ဆီးရီးယားကျေးရွာတွေက နေရောင်ခြည်စွမ်းအင်

လေထုညစ်ညမ်းမှုလျော့ချရေးအတွက် နေစွမ်းအင်ကိုအသုံးပြုဖို့ တက်ကြွလှုပ်ရှားသူတွေက အားထုတ်ကျိုးပမ်းကြပေမယ့် လျှပ်စစ်စွမ်းအင်မရကြတဲ့ဒေသတွေမှာ နေစွမ်းအင်သာလျှင် လက်တွေ့ကျတဲ့ဖြေရှင်းနည်းဖြစ်ပါတယ်။ အိမ်ယာအတည်တကျမရှိပဲ သဲကန္တာရထဲက ရေကြည်ရာ မြက်နုရာသွားလာနေထိုင်ကြသူတွေနဲ့ လူသူအလှမ်းဝေးတဲ့ ရွာတွေနေထိုင်ကြသူတွေဟာ နေစွမ်းအင်ရဖို့ ဆိုလာပြားတွေကို မကြာခဏ အသုံးပြုကြတာပါ။ လတ်တလောကာလမှာတော့ ဆိုလာပြားတွေကိုစစ်ဘေးသင့်ဒေသတွေမှာ အသုံးပြုလာကြပါတယ်။ ဆီးရီးယားနိုင်ငံတဝှမ်းက ကျေးရွာတွေမှာ ဆိုလာပြားတွေ အသုံးပြုလာနေကြတဲ့အကြောင်း VOA သတင်းထောက် Zlatica Hoke ပေးပို့ထားတဲ့ သတင်းကို နန်းလောင်ဝ်က တင်ပြထားပါတယ်။