အမေရိကန်လွတ်လပ်ရေးနေ့ စစ်ရေးပြအခမ်းအနားနဲ့ ကျင်းပ

ဝါရှင်တန် ဒီစီမြို့က နှစ်စဉ်ကျင်းပမြဲ အမေရိကန်လွတ်လပ်ရေးနေ့ကို ဒီနှစ်မှာတော့ စစ်အင်အားတွေ ပြတာ၊ သမ္မတ Donald Trump ရဲ့ မျိုးချစ်စိတ်ထက်သန်စေရေး မိန့်ခွန်းပြောကြားတာ စတဲ့ တမူထူးခြားတဲ့ အစီအစဉ်တွေနဲ့ ကျင်းပခဲ့ပါတယ်။ ဒီအခမ်းအနားကို သမ္မတကို ထောက်ခံသူတွေရော၊ ကန့်ကွက်သူတွေပါ တက်ရောက်ခဲ့ကြပါတယ်။ အစဉ်အလာအားဖြင့် နိုင်ငံရေး အသွေးအရောင်မပါဘဲ ကျင်းပလေ့ရှိတဲ့ အခမ်းအနားတွေကို ဒီနှစ်မှာ သမ္မတ Trump အသုံးချခဲ့ပြီး၊ အခွန်ပေးဆောင်သူတွေရဲ့ ငွေတွေကို ဖြုန်းတီးတယ် ဆိုတဲ့ ဝေဖန်မှုတွေလည်း ထွက်ပေါ်ခဲ့ပါတယ်။ ဗွီအိုအေ အိမ်ဖြူတော်သတင်းထောက် Patsy Widakuswara သတင်းပေးပို့ထားတာကို ကိုဇော်ဝင်းလှိုင်က တင်ပြပေးပါမယ်။