ဇွန်လ၂၁ရက်နေ့က ကစားခဲ့ကြတဲ့ ကမ္ဘာ့ဖလားအုပ်စုပွဲစဉ်တွေထဲမှာ အုပ်စု C က ဒိန်းမတ်နဲ့ သြစတေးလျှ ၁ဂိုးစီ သရေကျ ခဲ့ပါတယ်။ ဒိန်းမတ်က ဂိုးအရင်စသွင်းခဲ့တာပါ နောက်ပိုင်းမှာ ဂိုးဧရီယာအတွင်း ဒိန်းမတ်ကစားသမားရဲ့လက်နဲ့ထိခဲ့လို့ ပင်နလ်တီရပြီး သြစတေးလျှက ချေပဂိုးနဲ့ သရေဖြစ်ခဲ့တာပါ။ ပြင်သစ်နဲ့ပီရူးပွဲမှာတော့ ပြင်သစ်က ပီရူးကို ၁ဂိုး ဂိုးမရှိနဲ့ အနိုင်ရခဲ့ပါတယ်။
မနေ့ကနောက်ဆုံးကစားခဲ့တဲ့ အုပ်စု D က အာဂျင်တီးနားနဲ့ ခရိုအေးရှားပွဲကတော့ အထူးခြားဆုံးလို့ ဆိုရမှာပါ။ ကမ္ဘာ့ဖလားကို ၂ကြိမ်ပိုင်ခဲ့ဖူးတဲ့ ကမ္ဘာကျော်အာဂျင်တီးနားဟာ ခရိုအေးရှားအသင်းကို ၃ဂိုး ဂိုးမရှိနဲ့အရှုံးပေး ခဲ့ရပါတယ်။ လူကြိုက်များတဲ့ အာဂျင်တီးနားဘောလုံးသမား မက်ဆီ ဒီတပွဲမှာလည်းခြေစွမ်းမပြနိုင်ခဲ့ပါဘူး။
မနက်ဖြန်ဇွန် ၂၂ ရက်မှာ ကစားကြမယ့်ပွဲတွေကတော့ အုပ်စုE က ဘရာဇီးလ်နဲ့ ကော်စတာရီကာ၊ အုပ်စု Dက နိုက်ဂျီးရီးယားနဲ့ အိုက်စလန် အုပ်စု Eက ဆားဘီးယားနဲ့ ဆွစ်ဇာလန်အသင်းတို့ဖြစ်ကြပါတယ်။ ကမ္ဘာကျော် ဘရာဇီးအသင်းလည်း ပထမပွဲတုန်းက ဆွစ်ဇာလန်ကို အနိုင် မကန်နိုင်ခဲ့ပါဘူး။ ၁ဂိုးစီသရေကျခဲ့ပါတယ်။ မနက်ဖြန် ဘရာဇီးအခြေအနေ ဘယ်လိုလဲ အာဂျင်တီး နားလို နာမည်ကြီးထမင်းငတ်ဖြစ်နေမလားဆိုတာကို စောင့်ကြည့်ရပါလိမ့်မယ်။
Your browser doesn’t support HTML5
မက်စီခြေမပေါ်တဲ့ အာဂျင်တီးနားကို ခရိုအေးရှား ၃ ဂိုးပြတ်နိုင်