မန္တလေးမုန့်တီ

မြန်မာပြည်မှာ နေရာဒေသအလိုက် နာမည်ကျော်ကြားတဲ့ အထင်ကရ အစားအစာတွေ ရှိကြပါတယ်။ မနက်ခင်းစာအဖြစ် စားလေ့ရှိတဲ့ နန်းကြီးသုပ်လို့ခေါ်တဲ့ မန္တလေးမုန့်တီဟာဆိုရင်လဲ မန္တလေးမြို့ ရဲ့  အထင်ကရ အစားအစာတခုလို့ ဆိုနိုင်ပါတယ်။ မန္တလေးရောက်ရင် ဦးပိန်တံတားရှိရာ တောင်သမန်အင်းကို မဖြစ်မနေ သွားကြလေ့ရှိသလို  မုန့်တီကိုလဲ စားဖြစ်အောင် စားလေ့ ရှိတယ်လို့ ဆိုကြပါတယ်။ ဒါကြောင့် မန္တလေးမုန့်တီအကြောင်းနဲ့ မုန့်တီအပေါ် အမြင်တွေကို ဒီသီတင်းပတ် မြန်မာတခွင်အစီအစဉ် မှာ ဗွီအိုအေ မြန်မာပိုင်းသတင်းထောက် မမြင့်မြင့်ခိုင်က တင်ပြထားပါတယ်။