IPEF အင်ဒိုပစိဖိတ် ၁၄ နိုင်ငံ စီးပွါးရေးပူးပေါင်းဆောင်ရွက်မှု သဘောတူညီချက်ရ
အမေရိကန်ဦးဆောင်ပြီး အင်ဒိုပစ္စဖိတ်နိုင်ငံတွေပါဝင်တဲ့ IPEF စီးပွားရေးညှိနှိုင်းဆွေးနွေးပွဲကိုစနေနေ့တုန်းကအမေရိ ကန်ပြည်ထောင်စု ဒက်ထွိုက် Detroit မြိုမှာကျင်းပခဲ့ပြီး၊ ကုန်ပစ္စည်းထုတ်လုပ်တင်ပို့မှုပိုမိုခိုင်မာပြီး၊ လုံခြုံစိတ်ချရ ဖို့အတွက် သဘောတူညီချက်တွေကိုရရှိခဲ့တယ်လို့ အမေရိကန်ကူးသန်းရောင်း ဝယ်ရေးဝန်ကြီး Gina Ramiond ကသတင်းစာရှင်းလင်းပွဲမှာပြောဆိုခဲ့ပါတယ်။
သဘောတူညီချက်အရ ပထမအဆင့်အနေနဲ့ “ကုန်ပစ္စည်းထုတ်လုပ်တင်ပို့မှုပူးပေါင်းဆောင်ရွက်ရေးကောင်စီ” တရပ်ကိုဖွဲ့ စည်းသွားဖို့နဲ့ အနှောက်အယှက်အဟန့်အတားတွေဖြစ်လာခဲ့ရင် ကြိုတင်သတိပေးနိုင်ဖို့နဲ့ တုန့်ပြန်ဖြေရှင်းနိုင်ဖို့ “အခက်အခဲတုန့်ပြန်ဖြေရှင်းဆောင်ရွက်ရေးကွန်ယက်” Crisis Response Network ကိုဖွဲ့သဘောတူခဲ့ကြတယ်လို့ ကူးသန်းရောင်းဝယ်ရေးဝန်ကြီး Ramiond ကပြောပါတယ်။
ဒီသဘောတူညီချက်ထဲမှာ အလုပ်သမားအခွင့်အရေးဆိုင်ရာသဘောတူညီချက်လည်းပါဝင်ပါတယ်။ ကုန်ပစ္စည်းထုတ်လုပ် တင်ပို့မှုတွေမှာ အလုပ်သမားတွေနဲ့ပတ်သက်တဲ့ အခွင့်အရေးနဲ့စံချိန်စံညွှန်းသတ်မှတ်ဖို့နဲ့။ အစိုးရ၊ အလုပ်သမားနဲ့ အလုပ်ရှင်ကိုယ်စားလှယ်တွေပါဝင်တဲ့ ဘုတ်အဖွဲ့ဖွဲ့စည်းဖို့လည်းပါဝင်ပါတယ်။
အလုပ်သမားဆိုင်ရာအချက်ဟာ အင်ဒိုပစ္စဖိတ် IPEF ရဲ့ ကုန်ထုတ်ဖြန့်ဖြူးရေးဆွေးနွေးပွဲရဲ့အဒီက ၄ ချက်ထဲက ၁ ချက်ဖြစ်ပါတယ်။ ကျန် ၃ ချက်က တော့ကုန်သွယ်ရေး၊ ရာသီဥတုပြောင်းလဲမှုကိစ္စနဲ့ အသွင်ကူးပြောင်းရေးကိစ္စတွေ ဖြစ်ပါတယ်။ ဒီကိစ္စရပ်တွေဟာ မိုပိုရှုတ်ထွေးပြီး ပြည့်ပြည့်စုံစုံပါဝင်နိုင်ဖို့အတွက် အချိန်ယူညှိနှိုင်းဆွေးနွေးရမှာဖြစ်ပါ တယ်။ ဒါပေမယ့်လည်း အမေရိကန်တာဝန် ရှိသူတွေကတော့လာမယ့်နိုဝင်ဘာလ ဆန်ဖရန်စ္စကိုမှာ အာရှပစ္စဖိတ် APEC ထိပ်သီးအစည်းအဝေး မကျင်းပမှီရလဒ်ကောင်းတချို့ထွက်ပေါ်လိုကြပါတယ်။ ဒီ IPEF မှာ တရုတ်မပါပေမယ့်၊ တပြိုက်နက်ထဲ ပြုလုပ်တဲ့ APEC အာရှပစ္စဖိတ်ကုန်သွယ်ရေးဆွေးနွေးပွဲကို တရုတ်ကိုယ်စားလှယ်တွေတက်ရောက်ခဲ့ပါတယ်။
