၂၀၂၃ အမျိုးသမီးကမ္ဘာ့ဖလားဘောလုံးပွဲမှာတော့ ကမ္ဘာ့ချန်ပီယံ ၂ ကြိမ်ဖြစ်ဖူးတဲ့ နာမည်ကြီး ဂျာမနီအသင်း အုပ်စုအဆင့်ကနေ ပြုတ်သွား ပြီဖြစ်ပါတယ်။
အုပ်စု H က အုပ်စုနောက်ဆုံးပွဲစဉ်အဖြစ်နဲ့ ဂျာမနီ နဲ့ တောင်ကိုရီးယား၊ ကိုလံဘီယာနဲ့ မော်ရိုကိုတို့ရဲ့ ပွဲစဉ်တွေကို ဒီနေ့ ကစာခဲ့ကြတာမှာ မော်ရိုကိုက ကိုလံဘီယာကို ၁ ဂိုး ဂိုးမရှိ နဲ့ နိုင်ပြီး၊ ဂျာမနီ နဲ့ တောင်ကိုရီးယားတို့ ၁ ဂိုးစီ သရေကျသွားပါတယ်။ တောင်ကိုရိးယားက ပွဲစပြီး ၆ မိနစ်မှာ ဂိုးအရင်သွင်းခဲ့ပြီး ဂျာမနီက တိုက်စစ်မှူး Popp က ၄၂ မိနစ်မှာ ချေပဂိုး ပြန်သွင်းပါတယ်။ ဒါပေမဲ့ ဂျာမနီအသင်းဟာ နောက်ထပ် ဂိုးမသွင်းနိုင်တာကြောင့် ၁ ဂိုးစီသရေဖြစ်သွားခဲ့တာပါ။ ဒါကြောင့် ဒီအုပ်စုမှာ ကိုလံဘီယာ နဲ့ မော်ရိုကိုက ၂ ပွဲ နိုင် ၁ ပွဲ ရှုံးနဲ့ ၆ မှတ်စီရပြီး၊ ဂျာမနီအသင်းက ၁ ပွဲ နိုင် ၁ ပွဲ သရေ ၁ ပွဲ ရှုံးနဲ့ ၄ မှတ် နဲ့ အုပ်စု တတိယရတာကြောင့် ပြိုင်ပွဲနေ ထွက်လိုက်ရတာဖြစ်ပါတယ်။ ဂျာမနီအသင်းဟာ အခုလို အုပ်စုအဆင့်ကနေ ထွက်လိုက်ရတဲ့အတွက် ၊ ဒါဟာ သူတို့အတွက်တော့ အမျိုးသမီးကမ္ဘာ့ဖလားသမိုင်းမှာ ပထမဆုံးအကြိမ် အုပ်စုအဆင့်နေ ထွက်လိုက်ရတာဖြစ်ပါတယ်။
မနေ့တုန်းကလည်း အုပ်စု F မှာ ပါဝင်တဲ့ တောင်အမေရိကချန်ပီယံ ဘရာဇီးအသင်းဟာ ဂျမေကာနဲ့ ဂိုးမရှိသရေကျပြီး ၁ ပွဲ နိုင် ပွဲ သရေ ၁ ပွဲ ရှုံး ၄ မှတ် နဲ့ အုပ်စု တတိယပဲ ရတာကြောင့် ပြိုင်ပွဲကနေ ထွက်ခဲ့ရပါတယ်။ အဲဒီအုပ်စုမှာတော့ ပြင်သစ်က ၇ မှတ်၊ ဂျမေကာက ၅ မှတ် ဒုတိယအဆင့်ရှုံးထွက်ကို တက်သွားခဲ့တာဖြစ်ပါတယ်။
Your browser doesn’t support HTML5
ကမ္ဘာ့ဖလား အမျိုးသမီး အုပ်စုပွဲမှာ ဂျာမနီအသင်း အရှုံးနဲ့ထွက်