ပုပ်ရဟန်းမင်းကြီးဟာ တိုင်းပြည်အသီးသီးက ကလေး ၇,၀၀၀ နဲ့ ဗာတီကန်မှာ တနင်္လာနေ့က တွေ့ဆုံခဲ့ပြီး ဂါဇာ စစ်ဒဏ်သင့်ခံရသူတွေအတွက် အသံတိတ် ဝမ်းနည်းကြောင်း ပြသခဲ့ကြပါတယ်။
ပုပ်ရဟန်းမင်းကြီးဟာ ကလေးတွေနဲ့ တွေ့ဆုံနှုတ်ဆက်ခဲ့ပြီး ကလေးတွေမေးမြန်းတာကို ဖြေကြားခဲ့ပါတယ်။ အသက် ၁၂ အရွယ်ရှိ ပါလက်စတိုင်းဖွါး ရာနီးယား (Rania) က ‘တတိယကမ္ဘာစစ်ဖြစ်ခဲ့ရင် ငြိမ်းချမ်းရေး ဘယ်တော့မှ ပြန်မလာတော့ဘူးလား’ လို့ ပုပ်ရဟန်းမင်းကြီးကို မေးတဲ့အခါ ခုလို ပြန်ဖြေခဲ့ပါတယ်။
“စစ်သာဖြစ်ခဲ့ရင် ... တဲ့လား။ စစ်က တကမ္ဘာလုံးမှာ ဖြစ်နေတယ်လေ။ ပါလက်စတိုင်းတင် မကဘူး။ တောင်အာဖရိက၊ ကွန်ဂို၊ မြန်မာ .. ကမ္ဘာ့နေရာတိုင်းလိုမှာ” လို့ ပုပ်ရဟန်းမင်းကြီး က ပြောပါတယ်။
“စစ်ပွဲအတွင်း ကလေးတွေသေရတာ အကျည်းတန်လှတယ်။ တရားမျှတမှု မရှိဘူး” လို့ ပြောပြီး စစ်ဒဏ်ခံလိုက်ကြရတဲ့သူတွေအတွက် ဝမ်းနည်းဖွယ် ဆိတ်ဆိတ်နေခဲ့ကြတာပါ။ ပုပ်ရဟန်းမင်းကြီးဟာ ဥရောပက ရဟူဒီ တရားဟောဆရာတွေနဲ့လည်းတွေ့ခဲ့ပြီး ဂျူးဆန့်ကျင်ရေး၊ စစ်နဲ့ အကြမ်းဖက်ဝါဒတွေကို ရေးသားထားတဲ့ မိန့်ခွန်းမှာ ရှုတ်ချခဲ့ပါတယ်။ ဒါပေမဲ့ နေမကောင်းတာကြောင့်-လို့ ဆိုပြီး အဲဒီ မိန့်ခွန်းကို မဖတ်ဖြစ်ခဲ့ပါဘူး။ “ပရိသတ်နဲ့ တနေ့လုံး တွေ့ခဲ့ပြီး နည်းနည်းအအေးမိသွားတာကြောင့် လို့ ဗာတီကန် ပြောရေးဆိုခွင့်ရှိသူ မက်တီအို ဘရွန်နီ (Matteo Bruni) က ပြောပါတယ်။
Your browser doesn’t support HTML5
ဂါဇာစစ်ဘေးသင့်သူတွေအတွက် ဝမ်းနည်းမှု ပုပ်ရဟန်းမင်းပြသ