒေသနဲ့ လက်ဘနွန်နိုင်ငံအပေါ် အစ္စရေးဆက်လက်စစ်ဆင်နေချိန်မှာပဲ ဂါဇာမှာ အစ္စရေးစစ်တပ်က စစ်ရာဇဝတ်မှု၊ လူသားထုအပေါ် ကျူးလွန်တဲ့အမှုတွေ ချိုးဖောက်နေတယ်လို့ Human Rights Watch အဖွဲ့ကြီးက စွပ်စွဲလိုက်ပါတယ်။
ရန်ကုန်အင်းစိန် အကျဥ်းထောင်မှာ ထိန်းသိမ်းခံထားရတဲ့ ဓာတ်ပုံသတင်းထောက် ကျော်စွာထွန်းဟာ လွတ်ရက်စေ့ပြီဖြစ်တဲ့အတွက် ဒီကနေ့ လွတ်မြောက်လာခဲ့ပါတယ်။ စစ်ကောင်စီက သူ့ကို ပုဒ်မ ၅၀၅ (က) နိုင်ငံတော်အကြည်ညိုပျက်စေမှုနဲ့ ဖမ်းဆီးပြီး ၂၀၂၃ ခုနှစ် ဇန်နဝါရီလက ထောင်ဒဏ်သုံးနှစ် ချမှတ်ခဲ့ပါတယ်။
ရခိုင်ပြည်နယ်မှာဖြစ်နေတဲ့ တိုက်ပွဲတွေကြောင့် ရိုဟင်ဂျာပြဿနာထပ်ပြီး ရှည်ကြာနေတာနဲ့ ပတ်သက်လို့ မြန်မာနိုင်ငံဆိုင်ရာ ပြင်သစ်သံအမတ်ကြီး Christian Lechervy နဲ့ ဘင်္ဂလားဒေ့ရှ် နိုင်ငံခြားရေးဝန်ကြီး Jashim Uddin တို့ အင်္ဂါနေ့က ဆွေးနွေးခဲ့ကြပါတယ်။
ချင်းကာကွယ်ရေးတပ်တွေ စုပေါင်းထားတဲ့ ချင်းညီနောင်စစ်ဆင်ရေး စတင်နေတဲ့ ချင်းပြည်နယ် မင်းတပ်နဲ့ ဖလမ်းမြို့တွေမှာ စစ်ကောင်စီနဲ့ ချင်းညီနောင်အဖွဲ့ ကြား တိုက်ပွဲပိုပြီးပြင်းထန်လာနေတာ ၆ ရက်ရှိလာပါပြီ။ ဒီကနေ့မှာလည်း လေကြောင်းကနေ ဗုံးကြဲတိုက်ခိုက်တာနဲ့ နေအိမ်မီးလောင်တာတွေ ရှိနေတယ်လို့ ဒေသခံတွေက ပြောပါတယ်။
အမေရိကန်အောက်လွှတ်တော်မှာ ရီပတ်ဘလစ်ကန်ပါတီ လွှတ်တော်အမတ် နေရာ ၂၁၈ နေရာ အနိုင်ရလိုက်ပြီဖြစ်တဲ့အတွက် အထက်လွှတ်တော်ရော၊ အောက်လွှတ်တော်ပါ ရွေးကောက်ခံသမ္မတ Donald Trump ရဲ့ ရီပတ်ဘလစ်ကန်ပါတီက ထိန်းချုပ်လိုက်ပြီ ဖြစ်ပါတယ်။
ရခိုင်ပြည်နယ်မှာ ရိုဟင်ဂျာမွတ်ဆလင်တွေ လွန်ခဲ့တဲ့ ၇ နှစ်က ကြုံခဲ့ရတဲ့ လူမျိုးတုံးသတ်ဖြတ်မှုမျိုး အခုထက်ထိ ကြုံရနိုင်တဲ့အခြေအနေရှိနေဆဲဖြစ်တယ်လို့ လူမျိုးတုံးသတ်ဖြတ်မှု ကာကွယ်ရေးဆိုင်ရာ ကုလသမဂ္ဂအထူးအကြံပေးက ပြောကြားလိုက်ပါတယ်။
