မြန်မာနိုင်ငံရောက်နေကြတဲ့ အိန္ဒိယနိုင်ငံသားတွေကို ရခိုင်ပြည်နယ်ကို မသွားကြဖို့ အိန္ဒိယနိုင်ငံခြားရေးဝန်ကြီးဌာနက သတိပေးစာထုတ်ပြန်လိုက်ပါတယ်။
ရခိုင်မှာ လုံခြုံရေးအခြေအနေ ယိုယွင်းလာတာ၊ ကြိုးလိုင်းတွေအပါအဝင် ဆက်သွယ်ရေးစနစ် ယိုယွင်းလာတာ၊ မရှိမဖြစ်ပစ္စည်းတွေ ဆိုးဆိုးရွားရွား ရှားပါးလာတာကြောင့် အိန္ဒိယနိုင်ငံသားတွေ ရခိုင်ပြည်နယ်ကို မသွားကြဖို့ အိန္ဒိယ အစိုးရက သတိပေးလိုက်တာပါ။ ရခိုင်ကိုရောက်ပြီးနေတဲ့ အိန္ဒိယနိုင်ငံသားတွေ ကိုလည်း ချက်ချင်း ရခိုင်ကနေထွက်ကြဖို့ အိန္ဒိယနိုင်ငံခြားရေးဝန်ကြီးဌာနက အကြံပေးပါတယ်။
အာဏာသိမ်း ၃ နှစ်ပြည်တဲ့ အရင်အပတ်တုန်းကလည်း အိန္ဒိယနိုင်ငံက မြန်မာနိုင်ငံမှာဖြစ်နေတဲ့ အကြမ်းဖက်မှုတွေနဲ့ မတည်ငြိမ်မှုတွေအပေါ် စိုးရိမ်ကြောင်း၊ အိန္ဒိယနိုင်ငံရဲ့လုံခြုံရေးအပေါ် သက်ရောက်နိုင်ကြောင်း အရေးပေါ်အခြေအနေ သက်တမ်းထပ်တိုးလိုက်ပြီး မကြာမီ နာရီပိုင်းအတွင်းမှာပဲ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ရန်ဒီအာ ဂျေစဝဲ (Randhir Jaiswal) က ပြောကြောင်း ဟိန္ဒူစတန်တိုင်းမ်း သတင်းက ဆိုပါတယ်။
အကြမ်းဖက်တာတွေ ရပ်ပြီး အားလုံးပါဝင်တဲ့ ဖက်ဒရယ် ဒီမိုကရေစီကို ကူးပြောင်းဖို့ အိန္ဒိယက ပြောခဲ့တာပါ။ အပြုသဘောဆွေးနွေးပွဲတွေကတဆင့် တိုင်းပြည်ရဲ့ ငြိမ်းချမ်းတည်ငြိမ်ရေး ပြန်ဖြစ်ပေါ်လာဖို့ ဒီကိစ္စကို စောစောဖြေရှင်းစေလိုပါတယ်လို့ မစ္စတာ ရန်ဒီအာ ဂျေစဝဲ က ပြောပါတယ်။
Your browser doesn’t support HTML5
ရခိုင်မသွားကြဖို့ အိန္ဒိယက သူ့နိုင်ငံသားတွေကိုသတိပေး