SpaceX အာကာသ စူးစမ်းရေး ဆိုင်ရာ ပုဂ္ဂလိက ကုမ္ပဏီက ကမ္ဘာနဲ့ အင်္ဂါဂြိုဟ် ပတ်လမ်းထဲကို လွှတ်တင်မယ့် သူ့ရဲ့ အကြီးဆုံး Falcon Heavy ဒုံးပျံထဲမှာ ချယ်ရီနီရောင် Tesla Roadster ကားကို ထည့်သွင်းပြီး အင်္ဂါနေ့မှာ ပစ်လွှတ်ခဲ့ပါတယ်။
ဒီဒုံးပျံကို ဖလော်ရီဒါပြည်နယ် Kennedy အာကာသလေ့လာရေးစခန်းကနေ ၁၉၆၉ ခုနှစ်တုန်းက NASA က လွှတ်တင်တဲ့ ပထမဆုံး လူသားလိုက်ပါတဲ့ လသွားယာဉ် Apollo 11 ကို လွှတ်တင်တဲ့ နေရာကနေ လွှတ်တင်ခဲ့တာ ဖြစ်ပါတယ်။
အလေးချိန် ကီလိုဂရမ် ၂ သန်းကျော်ကို သယ်ဆောင်ပြီး အာကာသထဲ ပစ်လွှတ်နိုင်ဖို့ ဒီဒုံးပျံမှာ အရှိန်မြှင့်စက် ၃ လုံးနဲ့ အင်ဂျင် ၂၇ လုံး တပ်ဆင်ထားပါတယ်။ ဒီဒုံးပျံ လမ်းမှာ တစုံတရာ မဖြစ်ရင် ဒါဟာ ဒုံးပျံတွေထဲမှာ အကောင်းဆုံးဖြစ်လာဖို့ရှိသလို လ ကို အာကာသ ယာဉ်မှုးတွေ တင်ဆောင်တဲ့ NASA ရဲ့ Saturn 5 ထက် သာသွားမှာ ဖြစ်ပါတယ်။
Falcon Heavy ကို လ ဒါမှမဟုတ် အင်္ဂါဂြိုဟ်ကို လူသားတွေ တင်လွှတ်ဖို့ စပြီးပုံစံထုတ်ခဲ့တာ ဖြစ်ပေမယ့် အခုတော့ နက်ရှိုင်းတဲ့ အာကာသ ဟင်းလင်းပြင်ထဲ စူးစမ်းရေးပစ္စည်းတွေ တင်လွှတ်မယ့် ယာဉ်အဖြစ်သုံးဖို့ စဉ်းစားနေပြီလို့ Tesla ကားတွေ ထုတ်လုပ်နေသူ SpaceX ကုမ္ပဏီက အမှုဆောင် အရာရှိချုပ် Elon Musk က ပြောပါတယ်။
မဆုံးနိုင်တဲ့ အာကာသထဲ ကားမောင်းပြီး သွားကြည့်ချင်သလို လာမယ့် နှစ်သန်းပေါင်း အတော်ကြာမှာ ဂြိုဟ်သားတွေနဲ့ တွေ့ဖို့ စိတ်ကူးရတာကို သူနှစ်သက်ကြောင်း Musk ကပြောကြားခဲ့ပါတယ်။
Your browser doesn’t support HTML5
Space X ကုမ္ပဏီ အာကာသကို အကြီးဆုံး ဒုံးပျံလွှတ်တင်