ကမ္ဘာ့အသက်အရှည်ဆုံး အမျိုးသမီးကြီး ကွယ်လွန်သွားပြီ

အသက် ၁၁၇ နှစ်ရှိပြီဖြစ်တဲ့ ကမ္ဘာ့အသက်အရှည်ဆုံး အမျိုးသမီးကြီး Nabi Tajima ဟာ စနေနေ့ညနေက ကွယ်လွန်သွားပါပြီ။

ဂျပန်နိုင်ငံတောင်ပိုင်း Kikai မြိုကကလေးကဆေးရုံမှာ ဇန်နဝါရီလကစပြီး ဆေးကုသမှု ခံယူနေတဲ့ Tajima ကွယ်လွန်သွားပြီဖြစ်ကြောင်း မြို့နယ်အရာရှိ Susumu Yoshiyuki ကအတည်ပြုပြောကြားပါတယ်။

Tajima ဟာ ၁၉၀၀ ပြည့်နှစ်၊ သြဂုတ်လ ၄ ရက်နေ့က မွေးဖွားတာမို့ ရှားရှားပါးပါး ၁၉ ရာစုဖွား နောက်ဆုံးလူသားလို့ ခေါ်ကြတာပါ။ သူဟာ သား ၇ ယောက်နဲ့ သမီး ၂ ယောက်တို့ရဲ့မိခင်ဖြစ်ပြီး မြေးမြစ်တီတွတ် အားလုံးပေါင်း ၁၆၀ ကျော်ရှိပါတယ်။

အသက် ၁၁၇ နှစ်ရှိပြီဖြစ်တဲ့ ဂျမေကာနိုင်ငံသူ Violet Brown စက်တင်ဘာလထဲမှာ ကွယ်လွန်သွားတဲ့နောက် သူပဲ အသက်အကြီးဆုံး လူသားအဖြစ် ကျန်ခဲ့တာပါ။

Tajima နေထိုင်ရာ Kikai မြို့ကလေးဟာ ဂျပန်ရဲ့ ကျွန်းကြီး ၄ ကျွန်းမှာ တောင်ဖက် အစွန်ဆုံးက အိုကီနာဝါနဲ့ ကျူရှုး ကျွန်းကြီး နှစ်ကျွန်း အလယ်လောက်မှာ ရှိတဲ့ လူဦးရေ ၇ ထောင်လောက်နေထိုင်တဲ့ ကျွန်းမြို့လေးဖြစ်ပါတယ်။

အခု ဂျပန်နိုင်ငံမှာ နောက်အမျိုးသမီးတဦးဖြစ်တဲ့ Chiyo Miyako ကတော့ မေလ ၂ ရက်နေ့မှာ အသက် ၁၁၇ နှစ်ပြည့်မှာမို့ ကမ္ဘာမှာ အသက်အကြီးဆုံး ဖြစ်လာတော့မှာပါ။ သူဟာ တိုကျိုတောင်ဘက် Kanagawa ဒေသမှာ နေပါတယ်။

Guinness မှတ်တမ်းဝင် အသက် ၁၁၂ နှစ်ရှိပြီဖြစ်တဲ့ အသက်အရှည်ဆုံး အမျိုးသား Masazo Nonaka ကတော့ ဂျပန်မြောက်ပိုင်းမှာ နေထိုင်ပါတယ်။

ကမ္ဘာ့အသက်အရှည်ဆုံး အမျိုးသမီးကြီး ကွယ်လွန်သွားပြီ