ဆီးရီးယားမြောက်ပိုင်းမှာ စနေနေ့က ရဟတ်ယာဥ်နဲ့ စီးနင်းတိုက်ခိုက်ခဲ့ရာမှာ အစ္စလာမ် နိုင်ငံတော်အဖွဲ့လို့အဓိပ္ပါယ်ရတဲ့ အိုင်အက်စ် (IS) အဖွဲ့တာဝန်ရှိသူတဦး ကို အမေရိကန်တပ်တွေက ဖမ်းမိခဲ့တယ်လို့ အရှေ့အလယ်ပိုင်း၊ ဗဟိုအာရှနဲ့ တောင်အာရှဆိုင်ရာ တာဝန်ရှိတဲ့ အမေရိကန်တပ်ဖွဲ့တွေရဲ့ ဗဟိုတပ်မဌာနချုပ် USCC က တနင်္လာနေ့ က ပြောပါတယ်။
“စီးနင်းတိုက်ခိုက်ခဲ့ရာမှာ ဆီးရီးယား အိုင်အက်စ် အိုင်အက်စ် (ISIS) အဖွဲ့ရဲ့ စစ်ဆင်ရေးနဲ့ ပြင်ဆင်ချောမွေ့ရေး တာဝန်ခံတယောက်ဖြစ်တဲ့ အဘူ ဟာလီလ် အယ်ဖာဒါနီ (Abu Halil al-Fad'ani) ကို ဖမ်းမိခဲ့ပြီး သူဟာ ဒေသတွင်း ISIS ကွန်ယက်နဲ့ ချိတ်ဆက်နိုင်သူဖြစ်တယ်လို့ USCC က သတင်းထုတ်ပြန်ပါတယ်။
ဒီလို အယ်ဖာဒါနီ လို ISIS တာဝန်ရှိသူတွေကို ဖမ်းဆီးမိတာက ကျနော်တို့တပ်ဖွဲ့တွေရဲ့ စစ်မြေပြင်မှာ အကြမ်းဖက်သမားတွေကို ရှာဖွေ၊ ပစ်မှတ်ထား၊ ဖယ်ရှား နိုင်တဲ့စွမ်းရည်ကို တိုးတက်စေပါတယ်" လို့ ဗဟိုတပ်မဌာနချုပ် ရဲ့ ပြောရေးဆိုခွင့်ရှိသူ ထရွိုင် ဂါးလော့ခ် (Troy Garlock) က ပြောပါတယ်။
ဒီ စစ်ဆင်ရေးမှာ အရပ်သားတဦးတယောက်မှ သေဆုံး၊ ဒဏ်ရာရတာ မရှိ' ကြောင်းလည်း ထုတ်ပြန်ချက်က ဆိုပါတယ်။
