အနိမ့်ဆုံးလုပ်အားခ သတ်မှတ်မှုရဲ့ နောက်ဆက်တွဲ

မြန်မာနိုင်ငံအတွင်း ငွေကြေးဖောင်းပွမှုတွေ ဖြစ်ပေါ်နေတဲ့အတွက် အစိုးရက သတ်မှတ်လိုက်တဲ့ အနည်းဆုံး အခကြေးငွေဟာ အလုပ်သမားတွေအတွက် လုံလောက်မှု မရှိဘူးလို့ အလုပ်သမားအရေး ဆောင်ရွက်သူတွေက ပြောပါတယ်။ စက်တင်ဘာလ ၁ ရက်နေ့ကစပြီး အနည်းဆုံး အခကြေးငွေ သတ်မှတ်ပြီးနောက်ပိုင်း လုပ်ငန်းခွင်ထဲမှာ အလုပ်သမားတွေနဲ့ အလုပ်ရှင်တွေအကြားက ဆက်ဆံရေး ပုံစံတခု ပြောင်းလဲလာနေပြီး တချို့ စက်ရုံတွေ ပိတ်တော့မယ်ဆိုတဲ့ ပြောဆိုမှုတွေ ရှိနေသလို အလုပ်သမားတွေလည်း ရာနဲ့ချီ အလုပ်ဖြုတ်ခံရတာတွေ ရှိလာနေတယ်လို့ ဆိုပါတယ်။ အနိမ့်ဆုံး လုပ်အားခ အခကြေးငွေ သတ်မှတ်ပြီး ဖြစ်ပေါ်လာတဲ့ နောက်ဆက်တွဲ အခြေအနေတွေ အလုပ်သမားအဖွဲ့ချုပ်ဥက္ကဋ္ဌ ဦးအောင်လင်းနဲ့ မေးမြန်းပြီး ကိုဇော်ဝင်းလှိုင်က အခုသီတင်းပတ်ရဲ့ စီးပွားရေးကဏ္ဍမှာ တင်ပြပေးထားပါတယ်။