မြန်မာနိုင်ငံရဲ့ သန်း ၅၀ နီးပါး လူဦးရေမှာ တဝက်ကျော်ဟာ အမျိုးသမီးတွေဖြစ်ကြပေမဲ့ အခုလာမယ့် နိုဝင်ဘာ ၇ ရက် ရွေးကောက်ပွဲတွေမှာတော့ ပါဝင်ယှဉ်ပြိုင်မယ့် အမျိုးသမီး လွှတ်တော်ကိုယ်စားလှယ်လောင်း ဦးရေဟာ ၈ ရာခိုင်နှုန်းအောက်မှာ ရှိတယ်လို့ သိရပါတယ်။ တိုင်းရင်းချင်းအမျိုးသမီး လည်းဖြစ် ရှေ့နေတဦးလည်းဖြစ်တဲ့ ဒေါ်ကန့်ခန်ဒင်း ဟာ တောင်ဥက္ကလာပ မဲဆန္ဒနယ်မြေက ပြည်သူ့လွှတ်တော်ကိုယ်စားလှယ် လောင်းအဖြစ် NDF ခေါ် အမျိုးသားဒီမိုကရေစီအင်အားစုပါတီကနေ ဝင်ရောက်ယှဉ်ပြိုင်မှာ ဖြစ်ပါတယ်။ သူ့ရဲ့ ရွေးကောက်ပွဲ ခံယူချက်နဲ့ပတ်သက်လို့ ဒီသီတင်းပတ်ရဲ့ အမျိုးသမီး ကဏ္ဍမှာ ဒေါ်လှလှသန်း က မေးမြန်းတင်ပြထားပါတယ်။
