နိုင်ငံတော်သမ္မတက မေလ ၃၁ ရက်နေ့မှာ စီမံကိန်းနဲ့ ဘဏ္ဍာရေးဝန်ကြီးအသစ်ကို ခန့်အပ် လိုက်ပါပြီ။ လက်ရှိမှာ ဖွံ့ဖြိုးမှု နှေးကွေးနေတဲ့ မြန်မာ့စီးပွားရေးကို ဝန်ကြီးသစ်အနေနဲ့ ဦးဆောင်ပေးနိုင်မလား၊ ဘယ်ကဏ္ဍတွေကို ဦးစားပေး လုပ်ဆောင်ဖို့ လိုမလဲ ဆိုတာတွေကို ပြည်သူ့လွှတ်တော် ငွေစာရင်း ကော်မီတီဝင်ဟောင်း ဒေါ်တင်နွယ်ဦးကို ဆက်သွယ် မေးမြန်းပြီး အခုသီတင်းပတ်ရဲ့ စီးပွားရေးကဏ္ဍမှာ ကိုဇော်ဝင်းလှိုင်က တင်ပြ ပေးထားပါတယ်။
