ဘင်္ဂလားပင်လယ်အော် အရှေ့တောင်ပိုင်းမှာ ဖြစ်ပေါ်နေတဲ့ မုန်တိုင်းဟာ ဒီကနေ့မနက်မှာ တိုင်းထွာချက်များအရ မြောက်-အနောက်မြောက်ဘက်ကို ဦးတည်ရွှေ့လျားပြီး အားကောင်းတဲ့မုန်တိုင်းငယ် (Cyclonic Storm) မိုခါး (Mocha) အဖြစ်ကို ရောက်ရှိသွားပြီလို့ မိုးဇလဌာနက ထုတ်ပြန်ပါတယ်။
မုန်တိုင်း "မိုခါး" ဟာ လက်ရှိ ခန့်မှန်းသိရှိရတဲ့ အခြေအနေအရ ဘင်္ဂလားဒေ့ရှ်နဲ့ မြန်မာ ကမ်းရိုးတန်းတွေဆီ ဦးတည် ရွှေ့လျားလာနိုင်တဲ့ အခြေအနေရှိတာကြောင် လိမ္မော်ရောင်အဆင့်ကို သတ်မှတ်ထားတယ်လို့ ဆိုပါတယ်။