ပီရူးနိုင်ငံ Lima မြို့တော်မှာ နက်ဖြန်သောကြာနဲ့ စနေနေ့မှာကျင်းပမယ့် အာရှ-ပစိဖိတ် စီးပွားရေး ပူးပေါင်းဆောင်ရွက်ရေး APEC ညီလာခံဘေးပန်းမှာ အမေရိကန်နဲ့တရုတ်သမ္မတတို့ စနေနေ့ကျရင် တွေ့ဆုံမှာဖြစ်တယ်လို့ အမျိုးသားလုံခြုံရေးအကြံပေး Jake Sullivan ကပြောပါတယ်။
အိုးဘိုထောင်မှာအကျဉ်းကျခံနေရတဲ့ (NLD) အစိုးရလက်ထက် ဗဟိုဘဏ်ဒုဥက္ကဋ္ဌ ဦးဘိုဘိုငယ်ဟာ အစာအိမ်ရောဂါ အပြင်းအထန်ခံစားနေရလို့ ပြီးခဲ့တဲ့ရက်ပိုင်းက ထောင်ပြင်ပထွက်ပြီး ဆေးကုသမှုခံယူခဲ့ရသလို အိုးဘိုထောင်မှာပဲ အကျဉ်းကျခံနေရတဲ့ NLD မန္တလေးတိုင်း လျှပ်စစ်ဝန်ကြီး ဦးဇာနည်အောင်လည်း ကင်ဆာဝေဒနာခံစားနေရပါတယ်။
စစ်ရေးတင်းမာနေတဲ့ ရှမ်းပြည်နယ်မြောက်ပိုင်းကို အဓိက ကုန်စည်တင်ပို့နေတဲ့ လမ်းကြောင်းတွေကို ဒီလ ၁၂ ရက်နေ့က စတင်ပြီး စစ်ကောင်စီဘက်ကပိတ်လိုက်သလို ဒီလ ၁၃ ရက်နေ့မှာလည်း လားရှိုး- မိုင်းရယ်လမ်းကိုလည်း ထပ်ပိတ်လိုက်ပါတယ်။
ကချင်ပြည်နယ်မှာ အပစ်အခတ်တွေရပ်ပြီး အခုသီတင်းပတ်ထဲမှာ မြေရှားသတ္တုကို ပြန်ပြီး တင်သွင်း လို့ရအောင် မြန်မာဘက်က လက်နက်ကိုင်အစုအဖွဲ့တွေနဲ့ တရုတ်ကညှိနှိုင်းနေတယ်လို့ တရုတ်အွန်လိုင်း သတင်းဆောင်းပါးတချို့မှာ ရေးသားထားပါတယ်။ တရုတ်က တနှစ်ကို မြေရှားသတ္တုတန်ချိန် ၄၀,၀၀၀ နီးပါး မြန်မာဆီကနေရနေတာ ဖြစ်ပါတယ်။
ရှမ်းပြည်တောင်ပိုင်း ဖယ်ခုံမြို့နယ် ပူချယ်ကျေးရွာကနေ ကောက်ရိတ်ပြီး ပြန်လာတဲ့ အရပ်သား အယောက် ၂၀၀ ထဲက ကျပ်ငွေ သုံးသောင်းပေးကြတဲ့ အယောက် ၆၀ ကျော်ကို ပြန်လွှတ်လိုက်ပြီး ကျန်တဲ့သူတွေကို စစ်ကောင်စီက ထိန်းသိမ်းထားဆဲပဲလို့ ကရင်နီအမျိုးသားများကာကွယ်ရေးတပ် (KNDF) က ဗွီအိုအေကို ပြောပါတယ်။
အာရက္ခတပ်တော်A A ထိုးစစ်ဆင်တိုက်ခိုက်နေတဲ့ အနောက်ပိုင်းတိုင်းစစ်ဌာနချုပ် တည်ရှိရာ အမ်းမြို့နယ်က စစ်ကောင်စီတပ်စခန်း ၈ခုကိုသိမ်းပိုက်ထားနိုင်ပြီလို့ AA ဘက်က ရခိုင်တကျော့ပြန်စစ်စတင်ခဲ့တဲ့ အာရက္ခ နှင့် ပလက်ဝဒေသစစ်ဆင်ရေး (၁) နှစ်ပြည့်နေ့မှာ သတင်းထုတ်ပြန်လိုက်ပါတယ်။
နောက်ထပ်ကြည့်ရှုရန်
