ယူကရိန်းသမ္မတ Volodymyr Zelenskyy က စစ်ထဲဝင်ရမယ့် အသက်သတ်မှတ်ချက်ကို ၂၇ ကနေ ၂၅ နှစ် ပြင်ဆင်လျှော့ချလိုက်တဲ့ ဥပဒေတရပ်ကို လက်မှတ်ထိုး အတည်ပြုလိုက်ပါတယ်။ အင်္ဂါနေ့က လက်မှတ်ထိုး အတည်ပြုလိုက်တဲ့ ဥပဒေသစ်အရ ယူကရိန်းစစ်တပ်အတွက် ရှေ့တန်းစစ်မျက်နှာမှာ တိုက်ခိုက်ဖို့ အရပ်သားတွေ တိုးလာမှာပါ။ ဥပဒေသစ်ကို ကျင့်သုံးဖို့ စစ်တပ်က အစိုးရကို လအတော်ကြာကတည်းက တောင်းဆိုထားပြီး၊ လွှတ်တော်က အတည်ပြုခဲ့ပြီး ၁ နှစ်နီးပါးရှိတော့မှ သမ္မတက လက်မှတ်ရေးထိုး လိုက်တာဖြစ်ပါတယ်။ ရုရှားရဲ့ ကျုးကျော်စစ်နဲ့ ရင်ဆိုင်နေရတာ ၂ နှစ်ကျော် ကာလအတွင်း စစ်တပ်မှာ အထိအခိုက်အကျအဆုံးတွေ များလာနေချိန် ဥပဒေကို ပြင်ဆင်လိုက်တာပါ။
တချိန်တည်းမှာပဲ ရုရှားတပ်ဖွဲ့တွေက ပဲ့ထိန်းတပ် မစ်ဇိုင်းဒုံး ၃ ခု၊ Shahed အမျိုးအစား အဝေးထိန်း ဒရုန်း ၄ စင်း နဲ့ ညဖက်မှာ တိုက်ခိုက်ခဲ့ကြောင်း ယူကရိန်းက ဒီကနေ့ သတင်းထုတ်ပြန်ပါတယ်။ ဒရုန်း ၄ စင်း စလုံးကို ကြားဖြတ် ပစ်ချနိုင်ခဲ့တယ်လို့လည်း ယူကရိန်းလေတပ်က ပြောပါတယ်။ ရုရှားစစ်တပ်က ပစ်ခတ်ခဲ့တဲ့ မစ်ဇိုင်းဒုံးတွေဟာ ယူကရိန်းအရှေ့ပိုင်း Donetsk (ဒေါညက်) ဒေသကို ပစ်မှတ်ထားခဲ့တယ်လို့လည်း ယူကရိန်းလေတပ်က ပြောပါတယ်။
Your browser doesn’t support HTML5
ယူကရိန်းမှာ စစ်မှုထမ်းသက် ၂၇ ကနေ ၂၅ နှစ်ကို လျှော့ချ သတ်မှတ်