အိန္ဒိယနိုင်ငံအရှေ့မြောက်ပိုင်း Meghalaya ပြည်နယ်မှာ အိန္ဒိယ မြန်မာ နှစ်နိုင်ငံ ပူးတွဲ စစ်ရေးလေ့ကျင့်မှုတွေ ပြုလုပ်မှာဖြစ်ကြောင်း အိန္ဒိယကာကွယ်ရေးဝန်ကြီးဌာန ပြောခွင့်ရ ဒုတိယဗိုလ်မှူးကြီး Suneet Newton က စနေနေ့မှာ ပြောပါတယ်။
Meghalaya ပြည်နယ်မြို့တော် Shillong ကနေ ၁၅ မိုင်အကွာမှာရှိတဲ့ Umroi တပ်မြို့ကလေးမှာ နိုဝင်ဘာလ ၂၀ ရက်ကျရင် ပူးတွဲ စစ်ရေးလေ့ကျင့်မှုတွေ စတင် ပြုလုပ်မှာဖြစ်ပါတယ်။
IMBAX-2017 လေ့ကျင့်မှုဟာ အိန္ဒိယ-မြန်မာ နှစ်နိုင်ငံကြား ကုလသမဂ္ဂ ငြိမ်းချမ်းရေးထိန်းသိမ်းမှုတပ်တွေရဲ့ စစ်ရေးလေ့ကျင့်မှု UNPKO အဖြစ် ပထမဆုံး အိန္ဒိယမြေပေါ်မှာ လေ့ကျင့်တာဖြစ်ကြောင်းလဲ ဒုဗိုလ်မှူးကြီး Newton က ပြောပါတယ်။
အခုလေ့ကျင့်မှုမှာ မြန်မာစစ်တပ်အရာရှိ ၁၅ ဦးနဲ့ အိန္ဒိယအရာရှိ ၁၆ ဦးတို့ပါဝင်ပြီး အခုလို ၆ ရက်ကြာ ပူးတွဲ စစ်ရေးလေ့ကျင့်မှုဟာ ကုလသမဂ္ဂ ငြိမ်းချမ်းရေးထိန်းတပ်တွေရဲ့ လုပ်ငန်းတွေမှာ မြန်မာအဖွဲ့ ပါဝင်နိုင်ဖို့ လေ့ကျင့်တာ ဖြစ်ပါတယ်။
အိန္ဒိယနဲ့ ဘင်္ဂလားဒေ့ရှ် စစ်တပ်တွေကြား ပူးတွဲလေ့ကျင့်မှုကိုတော့ နိုဝင်ဘာလ ၁၁ ရက်နေ့က အောင်မြင်စွာ ပြုလုပ်ခဲ့ပြီး ဖြစ်ပါတယ်။
Your browser doesn’t support HTML5
အိန္ဒိယ-မြန်မာ ပူးတွဲစစ်ရေးလေ့ကျင့်မည်