ကုလားတန် စီမံကိန်းနဲ့ ဒေသတွင်း ဖွံ့ဖြိုးမှု အလားအလာ အပိုင်း (၂)

ရခိုင်ပြည်နယ်၊ စစ်တွေမြို့မှာ အိန္ဒိယနိုင်ငံက အကုန်ကျခံ တည်ဆောက်ခဲ့တဲ့ ကုလားတန် ဘက်စုံဖွံ့ဖြိုးရေး စီမံကိန်းအပေါ် ဒေသခံတွေဘက်က အပြင်းအထန် ကန့်ကွက်တာမျိုး မရှိပေမယ့်လည်း ဒေသဖွံ့ဖြိုးရေးကို ဘယ်လောက်အထိ အထောက်အကူဖြစ်မလဲ ဆိုတဲ့အပေါ်မှာတော့ မေးခွန်းထုတ်နေကြဆဲ ဖြစ်ပါတယ်။ ဒါ့အပြင် စီမံကိန်းအတွက် လုပ်ငန်းတွေမှာလည်း ဒေသခံတွေကို အသုံးပြုတာ နဲတဲ့အတွက် စီမံကိန်း ကာလမှာကိုက ဒေသခံတွေအတွက် အလုပ်အကိုင် ဖန်တီးပေးနိုင်စွမ်း အားနည်းခဲ့တယ်လို့ ထောက်ပြ ဝေဖန်ကြပါတယ်။ ကုလားတန် စီမံကိန်းအပေါ် ဒေသခံတွေရဲ့ အမြင်သဘောထားတွေကို စစ်တွေမြို့က တက်ကြွလှုပ်ရှားသူ ကိုဇော်ဇော်ထွန်းကို ဆက်သွယ် မေးမြန်းပြီး အခုသီတင်းပတ်ရဲ့ စီးပွားရေးကဏ္ဍမှာ အပိုင်း (၂) အဖြစ်နဲ့ ကိုဇော်ဝင်းလှိုင်က တင်ပြပေးထားပါတယ်။