အမေရိကန်အနေနဲ့ မဟာမိတ်နိုင်ငံတွေနဲ့ ကုန်သွယ်ရေးမှာ မညီမျှမမျှဖြစ်နေတဲ့ သဘောတူညီချက်တွေကို ကနေဒါနိုင်ငံ Quebec မြို့မှာကျင်းပနေတဲ့ G-7 ထိပ်သီးဆွေးနွေးပွဲမှာ ကိုင်တွယ်ဖြေရှင်းနိုင်ဖို့ မျှော်လင့်တယ်လို့ သမ္မတ Donald Trump က ပြောဆိုလိုက်ပါတယ်။
သဘောတူညီချက် မရဘူးဆိုရင်လည်း အမေရိကန်အတွက် ပိုတောင် ကောင်းနိုင်ပါတယ် ဆိပြီးတော့လည်း ထိပ်သီးဆွေးနွေးပွဲအတွက် အိမ်ဖြူတော်ကနေ မထွက်ခွာခင် သူ့ရဲ့တွီတာလူမှုကွန်ရက်မှာ ရေးသားခဲ့ပါတယ်။ ကနေဒါ၊ ဥရောပသမဂ္ဂနဲ့ မက္ကဆီကိုနိုင်ငံတွေကနေ အမေရိကန်ပြည်ထောင်စုထဲတင်သွင်းတဲ့ သံမဏိနဲ့ အလူမီနီယံသတ္တုတွေအပေါ် Trump က အခွန်စည်းကျပ်ခဲ့တဲ့ ကိစ္စနဲ့ပတ်သက်လို့ အမေရိကန်ရဲ့ အရင်းနှီးဆုံး မဟာမိတ်တွေကတော့ Trump နဲ့ ထိပ်တိုက် ရင်ဆိုင်ဖို့ ပြင်ဆင်ကြတာဖြစ်ပါတယ်။
Trump အနေနဲ့ ပြင်သစ်သမ္မတ Emmanuel Macron နဲ့ အရင်ဆုံးတွေ့ဆုံပြီး အဲဒီနောက် G-7 စက်မှု အင်အားကြီး နိုင်ငံတွေက ခေါင်းဆောင်တွေနဲ့ ဆွေးနွေးပွဲကို တက်ရောက်မှာ ဖြစ်သလို ကနေဒါသမ္မတ Justin Trudeau နဲ့လည်း သီးသန့် တွေ့ဆုံမှာပါ။ ထိပ်သီးဆွေးနွေးပွဲမတိုင်ခင် တရက်မှာတော့ Trump က - ကနေဒါဝန်ကြီးချုပ် Trudeau ကို ဝေဖန်ထိုးနှက်ခဲ့သလို အိမ်ဖြူတော်ကလည်း အခု ထိပ်သီးဆွေးနွေးပွဲအတွင်း တချို့ ဆွေးနွေးပွဲတွေကို သမ္မတ Trump တက်ရောက်မှာ မဟုတ်ဘူးလို့ ကြေညာခဲ့ပါတယ်။
Your browser doesn’t support HTML5
ကုန်သွယ်ရေးအငြင်းပွားမှုတွေ G-7 ညီလာခံမှာ ဖြေရှင်းနိုင်ဖို့ သမ္မတ Trump မျှော်လင့်