အစ္စရေး-ဟားမတ်အရေး နိုင်ငံတချို့ သဘောထားကွဲလွဲ
အစ္စရေးကို ဟားမတ်စစ်သွေးကြွတွေ အောက်တိုဘာလ ၇ ရက်နေ့က တိုက်ခိုက်ခဲ့ပြီးတဲ့နောက် အစ္စရေးဘက်က လက်တုံ့ပြန် တိုက်ခိုက်နေတာမှာ ဂါဇာကို မြေပြင်တပ်ဖွဲ့ ဝင်ရောက်တိုက်ခိုက်တဲ့ ၄ ရက်အတွင်း ပါလက်စတိုင်း ထောင်နဲ့ချီ သေဆုံးခဲ့ရ ပါတယ်။ အောက်တိုဘာ ၇ ရက် တိုက်ခိုက်မှု အတွင်းမှာတော့ အစ္စရေး ၁၄၀၀ လောက် သေဆုံးခဲ့တာပါ။ အစ္စရေးက ဂါဇာကို ဆက်လက် ထိုးစစ်ဆင်နေတာနဲ့ ပတ်သက်လို့ အမေရိကန်၊ ရုရှား၊ အီရန်နဲ့ တူရကီနိုင်ငံတွေက တာဝန်ရှိသူတွေကြား သဘောထားတွေ ကွဲလွဲမှုတွေ ရှိနေတဲ့အကြောင်း ဗွီအိုအေရဲ့ အိမ်ဖြူတော်ကနေ Anita Powell ပေးပို့တဲ့သတင်းကို မခင်ဖြူထွေးက တင်ပြပေးပါမယ်။